DANIEL 8:26 - Edisana ñwed Abasi Ibom

²⁶ Ndien ŋkukut uwemeyo ye usenubɔk emi eketiŋde edi akpanikɔ; afo ndien da seal nim ŋkukut emi: koro eyedu ediwak usen.

DANIEL 8:26 Referans Kwoze

DANIEL 10:1

KE ɔyɔhɔ isua Cyrus edidem Persia ita, eyarare ŋkpɔ enɔ Daniel emi enyiŋ esie ekerede Belteshazzar; ndien ikɔ oro edi akpanikɔ, ekɔŋ onyuŋ okpon. Enye onyuŋ otim ɔfiɔk ikɔ oro, onyuŋ ɔwɔrɔ ɔniɔŋ ke ŋkukut oro.

DANIEL 12:9

Ka okuomɔ, Daniel: koro edipde ikɔ emi, enyuŋ enim mmɔ seal ke esit tutu osim ke utit ini.

DANIEL 12:4

Ndien afo, Daniel, dip ikɔ emi, nyuŋ nim seal ke ŋwed, tutu osim ke utit ini. Ediwak owo eyeyɔrɔ edi, eyɔrɔ eka, ndien ifiɔk eyekpon aka iso.

DANIEL 10:14

Mmedi ndien ndisian fi se iditibede inɔ oruk fo ke ukperedem usen: koro ŋkukut emi eyena kaŋa ɔnɔ ini iso.

ERIYARARE 22:10

Enye onyuŋ ɔdɔhɔ mi ete, Kudian ikɔ prophecy ŋwed emi, udip, umen, unim; koro ini ke ekpere.

EZEKIEL 12:27

Eyen owo, sese, ufɔk Israel ke edɔhɔ ete, Ŋkukut emi enye okokutde edi eke ediwak usen; enye onyuŋ etiŋ prophecy ke esit abaŋa anyan ini.

ERIYARARE 10:4

Ke adaŋemi mme obuma itiaba esiorode uyo, mmɔŋ ŋwewet: ndien ŋkop uyo emi otode ke heaven, ɔdɔhɔ ete, Da ufik-ŋkpɔ fik se obuma mbitiaba etiŋde, men, nim, kunyuŋ uwet.

ISAIAH 24:22

Eyenyuŋ etaŋ mmɔ ebon ɔtɔ kiet, nte mbon ŋkpɔkɔbi ke obube, enyuŋ ekɔbi mmɔ ebaha ke ufɔk ukwak, ndien ke ediwak usen ema ebe, eyenɔ mmɔ ufen.

DANIEL 11:2

Ndien ke emi nyesian fi akpanikɔ. Sese, ndidem ita eyedaha ke enyɔŋ kaŋa eda ke Persia; ndien ɔyɔhɔ inaŋ eyenyene akwa inyene akan mmɔ kpukpru: ndien adaŋemi enye ɔsɔŋɔde ke inyene esie, enye eyedemere kpukpru eka ekɔŋ ye edidem Javan.