DANIEL 7:16 - Edisana ñwed Abasi Ibom

¹⁶ Nsaŋa ŋkpere owo mmɔ kiet emi edade do, nnyuŋ mbup enye akpanikɔ ofuri ŋkpɔ emi. Ndien enye etiŋ ɔnɔ mi, onyuŋ asian mi nte ŋkpɔ emi ediwɔrɔde.

DANIEL 7:16 Referans Kwoze

ERIYARARE 5:5

Edi kiet ke otu mbiowo ɔdɔhɔ mi ete, Kutua; sese, Lion emi otode ke esien Judah, kpa Oruŋ David, amakan, adaŋa nte enyenede ukeme ndikibɔre ŋwed oro nnyuŋ ndianare mme ufik-ŋkpɔ itiaba.

ZECHARIAH 2:3

Ndien, sese, angel oro ekenemede ye ami ɔwɔrɔ, ndien angel eŋwen ɔwɔrɔ okosobo ye enye.

DANIEL 7:10

Ikaŋ oto enye ke iso ewet nte akpa mmɔŋ: tɔsin tɔsin ke itie tɔsin enam ŋkpɔ enɔ enye; tɔsin duop ke itie tɔsin duop enyuŋ eda enye ke iso: enim ikpe, enyuŋ ekubɔre ŋwed.

ZECHARIAH 3:7

Ntem ke Jehovah mme udim ɔdɔhɔ, ete, Edieke afo asaŋaade ke usuŋ mi, onyuŋ onimde ido mi, ndien afo eyekpe ufɔk mi, onyuŋ ekpeme okure mi ŋko, ndien nyenɔ fi ebiet eke afo asaŋade ke otu mme mmɔ emi edade mi.

DANIEL 9:22

Ndien enye asian mi, onyuŋ eneme nneme ye ami, onyuŋ ɔdɔhɔ ete, O Daniel, ke emi ke ŋwɔrɔ ndi ndinam fi otim ɔfiɔk ŋkpɔ.

DANIEL 7:17

Ikpɔ mme unam emi edide inaŋ edi ndidem inaŋ emi editode ke isɔŋ edaha ke enyɔŋ.

DANIEL 8:17

Ndien enye edi ke ɔtɔ ami ndade: ndien ke ini enye edide, ami ndikhe, nnyuŋ nduɔ ke isɔŋ ŋkubi iso mi; ndien enye ɔdɔhɔ mi, ete, Eyen owo, tim fiɔk ete ke ŋkukut emi aka ekperedem ini.

ZECHARIAH 1:19

Ndien ndɔhɔ angel oro enemede ye ami, nte, Mme mmɔ emi edi nso? Ndien enye ɔbɔrɔ mi, ete, Mme mmɔ emi edi nduk oro ekesuande Judah ye Israel ye Jerusalem.