DEUTERONOMY 1:15 - Edisana ñwed Abasi Ibom

¹⁵ Ndien nda ikpɔ owo mme esien mbufo, mbɔŋ eti ibuot, emi enyuŋ efiɔkde ŋkpɔ, nnim mmɔ ke mbɔŋ mbufo, mme etubom mme tɔsin, ye mme etubom mme ikie, ye mme etubom mme aba ye duop, ye mme etubom mme duop, ye mme andidaha owo ke mme esien mbufo.

DEUTERONOMY 1:15 Referans Kwoze

DEUTERONOMY 16:18

Nyuŋ nim mme ebierikpe ye mme andidaha ke idem fo ke kpukpru obio fo eke Jehovah Abasi fo ɔnɔde fi ke ofuri mme esien fo: ndien yak mmɔ ekpe edinen ikpe enɔ kpukpru owo.

ŊWED MBON EPHESUS 4:11

Ndien Enye ɔkɔnɔ ndusuk owo nte mme apostle; onyuŋ ɔnɔ ndusuk owo nte mme asiak-uduak Abasi, onyuŋ ɔnɔ ndusuk owo nte mme ɔkwɔrɔ-gospel, onyuŋ ɔnɔ ndusuk owo nte mme andikpeme ye mme anditeme;

1 SAMUEL 22:7

Ndien Saul ɔdɔhɔ ikɔt esie emi edade ekpere enye, ete, Mbufo, nditɔ Benjamin, ekop ndien; nte eyen Jesse eyeda iŋwaŋ ye iŋwaŋ vine ɔnɔ kpukpru mbufo ŋko, onyuŋ onim kpukpru mbufo ke mme etubom mme tɔsin, ye mme etubom mme ikie;

1 SAMUEL 17:18

nyuŋ da mbak cheese duop emi sɔk etubom tɔsin mmɔ, nyuŋ se nte nditɔ-usɔ etiede, nyuŋ bɔ mmɔ ŋkpɔ ubiɔŋ mmɔ.

1 SAMUEL 8:12

Enye eyenyuŋ onim etubom mme tɔsin ke idem esie, ye mme etubom mme aba ye duop; man mmɔ enyuŋ efuŋ isɔŋ esie, enyuŋ ekpeŋe ukpeŋe esie, enyuŋ enam ŋkpɔ ekɔŋ esie,ye ŋkpɔ mme chariot esie.

NUMBERS 31:14

Ndien Moses ɔtɔhɔ ye mme andidaha mbon ekɔŋ, mme etubom mme tɔsin, ye mme etubom mme ikie, emi eketode ke itie ekɔŋ.

EXODUS 18:21

Afo nyuŋ mek mbon ikike ke otu kpukpru owo, owo eke ebakde Abasi, mbon akpanikɔ eke esuade ŋwo: nyuŋ dori mmɔ ete edi mme etubom mme tɔsin, ye mme etubom mme ikie, ye mme etubom mme aba ye udop, ye mme etubom mme duop.

NUMBERS 1:4

Yak owo kiet kiet ke kpukpru esien odu ye mbufo; kpukpru mmɔ emi edide ibuot ufɔk ete mmɔ.

DEUTERONOMY 1:14

Ndien mbufo ebɔrɔ mi, ete, Ɔfɔn ndi-nam ke ikɔ emi afo ɔdɔhɔde.

DEUTERONOMY 1:16

Ndien mma nnyuŋ ŋwuk mme ebierikpe mbufo, ke ini oro, nte, Mbufo ekop ikɔ nditɔ-ete mbufo, enyuŋ ekpe edinen ikpe ke ufɔt owo ye eyen-ete esie, ye esen owo esie.

EXODUS 24:1

NDIEN enye ɔdɔhɔ Moses, ete, Dɔk tiene Jehovah, afo, ye Aaron, ye Nadab, ye Abihu, ye mbiowo Israel ata ye duop; mbufo enyuŋ eda nsan-nsan etuak ibuot.