DANIEL 9:16 - Edisana ñwed Abasi Ibom

¹⁶ O Obɔŋ, kpa nte ofuri eti ido fo asaŋade, mbɔk, yak iyaresit fo ye ikpahesit fo ekabare ekpɔŋ obio fo Jerusalem, edisana obot fo: koro mme idiɔk ido nnyin ye mme ukwaŋ-ŋkpɔ mme ete nnyin esinde Jerusalem ye ikɔt fo ekabare edi ŋkpɔ esuene kpukpru mmɔ eke ekande nnyin ekuk.

DANIEL 9:16 Referans Kwoze

ZECHARIAH 8:3

Ntem ke Jehovah ɔdɔhɔ, ete, Mmɔnyɔŋ ndi ke Zion, nyenyuŋ ndaŋ ke ufɔt Jerusalem: ndien Jerusalem eyekere, ete, Obio akpanikɔ; ye obot Jehovah mme udim, edisana obot.

JOEL 3:17

Ndien mbufo eyefiɔk ete ke ami ndi Abasi mbufo, ke nduŋ ke Zion, edisana obot mi: ndien Jerusalem eyedi edisana, isen owo idinyuŋ isaŋake aba ke esit ibe.

DANIEL 9:20

Ndien ke adaŋemi ami nsuk ndɔhɔde ikɔ, nnyuŋ mbɔŋ akam, nnyuŋ ntiŋ idiɔk ido mi, ye mme idiɔk ido oruk mi Israel, nnyuŋ nnim mkpe-ubɔk mi ke iso Jehovah Abasi mi, mbaŋa edisana obot Abasi mi:

ŊWED MME PSALM 31:1

MMƆBUƆT idem mi ye afo, O Jehovah; kuyak but anam mi ke nsinsi: yak mi mbɔhɔ, koro afo enende.

ŊWED MME PSALM 79:4

Nnyin imakabare idi se mbɔhiduŋ nnyin esuenede, ye se mmɔ emi ekande nnyin ekuk, esakde, enyuŋ esede ke ndek.

ŊWED MME PSALM 71:2

Da utebe-ikpe fo sio mi, nyuŋ nam mi mbɔhɔ: kpaŋ mi utɔŋ fo nyuŋ nyaŋa mi.

EXODUS 20:5

kunuhɔ unɔ mmɔ, kunyuŋ unam ŋkpɔ mmɔ: koro ami Jehovah Abasi fo ndi Abasi ufup, nda ukwaŋkpɔ mme ete ndori nditɔ ke idem, ndori ɔyɔhɔ emana mmɔ eke esuade mi ita ye inaŋ;

1 JOHN 1:9

Edieke nnyin iyararede mme idiɔk-ŋkpɔ nnyin, Enye edi anam-akpanikɔ onyuŋ enen, ete ifen mme idiɔk-ŋkpɔ nnyin, inyuŋ iyet nnyin isana ke kpukpru mme ukwaŋkpɔ.

2 ŊWED THESSALONICA 1:6

Edieke enende Abasi ke enyin ndida ukut nsio usiene nnɔ mmɔ emi esinde mbufo ekut ukut,

EZEKIEL 5:14

Nyenyuŋ nda fi nnim ke ŋkpɔ nsobo ye ŋkpɔ esuene ke otu mme idut emi ekande fi ekuk, ke enyin kpukpru owo eke esaŋade ebe.

JEREMIAH 32:32

mbaŋa ofuri idiɔk ido nditɔ Israel, ye eke nditɔ Judah, emi mmɔ enamde ndiyat mi esit, mmɔ ye ndidem mmɔ, ye ikpɔ owo mmɔ, ye mme oku mmɔ, ye mme prophet mmɔ, ye mbio Judah, ye mme andiduŋ Jerusalem.

JEREMIAH 29:18

Nyenyuŋ nda ofut, ye biɔŋ, ye idiɔk udɔŋɔ mbine mmɔ, nnyuŋ nnim mmɔ ke ŋkpɔ ndutime nnɔ kpukpru mme idut ke ererimbot, ye ke isuŋi, ye ke nsobo, ye ke nsi, ye ke esuene ke otu kpukpru mme idut eke mbinde mmɔ nsin do:

JEREMIAH 24:9

nyeda mmɔ nnɔ ndutuhɔ ye idiɔk-ŋkpɔ ke kpukpru mme idut ererimbot, ke kpukpru ebiet eke ndibinde mmɔ nsin do.

ŊWED MME PSALM 143:1

O JEHOVAH, kop akam mi, kpaŋ utɔŋ ke mkpeubɔk mi: yere mi ke akpanikɔ fo, ye ke edinen ido fo.

ŊWED MME PSALM 41:13

Ekɔm Jehovah Abasi Israel, ke nsinsi nsinsi. Amen, ye Amen.

NEHEMIAH 9:8

afo okonyuŋ okut ete ke esit esie enyene akpanikɔ ke iso fo, afo onyuŋ odiomi ediomi ye enye, ete eyeda isɔŋ mme Canaanite, ye eke mme Hittite, ye eke mme Amorite, ye eke mme Perizzite, ye eke mme Jebusite, ye eke mme Girgashite, ete eyeda enye ɔnɔ ubon esie afo ama onyuŋ anam ke uyo fo ŋko; koro afo enende:

1 SAMUEL 2:7

Jehovah anam owo ebuene, onyuŋ anam enyene ŋkpɔ: enye ɔduɔk ke isɔŋ, onyuŋ emen onim ke enyɔŋ.

ŊWED MME PSALM 85:4

Fiak tiene nnyin, O Abasi erinyaŋa nnyin; nyuŋ tre iyaresit fo ye nnyin.

ISAIAH 5:25

Oro esin Jehovah obumerede iyaresit ye ikɔt esie, onyuŋ anyan ubɔk esie odori mmɔ ke idem, onyuŋ ɔtɔ mmɔ: ndien ikpɔ obot enyek idem, mme okpo mmɔ enyuŋ ena nte ifum ke efak. Ofuri ŋkpɔ emi isinke iyaresit esie afiak edem, edi enye osuk anyanyan ubɔk esiemɔ.

JEREMIAH 32:31

Koro obio emi ama edi ŋkpɔ iyaresit mi ye ifuresit mi toto ke usen oro ekebɔpde enye, tutu osim mfin emi; man mmen enye ke iso mi mfep:

DANIEL 11:45

Ndien enye eyewuk mme tent ebiet-iduŋ esie ke ufaŋ mme inyaŋ ke ediye ye edisana obot; ndien enye eyesim utit esie, baba owo kiet eke anyaŋade enye iduhe.

ŊWED MME PSALM 89:51

emi mme asua fo edade esuene, O Jehovah; emi mmɔ edade esuene ikpat ukot Messiah fo.

EZEKIEL 22:4

Afo emedue isop ke iyip fo emi afo ɔkɔduɔkde, omonyuŋ edehe ke ibɔk emi afo akanamde, ndien afo anam mme usen fo esaŋa ekpere, omonyuŋ osim ke isua fo: oto oro nnim fi ke se mme idut esuenede, ye se kpukpru mme obio esede ke ndek.