DEUTERONOMY 10:11 - Edisana ñwed Abasi Ibom

¹¹ Ndien Jehovah ɔdɔhɔ mi, ete, Daha ke enyɔŋ, bem mmɔ emi iso ke usuŋ, man eduk eka ekenyene isɔŋ emi ŋkɔŋwɔŋɔde nnɔ mme ete mmɔ nte nda nnɔ mmɔ.

DEUTERONOMY 10:11 Referans Kwoze

EXODUS 33:1

EKEM Jehovah ɔdɔhɔ Moses, ete, Afo ye mbio emi afo akadade ke isɔŋ Egypt ɔwɔrɔ, daha ke ɔtɔ emi, dɔk ke isɔŋ oro ŋkɔŋwɔŋɔde nnɔ Abraham, ye Isaac, ye Jacob, nte ke nyeda enye nnɔ ubon fo:

EXODUS 32:34

Ka, ndien, kada mbon oro, ka ebiet emi ŋkɔdɔhɔde fi: sese, angel mi ɔmɔŋ ebem fi iso: ndien ke usen emi ndinɔde ufen, nyenɔ mmɔ ufen idiɔk ido mmɔ.

DEUTERONOMY 10:10

Ndien ami ntie ke obot ke uwemeyo aba, ye ke okoneyo aba, kpa nte eke akpa ini; Jehovah onyuŋ okop uyo mi ke ini oro ŋko, Jehovah inyuŋ inyimeke ndisobo fi.

DEUTERONOMY 10:12

Nso ŋkpɔ ndien, O Israel, ke Jehovah Abasi fo oyom ye afo, ke mibɔhɔke eribak Jehovah Abasi fo, nnyuŋ nsaŋa ke kpukpru usuŋ esie, nnyuŋ mma enye, nnyuŋ nnam ŋkpɔ Jehovah Abasi fo, ke ofuri esit fo, ye ke ofuri ukpɔŋ fo,

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.