DANIEL 9:23 - Edisana ñwed Abasi Ibom

²³ Uyo ɔwɔrɔ ke ini eritɔŋɔ mkpe-ubɔk fo, ndien ami ndi nditiŋ nnɔ fi: koro afo enemde Abasi esit: tim fiɔk ndien ŋkpɔ, nyuŋ tim kere ŋkukut.

DANIEL 9:23 Referans Kwoze

DANIEL 10:19

Kufehe, O owo emi enemde Abasi esit; ɔfɔn ɔnɔ fi, sɔŋ esit, tim sɔŋ esit. Ndien ke adaŋemi enye ɔdɔhɔde ntre ye ami, ami ŋkop idem, nnyuŋ ndɔhɔ nte, Yak Ɔbɔŋ mi etiŋ ndien; koro afo amanam idem ɔsɔŋ mi.

MATTHEW 24:15

Mmɔdo ke adaŋemi mbufo edikutde ŋkpɔ mbubiam nsobo, emi prophet Daniel eketiŋde abaŋa, nte adade ke edisana ebiet (yak enye eke okotde ŋwed otim ɔfiɔk),

LUKE 1:28

Ndien angel oduk etiene enye, onyuŋ ɔdɔhɔ ete, Mmɔkɔm fi, afo emi enyenede akwa mfɔn-iso, Jehovah odu ye afo.

IKWƆ SOLOMON 7:10

Ami nnyene ama mi: ndien enye oyom mi.

EZEKIEL 26:12

Ndien mmɔ eyebume inyene fo, enyuŋ eda ŋkpɔ-urua fo ke ŋwo: enyuŋ ewuri ibibene fo, ye ntan fo esin ke ufɔt inyaŋ.

EZEKIEL 24:16

Eyen owo, sese, ami mmɔŋ mbɔ fi se enyin fo amade, ndisi, ndisi: ndien kuseme, kunyuŋ utua eyet, kunyuŋ uyak mmɔŋ eyet fo ɔsuhɔre.

DANIEL 6:3

Ndien Daniel emi akan mbɔŋ ye ikpɔ owo emi: koro ata eti spirit odude enye ke idem: ndien edidem ekere ndinim enye ke akama ofuri obio.

2 NDIDEM 19:20

Ekem Isaiah eyen Amoz ɔdɔŋ ekedɔhɔ Hezekiah, ete, Ntem ke Jehovah Abasi Israel ɔdɔhɔ, ete, Mmokop se afo ekekpede mi ubɔk abaŋa Sennacherib edidem Assyria.

MME ŊKE 15:8

Jehovah abat uwa mme idiɔk owo ke mbubiam: edi akam mbon eti ido enem enye esit.

EZEKIEL 14:14

Ndien owo mbita oro, Noah ye Daniel ye Job ekpedu enye ke ufɔt, mmɔ ekpenyaŋa ukpɔŋ mmɔ ke edinen ido mmɔ. Emi edi uyo Ɔbɔŋ Jehovah.

DANIEL 10:1

KE ɔyɔhɔ isua Cyrus edidem Persia ita, eyarare ŋkpɔ enɔ Daniel emi enyiŋ esie ekerede Belteshazzar; ndien ikɔ oro edi akpanikɔ, ekɔŋ onyuŋ okpon. Enye onyuŋ otim ɔfiɔk ikɔ oro, onyuŋ ɔwɔrɔ ɔniɔŋ ke ŋkukut oro.