DANIEL 9:22 - Edisana ñwed Abasi Ibom

²² Ndien enye asian mi, onyuŋ eneme nneme ye ami, onyuŋ ɔdɔhɔ ete, O Daniel, ke emi ke ŋwɔrɔ ndi ndinam fi otim ɔfiɔk ŋkpɔ.

DANIEL 9:22 Referans Kwoze

DANIEL 10:21

Nyenyuŋ ŋwut fi se ekewetde ke ŋwed akpanikɔ. Ndien baba owo kiet eke ɔsɔŋde ada ye ami ke ŋkpɔ emi iduhe, ke mibɔhɔke Michael ɔbɔŋ mbufo.

DANIEL 8:16

Ndien ŋkop uyo owo ke ufɔt Ulai: ndien enye ofiori onyuŋ ɔdɔhɔ, ete, Gabriel, siak ŋkukut emi nɔ owo emi.

ZECHARIAH 1:9

Ndien ndɔhɔ, nte, Ɔbɔŋ mi, mme mmɔ emi edi nso? Ndien angel; oro enemede ye ami ɔdɔhɔ mi, ete, Ami nyewut fi se mme mmɔ emi edide.

ERIYARARE 4:1

KE ŋkpɔ emi ema ekebe, ŋkut, ndien sese, inua-otop eberere ke heaven; ndien akpa uyo eke ŋkokopde, nte ukorowo osiorode uyo ke utɔŋ mi, ete, Dɔk di ken, ndien nyewut fi se idisude ke ini emi edidide.

ZECHARIAH 1:14

Ndien angel oro enemede ye ami ɔdɔhɔ mi, ete, Fiori ete, Ntem ke Jehovah mme udim ɔdɔhɔ ete, Mmofibe akamba ufup mbaŋa Jerusalem ye Zion.

DANIEL 7:16

Nsaŋa ŋkpere owo mmɔ kiet emi edade do, nnyuŋ mbup enye akpanikɔ ofuri ŋkpɔ emi. Ndien enye etiŋ ɔnɔ mi, onyuŋ asian mi nte ŋkpɔ emi ediwɔrɔde.

DANIEL 10:14

Mmedi ndien ndisian fi se iditibede inɔ oruk fo ke ukperedem usen: koro ŋkukut emi eyena kaŋa ɔnɔ ini iso.

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.

DANIEL 10:11

Ndien enye ɔdɔhɔ mi, ete, O Daniel, owo emi enemde Abasi esit, tim fiɔk ikɔ emi ami ndɔhɔde fi: nyuŋ daha da ke itie fo: koro edɔŋde mi ke emi ntiene fi. Ndien ke ini enye ɔdɔhɔ ikɔ emi ye ami, ami nda ke nnyekidem.

DANIEL 10:12

Ndien enye ɔdɔhɔ mi, ete, Kufehe, Daniel; koro ekekopde uyo fo toto ke akpa usen oro afo okonimde esit fo ndifiɔk nnyuŋ nsuhɔre idem fo nnim ke iso Abasi fo: ami ndi ndien ke uyo fo.