DANIEL 5:23 - Edisana ñwed Abasi Ibom

²³ Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

DANIEL 5:23 Referans Kwoze

ŊWED JOB 12:10

Emi akamade ukpɔŋ kpukpru ŋkpɔ uwem ke ubɔk esie, ye spirit ofuri obukidem owo.

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

JEREMIAH 10:23

O Jehovah, mmɔfiɔk nte ke usuŋ owo iduhe owo ke ubɔk: owo eke asaŋade inyuŋ ikemeke ndineŋere ikpat esiemɔ.

ISAIAH 37:23

Afo okosuŋi onyuŋ esuene anie? okonyuŋ emenere uyo fo ke enyɔŋ, onyuŋ emenere enyin fo ke enyɔŋ abaŋa anie? Ke abaŋa Edisana Abasi Israel.

ISAIAH 2:12

Koro Jehovah mme udim omonim usen abaŋa kpukpru se ikoŋde, inyuŋ idorode ke enyɔŋ, onyuŋ abaŋa kpukpru se imenerede ke enyɔŋ: ndien mmɔ eyesuhɔre:

JEREMIAH 50:29

Mbufo ekot mbon utiga edi ekɔŋ ye Babylon: kpukpru mbufo emi enukde utiga enam nna ekɔŋ ekan enye ekuk; ekuyak baba owo kiet ɔbɔhɔ ke esit, enɔ enye utip nte ekemde ye utom esie; mbufo enam enye kpukpru nte enye akanamde, koro enye ataŋde idem ye Jehovah, ye Edisana Abasi Israel.

MME ŊKE 20:24

Ikpat isaŋ owo oto Jehovah: owo anam didie, ndien, ɔfiɔk usuŋ esiemɔ?

ŊWED JOB 31:4

Nte utibe ufen inyeneke mme anam-ukwaŋ-ŋkpɔ? Nte idige enye okut usuŋ mi, onyuŋ abat kpukpru ikpat mi?

MME HEBREW 4:13

Baba ŋkpɔ kiet eke odibede Enye ke enyin inyuŋ iduhe; edi kpukpru ŋkpɔ ena iferi ye ata iŋwaŋ-iŋwaŋ ke enyin Abasi, emi nnyin isaŋade ŋkpɔ ye Enye.

ISAIAH 37:19

ema enyuŋ esin mme abasi mmɔ ke ikaŋ: koro mmɔ mikedige Abasi, edi se ubɔk owo akanamde, kpa eto ye itiat: ndien esobo mmɔ.

ŊWED MME PSALM 139:3

Afo otim ɔnyuŋɔ isaŋ mi ye ebiet eke nnade, onyuŋ ɔfiɔk kpukpru usuŋ mi.

2 NDIDEM 14:10

Afo amakan Edom, ndien akabare ataŋ idem: taŋ ese, nyuŋ tie ke ufɔk fo: afo edinam didie otibi ekɔŋ ye idiɔk-ŋkpɔ, ndien ɔduɔ, kpa afo, ye Judah ŋko?

1ŊWED TIMOTHY 3:6

Enye okudi obufa owo ke ido Abasi, mbak enye edikohore idem, ɔduɔ oduk ke ubiom-ikpe Satan.

1 ŊWED CORINTH 8:4

Kabaŋa eridia ŋkpɔ eke ekawade enɔ ndem ndien; nnyin imɔfiɔk ite, idem baba kiet iduhe ke ererimbot, Abasi baba inyuŋ iduhe, ibɔhɔke kiet.

UTOM MME APOSTLE 17:25

owo inyuŋ idaha ubɔk inam ŋkpɔ inɔ Enye, nte emi Enye anande ŋkpɔ; koro edi Enye ɔnɔ kpukpru owo uwem, ye ibifik, ye kpukpru ŋkpɔ:

HABAKKUK 2:4

Sese, owo ntaŋidem! ukpɔŋ esie inenke enye ke idem: ndien edinen owo eyedu uwem ke mbuɔtidem esie.

EZEKIEL 31:10

Mmɔdo ntem ke Ɔbɔŋ Jehovah ɔdɔhɔ, ete, Koro afo okoŋde ke idaha: enye onyuŋ esinde nsom esie ke ufɔt mbubit enyɔŋ, onyuŋ emenerede esit esie onim ke enyɔŋ ke idaha esie;

EZEKIEL 28:17

Uyai fo emenere fi esit ke enyɔŋ, afo amabiat ifiɔk fo abaŋa ubɔŋ fo: mmɔŋ nduɔk fi ke isɔŋ, mmɔŋ nda fi nnim ke iso ndidem, man ese fi.

