DEUTERONOMY 1:16 - Edisana ñwed Abasi Ibom

¹⁶ Ndien mma nnyuŋ ŋwuk mme ebierikpe mbufo, ke ini oro, nte, Mbufo ekop ikɔ nditɔ-ete mbufo, enyuŋ ekpe edinen ikpe ke ufɔt owo ye eyen-ete esie, ye esen owo esie.

DEUTERONOMY 1:16 Referans Kwoze

JOHN 7:24

Ekukpe ikpe nte etiede owo ke enyin, edi ekpe edinen ikpe.

LEVITICUS 24:22

Mbufo enim ubɔk ido kiet ye esen owo, ye eyen isɔŋ: koro ami ndide Jehovah Abasi mbufo.

EXODUS 22:21

Kufik esen owo, kunyuŋ utuk enye: koro mbufo ekedide isen owo ke isɔŋ Egypt.

1ŊWED TIMOTHY 6:17

Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.

1ŊWED TIMOTHY 5:21

Mmowuk fi ke iso Abasi, ye Christ Jesus, ye ndimek angel, nte afo ekpeme ndinam uyo emi; okubem iso obiom owo ke unana ntak, okunyuŋ anam baba ŋkpɔ kiet ke uma.

ŊWED MME PSALM 58:1

NTE mbufo edi imum ke akpan? Mbufo ekpetiŋ se inende, ekpenyuŋ ekpe edinen ikpe, O nditɔ owo!

2 SAMUEL 23:3

Abasi Israel ɔdɔhɔ, Akwa Itiat Israel etiŋ ɔnɔ mi, ete, Edinen andikara owo eyedu, ada uteŋe Abasi akara;

DEUTERONOMY 31:14

Ndien Jehovah ɔdɔhɔ Moses, ete, Sese usen mkpa fo emekpere: kot Joshua edi, ndien mbufo edi edida ke efe esop, man nteme enye ŋkpɔ. Ndien Moses ye Joshua eka ekeda ke efe esop.

DEUTERONOMY 27:11

Ndien Moses eteme kpukpru owo ke usen oro, ete,

DEUTERONOMY 24:14

Kufik owo eke ekpede utom, eke ananade ŋkpɔ onyuŋ ebuenede, edide ke otu nditɔ-usɔ, onyuŋ edide ke otu isen owo eke edude ke isɔŋ fo, ke obio fo:

NUMBERS 27:19

nyuŋ nim enye ke iso Eleazar oku, ye ke iso ofuri esop; nyuŋ nɔ enye item ke iso mmɔ.

LEVITICUS 19:15

Mbufo ekunam se minenke ke ikpe: kuteŋe ubuene enyin, kunyuŋ ukpono iso akamba owo: edi kpe ikpe mbɔhiduŋ fo nte enende.

1 ŊWED THESSALONICA 2:11

mbufo emenyuŋ efiɔk ete, nnyin ikanam ŋkpɔ ye mbufo, kpa nte ete anamde ŋkpɔ ye nditɔ esie mmɔ; ikɔnɔ mbufo item, inyuŋ isɔŋɔ mbufo esit, inyuŋ isɔŋɔ inɔ mbufo uyo,

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

DEUTERONOMY 1:15

Ndien nda ikpɔ owo mme esien mbufo, mbɔŋ eti ibuot, emi enyuŋ efiɔkde ŋkpɔ, nnim mmɔ ke mbɔŋ mbufo, mme etubom mme tɔsin, ye mme etubom mme ikie, ye mme etubom mme aba ye duop, ye mme etubom mme duop, ye mme andidaha owo ke mme esien mbufo.

DEUTERONOMY 25:1

KE adaŋemi ikɔ ediwɔrɔde ke otu owo, ndien mmɔ edi ikpe, man ekpe ikpe mmɔ yak ikpe asana owo eke enende, onyuŋ otip owo eke eduede.

MME ŊKE 31:9

Tat inua fo, kpe edinen ikpe: nyuŋ biere ikɔ mbon ukut ye ubuene.