DANIEL 9:5 - Edisana ñwed Abasi Ibom

⁵ Nnyin imedue, imonyuŋ inam ukwaŋ-ŋkpɔ, imonyuŋ idiɔk, inyuŋ isɔŋ ibuot, inyuŋ ikabare ikpɔŋ ido fo ye mme item fo:

DANIEL 9:5 Referans Kwoze

MALACHI 3:7

Toto ke eyo mme ete mbufo, mbufo emekabare ekpɔŋ mme ewuhɔ mi, inyuŋ inimke: mbufo ekabare etiene mi, ndien ami nyekabare ntiene mbufo, Jehovah mme udim ɔdɔhɔ. Ndien mbufo ebup ete, Nnyin idida nso ifiak?

DANIEL 9:11

Ofuri Israel ŋko ema ebiat mbet fo, enyuŋ ekabare ete ikukop uyo fo. Ndien afo aŋwaŋa nnyin isuŋi ke idem, ye uŋwɔŋɔ emi ewetde ke ŋwed mme ewuhɔ Moses owo Abasi, koro nnyin iduede ye enye.

DANIEL 9:15

Ke emi ndien, O Ɔbɔŋ Abasi nnyin, emi akadade ɔkpɔsɔŋ ubɔk osio ikɔt fo ke isɔŋ Egypt efep, okonyuŋ ɔwɔrɔde etop, kpa nte mfin emi; nnyin imɔdiɔk, imanam idiɔk.

ŊWED MME PSALM 106:6

Nnyin imetiene mme ete nnyin inam idiɔk; imanam ukwaŋŋkpɔ, imanam idiɔk.

MME HEBREW 3:12

Nditɔ-ete, ekpeme mbak ndusuk idiɔk esit unana mbuɔtidem edidu owo mbufo kiet ke idem, ke eriwɔŋɔre ŋkpɔŋ Abasi uwem:

HOSEA 1:2

Eritɔŋɔ ikɔ emi ke Jehovah akada Hosea etiŋ. Ndien Jehovah ɔdɔhɔ Hosea, ete, Ka kada ŋwan efibe ye nditɔ efibe ke idem fo: koro isɔŋ emi esinde ata efibe onyuŋ ɔkpɔŋde Jehovah.

EZEKIEL 6:9

Ndien mmɔ eke ebɔhɔde ke otu mbufo eyeti mi ke otu mme idut eke editaŋde mmɔ efep eka do: koro ami nyenuak mmɔ esit use, emi ɔwɔŋɔrede ɔkpɔŋ mi, nyenuak enyin mmɔ emi esede use ebine mme ibɔk mmɔ: ndien mmɔ eyese idem mmɔ ke ndek ebaŋa mme idiɔk ido emi mmɔ enamde ke kpukpru mbubiam mmɔ.

ŊWED ESEME 1:20

O Jehovah, sese: koro mmetie ke itie ukut: nsia oyomo mi; esit ɔduɔ mi ke idem; koro ŋkpɔ ododoro mi eti-eti: ofut adia ke aŋwa, ke ufɔk ke ebiet mkpa.

JEREMIAH 14:7

Okposuk edi nte mme idiɔk ido nnyin ebɔrɔde ebaŋa nnyin, O Jehovah, nam baŋa enyiŋ fo: koro mfiakedem nnyin awakde; nnyin imanam idiɔk ye afo.

ŊWED MME PSALM 18:21

Koro mmekpeme usuŋ Jehovah, nnyuŋ ŋkpɔŋke Abasi mi nnam idiɔk.

JEREMIAH 3:25

Nnyin isuhɔre ina ke but nnyin, esuene nnyin onyuŋ ofuk nnyin: koro nnyin inamde idiɔk ye Jehovah Abasi nnyin, kpa nnyin ye mme ete nnyin, toto ke ini uyen nnyin, tutu osim mfin emi, nnyin inyuŋ ikopke uyo Jehovah Abasi nnyin.”