EZEKIEL 28:5

ata eti ibuot fo ke urua fo esin inyene fo ewak, ndien inyene fo emenere fi esit ke enyɔŋ:

EZEKIEL 28:2

Ntem ke Ɔbɔŋ Jehovah ɔdɔhɔ ete, Koro esit fo okoŋde, afo onyuŋ ɔdɔhɔ, ete, Ami ndi abasi kiet; ntie ke itie Abasi ke ufɔt inyaŋ; ndien afo edi owo, udige Abasi; onyuŋ onim esit fo nte esit Abasi:

ISAIAH 42:5

Emi edi uyo Abasi Jehovah, emi okobotde enyɔŋ onyuŋ anyanarede mmɔ; emi ebride isɔŋ, ye se itibede ke esit; emi adade ibifik ɔnɔ kpukpru owo emi edude ke esit, ada spirit ɔnɔ kpukpru mmɔ emi esaŋade ke esit:

ISAIAH 33:10

Jehovah ɔdɔhɔ, ete, Mmɔŋ ndimenere; mmɔŋ ndidaha ke enyɔŋ, mmɔŋ ndimenere idem mi ke enyɔŋ.

ŊWED MME PSALM 146:4

Ibifik ɔwɔrɔ enye ke idem, enye afiak ke ntan esie; ke kpasuk usen oro mme uduak esie etak.

ŊWED MME PSALM 115:16

Enyɔŋ edi heaven Jehovah: edi enye ada isɔŋ ɔnɔ nditɔ owo.

ŊWED MME PSALM 104:29

Afo odip iso fo, nsia oyomo mmɔ: ataŋ ibifik mmɔ, mmɔ enime, enyuŋ efiak ke ntan mmɔ.

JUDGES 16:23

Ndien mbɔŋ mme Philistine esop idem ɔtɔ kiet, ete ewa akamba idiɔŋ enɔ Dagon abasi mmɔ, enyuŋ ebre mbre: ndien mmɔ edɔhɔ ete, Abasi nnyin ama ada Samson usua nnyin esin nnyin ke ubɔk.

GENESIS 14:19

Ndiem enye ɔdiɔŋ enye, ete, Abasi Ibom, andinyene enyɔŋ ye isɔŋ, osuk ɔdiɔŋ Abram:

GENESIS 2:7

Ndien Jehovah Abasi obot owo ke ntan-isɔŋ, onyuŋ ɔduɔk ibifik uwem esin ke odudu ibuo esie; ndien owo akabare edi ukpɔŋ eke odude uwem.

ERIYARARE 9:20

Ndien owo eke esuhɔde, eke miwotke mmɔ ke ufen emi, ikabakere esit ikpɔŋ ubɔk-utom mmɔ; mmɔ inyuŋ itreke ndituak ibuot nnɔ mme demon, ye ndem o-gold ye silver ye okpoho ye itiat ye eto, eke mikemeke ndikut usuŋ, ndinyuŋ ŋkop ikɔ, ndinyuŋ nsaŋa.

ISAIAH 13:11

Ndien nyeda ufen ntiene ererimbot mbaŋa idiɔk ido mmɔ, ntiene mme idiɔk owo mbaŋa mme ukwaŋ-ŋkpɔ mmɔ; ndien nyenam iseri mme ɔsɔŋ-enyin etre, nnyuŋ nsuhɔre mme ntaŋidem mbon afai.

ISAIAH 14:13

Ndien afo ɔkɔdɔhɔ ke esit fo, ete, “Nyedɔk ke enyɔŋ, nyemenere ebekpo mi nnim ke enyɔŋ ŋkan ntantafiɔŋ Abasi: nnyuŋ ntie ke obot emi mmɔ esopde esop, ke edem edere-edere:

JEREMIAH 48:26

Mbufo enɔ enye mmin ɔŋwɔŋ akpa: koro enye okokde idem esie ye Jehovah: ndien Moab eyemiaŋa ke ikpɔhi esie, enye ŋko eyenyuŋ edi se esakde.

1 SAMUEL 17:26

Ndien David ɔdɔhɔ mmɔ emi edade ye enye, ete, Edinam nso enɔ owo eke ediwotde Philistine emi, onyuŋ odorore Israel but emi? Koro edut Philistine emi edi anie owo, eke enye ekpesinde mbon-ekɔŋ Abasi uwem ke ndek?

1 SAMUEL 17:36

Owo fo okowot lion ye bear; ndien edut Philistine emi eyebiet mmɔ kiet, koro enye emesin mbon-ekɔŋ Abasi uwem ke ndek.

JEREMIAH 50:28

Uyo mmɔ emi efeŋede enyuŋ ebɔhɔde ekpɔŋ isɔŋ Babylon, man ekwɔrɔ usiene Jehovah Abasi nnyin ke Zion, kpa usiene temple esie.

DANIEL 8:11

Enye onyuŋ emenere idem esie tutu osim ɔbɔŋ udim oro, onyuŋ esin esio nsinsi uwa efep, onyuŋ esin ewuri ebiet edisana iduŋ esie.

DANIEL 11:12

Ndien otu owo oro eyemenere idem mmɔ ke enyɔŋ, enye eyenyuŋ emenere esit esiemɔ onyuŋ ɔduɔk tɔsin duop, tɔsin duop, edi idisɔŋɔke.