DANIEL 9:8 - Edisana ñwed Abasi Ibom

⁸ O Ɔbɔŋ, but iso edi eke nnyin, ye eke ndidem nnyin, ye eke mbɔŋ nnyin, ye eke mme ete nnyin, koro nnyin imanam idiɔk ye afo.

DANIEL 9:8 Referans Kwoze

ŊWED ESEME 3:42

Nnyin imanam idiɔk inyuŋ isɔŋ ibuot: afo udahakedo unɔ.

ŊWED ESEME 1:18

Jehovah emenen: koro ami nnenide uyo esie: mbɔk mbufo kpukpru mme idut ekop, enyuŋ ese ndutuhɔ mi: nditɔ iban mi ye mkparawa mi emeka ke otu mbuot-ekɔŋ.

JEREMIAH 14:20

nnyin idori enyin ke emem, ndien eti ŋkpɔ iduhe: idori enyin ke ini ukɔk, ndien, sese, akwa ndik! Nnyin imɔdiɔŋɔ mme idiɔk ido nnyin, O Jehovah, ye mme ukwaŋ-ŋkpɔ mme ete nnyin: koro nnyin imanam idiɔk ye afo.

ŊWED ESEME 5:16

Anyanya omoto nnyin ke ibuot ɔduɔ ke isɔŋ: ɔdiɔk ɔnɔ nnyin, koro nnyin imanam idiɔk!

JEREMIAH 32:32

mbaŋa ofuri idiɔk ido nditɔ Israel, ye eke nditɔ Judah, emi mmɔ enamde ndiyat mi esit, mmɔ ye ndidem mmɔ, ye ikpɔ owo mmɔ, ye mme oku mmɔ, ye mme prophet mmɔ, ye mbio Judah, ye mme andiduŋ Jerusalem.

EZEKIEL 16:63

man afo eti onyuŋ okut but, okunyuŋ ekeme ndikubɔre inua abaŋa esuene fo, ke ini ami ndidahadedo nnɔ fi ke kpukpru se afo anamde. Emi edi uyo Ɔbɔŋ Jehovah.

DANIEL 9:9

Ɔbɔŋ Abasi nnyin emenyene esit mbɔm ye eridahado, koro nnyin isɔŋde ibuot ye enye;

2 NDIDEM 21:15

koro mmɔ enamde idiɔk ke iso mi, enyuŋ eyatde mi esit, ɔtɔŋɔde ke usen nte mme ete mmɔ eketode ke Egypt ewɔŋɔ, tutu osim mfin emi.

2 CHRONICLES 6:37

ndien mmɔ ema ekabare esit mmɔ ke isɔŋ eke eketaŋde mmɔ eka, enyuŋ ekabare ekpe fi ubɔk ke isɔŋ eke eketaŋde mmɔ enyɔŋ, ete “Nnyin imanam idiɔk, imedue, inyuŋ idiɔk”:

NEHEMIAH 1:6

mbɔk, kpaŋ utɔŋ, nyuŋ tat enyin, man okop mkpe-ubɔk owo fo, emi ami ŋkpede ke iso fo mfin, ke uwemeyo ye ke okoneyo, mbaŋa nditɔ Israel ikɔt fo, nnyuŋ nyarare mme idiɔk ido nditɔ Israel, emi nnyin ikenamde ye afo kpa ami ye ufɔk ete mi ikedue.

ISAIAH 64:4

Ndien toto ke nsinsi owo ikopde, inyuŋ ikpaŋke utɔŋ, enyin inyuŋ ikwe Abasi, ke mibɔhɔke afo, eke anamde ŋkpɔ ɔnɔ mmɔ eke ebetde enye.

JEREMIAH 7:19

Nte idige idem-mmɔ? ndien oto do mmɔ eda but ke iso.

EZEKIEL 5:6

Edi enye eneni mme item mi, onyuŋ anam idiɔk akan mme idut, eneni mme ewuhɔ mi akan mme obio emi ekande enye ekuk: koro mmɔ esinde mme item mi, minyuŋ isaŋake ke mme ewuhɔ mi.