ISAIAH 59:13

Ke inam idiɔk, isu nsu, ibaŋa Jehovah, ikabare ikpɔŋ Abasi nnyin, idɔhɔ ufik ye nsɔŋ-ibuot, iyomo inyuŋ itiŋ ikɔ nsu ke esit.

ISAIAH 53:6

Kpukpru nnyin idiyo nte erɔŋ: kpukpru nnyin ikabare iduk ke usuŋ nnyin; ndien Jehovah ada idiɔk ido nnyin kpukpru odori enye ke idem.

ŊWED MME PSALM 119:102

Ŋwɔŋɔkede ŋkpɔŋ mme ikpe fo: koro edi afo eteme mi.

EZRA 9:6

O Abasi mi, but anam mi ke iso eti-eti ndimenere iso mi nse fi, O Abasi mi: koro mme ukwaŋ-ŋkpɔ nnyin ekoŋde ekan ibuot nnyin, isop nnyin onyuŋ okpon tutu osim ke ikpa-enyɔŋ.

ŊWED MME PSALM 119:176

Nsaŋa ndiyo nte erɔŋ eke osopde; yom owo fo; koro mmemfreke mbet fo.

JEREMIAH 44:3

ebaŋa idiɔk ido oro mmɔ ekenamde, ke eriyat mi esit, nnyuŋ ŋka ŋkɔfɔp ŋkpɔ, nnyuŋ nnam ŋkpɔ nnɔ abasi efen, eke mmɔ ye mbufo ye mme ete mbufo mikɔfiɔkke.

ŊWED ESEME 1:18

Jehovah emenen: koro ami nnenide uyo esie: mbɔk mbufo kpukpru mme idut ekop, enyuŋ ese ndutuhɔ mi: nditɔ iban mi ye mkparawa mi emeka ke otu mbuot-ekɔŋ.

ŊWED ESEME 3:42

Nnyin imanam idiɔk inyuŋ isɔŋ ibuot: afo udahakedo unɔ.

DANIEL 9:9

Ɔbɔŋ Abasi nnyin emenyene esit mbɔm ye eridahado, koro nnyin isɔŋde ibuot ye enye;

2 NDIDEM 18:12

koro mmɔ mikekopke uyo Jehovah Abasi mmɔ, edi ebiat ediomi esie, ye kpukpru se Moses owo Jehovah eketemede, minyuŋ ikopke, inyuŋ inamke.

2 NDIDEM 21:15

koro mmɔ enamde idiɔk ke iso mi, enyuŋ eyatde mi esit, ɔtɔŋɔde ke usen nte mme ete mmɔ eketode ke Egypt ewɔŋɔ, tutu osim mfin emi.

ISAIAH 64:4

Ndien toto ke nsinsi owo ikopde, inyuŋ ikpaŋke utɔŋ, enyin inyuŋ ikwe Abasi, ke mibɔhɔke afo, eke anamde ŋkpɔ ɔnɔ mmɔ eke ebetde enye.

JEREMIAH 14:20

nnyin idori enyin ke emem, ndien eti ŋkpɔ iduhe: idori enyin ke ini ukɔk, ndien, sese, akwa ndik! Nnyin imɔdiɔŋɔ mme idiɔk ido nnyin, O Jehovah, ye mme ukwaŋ-ŋkpɔ mme ete nnyin: koro nnyin imanam idiɔk ye afo.

JEREMIAH 30:14

Kpukpru mme ufan fo emefre fi; mmɔ iyomke fi; koro ŋkamiade fi ufen usua, ye ata ɔkpɔsɔŋ ntunɔ: koro mme idiɔk ido fo ewakde; mme ukwaŋ ŋkpɔ fo enyuŋ ekɔride.

EZEKIEL 5:6

Edi enye eneni mme item mi, onyuŋ anam idiɔk akan mme idut, eneni mme ewuhɔ mi akan mme obio emi ekande enye ekuk: koro mmɔ esinde mme item mi, minyuŋ isaŋake ke mme ewuhɔ mi.