DANIEL 9:19 - Edisana ñwed Abasi Ibom

¹⁹ O Ɔbɔŋ, kop; O Ɔbɔŋ, dahado; O Ɔbɔŋ, kpaŋ utɔŋ, nyuŋ nam; kubigi, baŋa idem fo, O Abasi mi: koro obio fo ye ikɔt fo ekerede enyiŋ fo.

DANIEL 9:19 Referans Kwoze

DANIEL 9:18

O Abasi mi, kpaŋ utɔŋ fo, nyuŋ kop; tat enyin fo, nyuŋ se ŋwure nnyin, ye obio emi ekerede enyiŋ fo: koro nnyin minimke mkpe-ubɔk nnyin ke iso fo, ibaŋa nti ido idem nnyin, edi ibaŋa ediwak mbɔm fo.

LUKE 11:8

Ndɔhɔ mbufo nte, okposuk edi nte enye mididahake inɔ enye ke ntak ufan, edi koro owo eyirede, enye ke ntak ufan, enye eyedaha ke enyɔŋ ɔnɔ enye adaŋa nte enye oyomde.

AMOS 7:2

Ndien edikem adaŋemi mmɔ ema eketa ofuri mbiet isɔŋ ema, ami ndɔhɔ, nte, Mbɔk, Ɔbɔŋ Jehovah, dahado: Jacob edinam didie adaha ada? koro enye emekpri.

ŊWED MBON EPHESUS 3:10

Man oto do ke emi, ekpada ufɔk Abasi enam mme andikara ye mme enyene-odudu emi edude ke mme itie heaven efiɔk uwak-uwak ɔniɔŋ Abasi;

ŊWED MBON EPHESUS 1:12

man nnyin, emi ikebemde iso idori enyin ke Christ, ikpakabare inɔ ubɔŋ Esie itoro.

JEREMIAH 14:9

Nsinam afo ebietde owo mkpa-idem, ebiet ɔkpɔsɔŋ owo eke mikemeke ndinyaŋa? Ndien afo odu ke otu nnyin, O Jehovah, nnyin inyuŋ ikereke enyiŋ fo; kukpɔŋ nnyin.

JEREMIAH 14:7

Okposuk edi nte mme idiɔk ido nnyin ebɔrɔde ebaŋa nnyin, O Jehovah, nam baŋa enyiŋ fo: koro mfiakedem nnyin awakde; nnyin imanam idiɔk ye afo.

NUMBERS 14:19

Mbɔk dahado ke mme ukwaŋ-ŋkpɔ mbio emi, nte akwa ima fo edide, ye nte afo ekefende ɔnɔ mmɔ, ɔtɔŋɔde ke Egypt tutu osim emi.

ŊWED MBON EPHESUS 1:6

enem Enye esit ndinam emi, man ɔwɔrɔ itoro ɔnɔ ubɔŋ mfɔn Esie, emi Enye ɔkɔfɔnde ye nnyin ke Eyen Ima Esie.

EZEKIEL 39:25

Mmɔdo ntem ke Ɔbɔŋ Jehovah ɔdɔhɔ ete, Ke emi ke ndida nditɔ Jacob emi eketaŋde efep, mfiak ndi, nnyuŋ ntua ofuri ufɔk Israel mbɔm, nnyuŋ mfibe ufup mbaŋa edisana enyiŋ mi;

EZEKIEL 36:22

Dɔhɔ ndien ufɔk Israel, ete, Ntem ke Ɔbɔŋ Jehovah ɔdɔhɔ, ete, Ami nnamke ntem mbaŋa mbufo, ufɔk Israel, edi mbaŋa edisana enyiŋ mi emi mbufo esabarede ke otu mme idut emi mbufo ekade do.

EZEKIEL 20:22

Ndien ŋkabare ubɔk mi nnyuŋ nnam ntre mbaŋa enyiŋ mi, man ekusabare enye ke enyin mme idut, emi ŋkosioŋode ke enyin mmɔ mfep.

EZEKIEL 20:14

Ndien nnam ntre mbaŋa enyiŋ mi, man ekusabare enye ke enyin mme idut emi ŋkosiode mmɔ ke esit ke enyin mmɔ.

EZEKIEL 20:9

Ndien ŋkanam ntre mbaŋa enyiŋ mi, man ekusabare mi ke enyin mme idut emi mmɔ edude ke otu mmɔ, emi ŋwutde mmɔ idem mi ke iso mmɔ, man nsio mmɔ ke isɔŋ Egypt mfep.

JEREMIAH 25:29

Koro, sese, ami mmɔŋ ntɔŋɔ ndida idiɔk-ŋkpɔ ntiene obio emi ekerede enyiŋ mi, ndien nte mbufo edibɔhɔ ufen kpukpru? Mbufo idibɔhɔke bɔhɔ: koro ami ŋkotde ofut, nte osim kpukpru mme andiduŋ isɔŋ: emi edi uyo Jehovah mme udim.

2 CHRONICLES 6:39

tie ndien ke enyɔŋ, ebiet-iduŋ fo, kop akam mmɔ, ye mkpe-ubɔk mmɔ, nyuŋ nam ikpe etebe mmɔ, nyuŋ dahado nɔ ikɔt fo eke eduede fi.

2 CHRONICLES 6:21

kop ndien mkpeubɔk owo fo, ye eke ikɔt fo Israel, eke mmɔ edikpede ese ebiet emi: tie ke ebiet-iduŋ fo ke enyɔŋ kop; ndien ke ini afo okopde, dahado.

UTOM MME APOSTLE 15:17

Man mme owo eke esuhɔde ekpeyom Ɔbɔŋ, Ye kpukpru mme Gentile, emi esiode mmɔ enyiŋ Mi;

NUMBERS 6:27

Ntem ke edida enyiŋ mi edori nditɔ Israel ke idem, ndien ami nyefɔn ye mmɔ.

ISAIAH 43:7

kpa kpukpru mmɔ eke ekerede enyiŋ mi: ndien mmanam enye mbaŋa ubɔŋ mi, mbot enye, ŋkɔm mmanam enye.