DEUTERONOMY 1:2 - Edisana ñwed Abasi Ibom

² Eda isaŋ usen duopekiet ke obot Horeb ke usuŋ Seir ekesim ke Kadesh-barnea.

DEUTERONOMY 1:2 Referans Kwoze

NUMBERS 13:26

Ekem mmɔ edisim Moses, ye Aaron, ye ofuri esop nditɔ Israel ke wilderness Paran, ke Kadesh; enyuŋ eda mbuk edibuk enɔ mmɔ ye ofuri esop, enyuŋ ewut mmɔ mfri isɔŋ oro.

NUMBERS 32:8

Ntem ke mme ete mbufo ekenam ke adaŋemi ŋketiede ke Kadesh-barnea ndɔŋ mmɔ nte eka ekese isɔŋ oro.

DEUTERONOMY 9:23

Ndien ke ini Jehovah ɔdɔŋde mbufo, ete mbufo ewɔŋɔ ke Kadesh-barnea, edɔk eka ekeda isɔŋ emi nnɔde mbufo, mbufo eneni uyo Jehovah Abasi mbufo, inyuŋ inimke uyo esie ke akpanikɔ, inyuŋ ikopke uyo esie.

JOSHUA 14:6

Ekem nditɔ Judah edi ke ɔtɔ Joshua ke Gilgal: ndien Caleb eyen Jephunneh, eyen Kenaz, ɔdɔhɔ enye, ete, Afo ɔmɔfiɔk ikɔ oro Jehovah eketiŋde ɔnɔ Moses, owo Abasi, abaŋa mi ye afo ke Kadesh-barnea.

DEUTERONOMY 2:8

Ndien nnyin ikebe nditɔ-ete nnyin, nditɔ Esau, emi eduŋde ke Seir, isaŋa ke usuŋ Arabah ikpɔŋ Elath, ye Ezion-geber, ndien ikabare isaŋa ibe ke usuŋ wilderness Moab.

DEUTERONOMY 2:4

Nyuŋ teme mbio emi, ete, Mbufo emɔŋ edisaŋa ebe ke adaŋa nditɔ-ete mbufo, nditɔ Esau, emi eduŋde ke Seir; ndien ndik mbufo eyenam mmɔ: mbufo etim ndien ekpeme idem:

DEUTERONOMY 1:44

Ndien mme Amorite emi eduŋde ke obot oro, ewɔŋɔ ekebiɔŋɔ mbufo, enyuŋ ebine mbufo nte ɔkwɔk enamde, enyuŋ esobo mbufo ke Seir, tutu osim ke Hormah.

LEVITICUS 9:23

Ndien Moses ye Aaron eduk ke efe esop, ndien ewɔŋɔ ekediɔŋ kpukpru owo ndien Jehovah ayarare ubɔŋ esie ɔnɔ kpukpru owo.

LEVITICUS 2:14

Ndien edieke afo edidade uwa akpa mfri ɔsɔk Jehovah, da mbuot obufa ibokpot eke efɔpde ke ikaŋ, editim mbuŋwum iŋwaŋ, sɔk ke inuak-udia akpa mfri fo.

EXODUS 3:1

NDIEN Moses ɔbɔk ufene Jethro, oku Midian, ete ŋwan esie; ndien enye ada ufene oro aka ke edem wilderness, onyuŋ osim ke Horeb obot Abasi.

GENESIS 32:3

Ndien Jacob ɔdɔŋ mme isuŋ utom, ebem enye iso etiene Esau eyen-ete esie, ke idut Seir, isɔŋ

EXODUS 17:6

Sese ami mmɔŋ mbem fi iso nda do ke akamba itiat oro ke Horeb; ndien afo oyibi itiat oro, ndien mmɔŋ eyewɔrɔ ke esit, man kpukpru owo eŋwɔŋ. Ndien Moses anam ntre ke iso mbiowo Israel.

DEUTERONOMY 1:19

Ekem nnyin idaŋa ke Horeb, isaŋa ibe ke ofuri akwa akpakop wilderness oro mbufo ekekutde ke usuŋ obot mme Amorite, kpa nte emi Jehovah Abasi nnyin okowukde nnyin; ndien nnyin idisim ke Kadesh-barnea.

DEUTERONOMY 2:1

EKEM nnyin ikabare, ida isaŋ ikeduk ke wilderness ke usuŋ Ididuot Inyaŋ, kpa nte Jehovah ɔkɔdɔhɔde mi; ndien nnyin ikan obot Seir ke edem ikabare ediwak usen.