DANIEL 9:20 - Edisana ñwed Abasi Ibom

²⁰ Ndien ke adaŋemi ami nsuk ndɔhɔde ikɔ, nnyuŋ mbɔŋ akam, nnyuŋ ntiŋ idiɔk ido mi, ye mme idiɔk ido oruk mi Israel, nnyuŋ nnim mkpe-ubɔk mi ke iso Jehovah Abasi mi, mbaŋa edisana obot Abasi mi:

DANIEL 9:20 Referans Kwoze

ŊWED MME PSALM 145:18

Jehovah emekpere kpukpru mmɔ eke esemede enɔ enye, kpukpru mmɔ eke esemede enɔ enye ke akpanikɔ.

ŊWED MBON ROME 3:23

koro kpukpru owo ema enam idiɔk-ŋkpɔ, enyuŋ etaba ubɔŋ Abasi.

ISAIAH 58:9

Ndien afo eyekot, ndien Jehovah eyeyere; afo eyeseme, ndien enye eyedɔhɔ ete, Se mi. Ke afo ama osio ɔkpɔnɔ, ye erinyanare nnuen-ubɔk, ye oburobut nneme ke otu mbufo efep;

DANIEL 9:16

O Obɔŋ, kpa nte ofuri eti ido fo asaŋade, mbɔk, yak iyaresit fo ye ikpahesit fo ekabare ekpɔŋ obio fo Jerusalem, edisana obot fo: koro mme idiɔk ido nnyin ye mme ukwaŋ-ŋkpɔ mme ete nnyin esinde Jerusalem ye ikɔt fo ekabare edi ŋkpɔ esuene kpukpru mmɔ eke ekande nnyin ekuk.

ISAIAH 65:24

Ndien ama ekem, ke mmɔ mika-ikotke kaŋa, ami nyeyere: ke mmɔ esuk edɔhɔde ikɔ, ami nyekop.

ISAIAH 6:5

Ndien ami ndɔhɔ, nte, Mbɔm mi! koro mmakpa: koro ami ndide owo edidehe mkpɔk-inua, nnyuŋ nduŋ ke otu mbon edidehe mkpɔk-inua: koro enyin mi okutde edidem, Jehovah mme udim.

ŊWED MME PSALM 32:5

Nyesian fi ndudue mi, ndien ŋkofukke mme ukwaŋ-ŋkpɔ mi. Ŋkɔdɔhɔ nte, Nyetiŋ mme idiɔk ido mi nnɔ Jehovah; ndien afo efen ukwaŋ-ŋkpɔ ye ndudue mi. [Selah.]

ERIYARARE 21:10

Ndien enye emen mi ke Spirit adaha aka ke akwa edikoŋ obot, onyuŋ owut mi Jerusalem, edisana obio, emi otode Abasi ɔsuhɔre ke heaven edi, emi enyenede ubɔŋ Abasi:

ERIYARARE 21:2

Ndien ŋkut edisana obio, Obufa Jerusalem, nte otode ke Abasi ɔsuhɔre ke heaven edi, ema enyuŋ etim enye idem nte ŋwan-ndɔ emi ebanade ebeŋe ebe.

JAMES 3:2

Koro kpukpru nnyin idedue ke ediwak ŋkpɔ. Edieke owo ekededi miduehe ke ikɔ-inua, enye ɔfɔn ama, onyuŋ ekeme ndikara ofuri idem esie nde.

UTOM MME APOSTLE 4:31

Ndien ke mmɔ ema ekebɔŋ akam ema, ufɔk emi mmɔ ebonode ke esit enyek; ndien kpukpru mmɔ eyɔhɔ ye Edisana Spirit, enyuŋ etiŋ ikɔ Abasi uko-uko.

ZECHARIAH 8:3

Ntem ke Jehovah ɔdɔhɔ, ete, Mmɔnyɔŋ ndi ke Zion, nyenyuŋ ndaŋ ke ufɔt Jerusalem: ndien Jerusalem eyekere, ete, Obio akpanikɔ; ye obot Jehovah mme udim, edisana obot.

DANIEL 10:2

Ke ini oro ami Daniel ntie ntua eyet ke ofuri usen edip ye kiet.

ISAIAH 56:7

nyeda mmɔ ndi ke edisana obot mi, nnyuŋ nnam mmɔ edat esit ke ufɔk akam mi: ndifɔp uwa mmɔ ye mme uwa emem mmɔ eyedi ŋkpɔ inem ke itie-uwa mi; koro ufɔk mi eyekere, ete, Ufɔk akam kpukpru mme idut.

ECCLESIASTES 7:20

Koro baba eti owo kiet eke anamde eti ndien midiɔkke, iduhe ke ererimbot.

EZRA 10:1

EKEM adaŋemi Ezra akanamde mkpeubɔk, okonyuŋ ayararede, atua eyet, onyuŋ ɔduɔ ke isɔŋ ke iso ufɔk Abasi, ata akwa otu iren-owo, ye iban, ye nditɔwɔŋ emi etode ke Israel, esop idem ke ɔtɔ esie: koro kpukpru owo etuade eyet eti-eti.

NEHEMIAH 1:6

mbɔk, kpaŋ utɔŋ, nyuŋ tat enyin, man okop mkpe-ubɔk owo fo, emi ami ŋkpede ke iso fo mfin, ke uwemeyo ye ke okoneyo, mbaŋa nditɔ Israel ikɔt fo, nnyuŋ nyarare mme idiɔk ido nditɔ Israel, emi nnyin ikenamde ye afo kpa ami ye ufɔk ete mi ikedue.

DANIEL 10:12

Ndien enye ɔdɔhɔ mi, ete, Kufehe, Daniel; koro ekekopde uyo fo toto ke akpa usen oro afo okonimde esit fo ndifiɔk nnyuŋ nsuhɔre idem fo nnim ke iso Abasi fo: ami ndi ndien ke uyo fo.

DANIEL 11:45

Ndien enye eyewuk mme tent ebiet-iduŋ esie ke ufaŋ mme inyaŋ ke ediye ye edisana obot; ndien enye eyesim utit esie, baba owo kiet eke anyaŋade enye iduhe.