DANIEL 6:7 - Edisana ñwed Abasi Ibom

⁷ Kpukpru ikpɔ owo obio, ye mme andikara, ye mbɔŋ, ye mme andinɔ item, ye mme etubom emediomi ete iwuk ewuhɔ edidem, inyuŋ inam isɔŋ-ikɔ, ite, Emen owo ekededi eke edibeŋede abasi mme owo ekededi ebeŋe, ke ofuri usen edip ye duop, ke midige afo ikpɔŋ ke ebeŋe, O edidem, eda enye eduɔk ke obube mme lion.

DANIEL 6:7 Referans Kwoze

ŊWED MME PSALM 59:3

Koro sese, mmɔ edibe eyom ukpɔŋ mi: mkpɔsɔŋ owo esop idem eyom mi; idige ndudue mi, inyuŋ idige idiɔk ido mi esin, O Jehovah.

DANIEL 3:27

Ndien mme satrap, ye mbɔŋ, ye mme etubom, ye mme andinɔ edidem item ebono, ekut ete ke ikaŋ ikanke idem mbon oro, ke inyuŋ ifrike mmɔ baba idet ibuot kiet, ɔfɔŋ-ukot mmɔ inyuŋ ikpuhɔkede, baba utebe ikaŋ inyuŋ isimke mmɔ.

DANIEL 3:6

ndien ama edi owo ekededi eke mididuɔhɔ ke isɔŋ, midinyuŋ ituakke ibuot, kpasuk ndo-ndo oro eyemen enye eduɔk ke ufɔt akwa ikaŋ eke asakde.

DANIEL 3:2

Ndien edidem Nebuchadnezzar ɔdɔŋ ekebon mme satrap, ye mme andikara mme esien, ye mme etubom, ye mme ebierikpe, ye mme andikama inyene, ye mbon ewuhɔ, ye mme ekpe obio, ye kpukpru mbɔŋ mme esien, ete edi usɔrɔ mbiet owo oro edidem Nebuchadnezzar okonimde.

ŊWED MME PSALM 62:4

Mmɔ eduak ndinuk enye kpa ke uforo esie mfep: ema abiaŋa: eda mkpɔk-inua mmɔ ekɔm, edi esuŋi ke esit mmɔ. [Selah.]

JOHN 12:10

Edi ikpɔ oku eduk odu, ete iwot Lazarus ŋko,

MARK 15:1

EKEM eyo ekesesiere, ikpɔ oku ye mbiowo ye mme scribe ye ofuri esop esobo ibuot, ebɔp Jesus, eda Enye edaha ekeyak enɔ Pilate.

MATTHEW 26:4

mmɔ enyuŋ esop ibuot, ete imum Jesus ke ŋkari iwot.

MATTHEW 12:14

Edi mme Pharisee ewɔŋɔ ekoduk odu ebaŋa Jesus, eyom usuŋ nte idisaŋade iwot Enye.

ŊWED MME PSALM 10:9

Enye ana ke ndibe, nte lion ke ebiet nna esie; odibe ebet, ete imum ubuene: enye omum ubuene ke ini odudide enye esin ke iyire esie.

NAHUM 2:12

Ayara lion awai se ikemde ye nditɔ esie, onyuŋ efik unam itɔŋ ɔnɔ iban esie; onyuŋ esin se enye awaide ke ndudu esie, ye se enye omumde ke nna esie ɔyɔhɔ.

MICAH 6:5

O ikɔt mi, mbɔk, mbufo eti se Balak edidem Moab okodiomide, ye se Balaam eyen Beor ɔkɔbɔrɔde enye, ɔtɔŋɔde ke Shittim tutu osim ke Gilgal: man mbufo efiɔk edinen ido Jehovah.

DANIEL 3:11

ndien eyeda owo ekededi eke miduɔhɔ ke isɔŋ minyuŋ ituakke ibuot, eduɔk ke ufɔt akwa ikaŋ eke asakde.

ŊWED MME PSALM 94:20

Nte afo edisaŋa ŋkpɔ ye ebekpo idiɔk ido, emi obotde ibak ke ewuhɔ?

ŊWED MME PSALM 2:2

Ndidem ererimbot edaha eda, mbɔŋ enyuŋ ebono eduk odu ebaŋa Jehovah ye Messiah esie, ete,

ŊWED MME PSALM 83:5

Koro mmɔ emeduk odu ɔtɔ kiet ke ofuri esit; mmɔ ediomi ediomi ebaŋa fi.

DANIEL 6:16

Ndien edidem ɔnɔ uyo, ndien eda Daniel edi ediduɔk ke obube mme lion. Edidem ɔbɔrɔ onyuŋ ɔdɔhɔ Daniel, ete, Abasi fo emi afo anamde ŋkpɔ esie kpukpru ini, eyenyaŋa fi.

ŊWED MME PSALM 59:5

Demere, disobo ye ami, nyuŋ se. Ndien afo, O Jehovah Abasi mme udim, Abasi Israel, demere, nyuŋ ka kese kpukpru mme idut: kutua baba owo mmɔ kiet emi enamde idiɔk ke abiaŋa mbɔm. [Selah.]

DANIEL 2:4

Ndien mme Chaldean edɔhɔ edidem ke usem Syria, ete, O edidem, itɔŋ uwem akpakam ɔsɔŋ fi ke nsinsi: tiŋ ndap oro nɔ nnyin ikɔt fo, ndien nnyin iyesiak nte enye asaŋade.

DANIEL 6:22

Abasi mi ɔmɔdɔŋ angel esie edikubi mme lion inua, ndien mmɔ inamke mi baba idiɔk ŋkpɔ kiet: koro ekutde ete ke nnyeneke se nduede ke iso esie; ndien, ŋko, O edidem, nnamke baba idiɔkŋkpɔ kiet ke iso fo.