DANIEL 6:27 - Edisana ñwed Abasi Ibom

²⁷ Enye anyaŋa onyuŋ osio, onyuŋ anam mme idiɔŋɔ ye mme utibe ŋkpɔ ke enyɔŋ ye ke isɔŋ, emi akanyaŋade Daniel osio ke ubɔk mme lion.

DANIEL 6:27 Referans Kwoze

UTOM MME APOSTLE 4:30

ke adaŋemi Afo edinyanarede ubɔk ndinam udɔŋɔ okure owo; man enam mme idiɔŋɔ ye mme utibe ŋkpɔ ke enyiŋ Edisana Owo Fo Jesus.

ŊWED MME PSALM 97:10

Mbufo emi emade Jehovah, esua idiɔk ido: enye onim ukpɔŋ mbon ima esie; eyesio mmɔ mme idiɔk owo ke ubɔk.

ŊWED MME PSALM 18:50

Edi enye ɔnɔ ɔbɔŋ esie akwa erinyaŋa, onyuŋ ɔfɔn ido ye Messiah esie, kpa David, ye ubon esie ke nsinsi.

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana:

ŊWED MME PSALM 35:17

O Ɔbɔŋ, adaŋa ini didie ke afo editie ese? Sio ukpɔŋ mi ke nsobo eke mmɔ esobode, sio ikpɔk idem mi ke ubɔk mme lion.

ŊWED MME PSALM 32:7

Afo edi ebiet udibe mi; eyekpeme mi abak nnanenyin: eyeda ikwɔ ubɔhɔ akan mi okuk. Selah.

ŊWED MME PSALM 18:48

Edi enye osio mi mme asua mi ke ubɔk: afo eyenyuŋ emenere mi ke enyɔŋ akan mmɔ eke eyomde mi ikɔ: onyuŋ anam mi mbɔhɔ owo afai.

ŊWED JOB 36:15

Enye osio owo ukut ke ukut esie efep, onyuŋ aŋwaŋade mmɔ utɔŋ ke nnaneyin.

MME HEBREW 2:4

Abasi onyuŋ ada mme idiɔŋɔ ye mme utibe ŋkpɔ, ye nsio-nsio ŋkpɔ odudu, ye erinɔ Edisana Spirit, nte Enye amade, etiene mmɔ etie ntiense.

JOHN 4:48

Ntre ke Jesus ɔdɔhɔ enye ete, Mbufo inimke ke akpanikɔ, ibɔhɔke ini ekut mme idiɔŋɔ ye mme utibe ŋkpɔ.

DANIEL 4:35

ndien ebat kpukpru mme andiduŋ isɔŋ ke ikpikpu: enye onyuŋ anam kpa nte enye amade ke otu mme udim enyɔŋ ye ke otu mme andiduŋ isɔŋ: ndien baba owo kiet eke edituakde enye ubɔk, onyuŋ ɔdɔhɔde enye, ete, Afo amanam nso? iduhe.

DANIEL 6:20

Ndien adaŋemi enye osimde obube oro, enye ada uyo mbɔm eseme okot Daniel. Edidem ɔbɔrɔ onyuŋ ɔdɔhɔ Daniel, ete, O Daniel, owo Abasi uwem, nte Abasi fo emi afo anamde ŋkpɔ esie kpukpru ini, emekeme ndinyaŋa fi mbɔ mme lion?

1 SAMUEL 17:26

Ndien David ɔdɔhɔ mmɔ emi edade ye enye, ete, Edinam nso enɔ owo eke ediwotde Philistine emi, onyuŋ odorore Israel but emi? Koro edut Philistine emi edi anie owo, eke enye ekpesinde mbon-ekɔŋ Abasi uwem ke ndek?

ŊWED MME PSALM 145:13

Ubɔŋ fo edi ata nsinsi ubɔŋ, afo onyuŋ akara ke ofuri emana.

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

DANIEL 4:31

Adaŋemi uyo emi osuk ododu edidem ke inua, uyo oto ke enyɔŋ ɔduɔ, ete, O edidem Nebuchadnezzar, ke edɔhɔ fi, ete,