DANIEL 5:22 - Edisana ñwed Abasi Ibom

²² Ndien afo, O Belshazzar, eyen esie ukɔsuhɔkede esit fo unim, koro afo ɔfiɔkde kpukpru ŋkpɔ emi.

DANIEL 5:22 Referans Kwoze

2 CHRONICLES 33:23

enye inyuŋ isukke idem esie ke iso Jehovah, nte emi Manasseh ete esie okosukde idem: edi Amon ɔdɔdiɔŋ anam idiɔk aka iso.

EXODUS 10:3

Ndien Moses ye Aaron eka ke ebiet Pharaoh, ekedɔhɔ enye, ete, ntem ke Jehovah Abasi mme Hebrew ɔdɔhɔ ete, adaŋa didie ke afo edisin ndisuk idem ke iso mi? yak ikɔt mi eka, man ekenam ŋkpɔ enɔ mi.

JAMES 4:17

Mmɔdo owo emi ɔfiɔkde ndinam eti ŋkpɔ, ndien minamke, eritre ndinam oro edi idiɔk-ŋkpɔ ɔnɔ enye.

2 CHRONICLES 36:12

Enye onyuŋ anam idiɔk ke iso Jehovah Abasi esie, inyuŋ isukke idem esie ke iso Jeremiah prophet, ke uyo Jehovah.

JAMES 4:6

Edi Enye ɔnɔ mfɔn awak akan. Mmɔdo ewetde ete, Abasi ɔbiɔŋɔ mbon iseri, edi ɔnɔ mbon nsuhɔre-idem mfɔn.

JOHN 13:17

Edieke mbufo efiɔkde mme ŋkpɔ emi, ɔfɔfɔn ɔnɔ mbufo ke mbufo enamde mmɔ.

LUKE 12:47

Edi ofin emi ɔkɔfiɔkde mbet ete esie, ndien mibeŋeke idem, minyuŋ inamke nte uduak esie etemede, eyemia enye ediwak ubɔk ikpa; edi enye emi mifiɔkke,

MATTHEW 21:32

Koro John akasaŋa ke usuŋ edinem ido etiene mbufo, ndien mbufo inimke enye ke akpanikɔ; edi mme publican ye mme akpara enim enye ke akpanikɔ; ndien ke ini mbufo ekutde, ituaha mkpɔfiɔk ke ukperedem, man mbufo nde enim enye ke akpanikɔ.

MATTHEW 14:4

Koro John ɔkɔdɔhɔ enye ete, inenke afo ndida enye ndɔ.

DANIEL 5:18

Afo, O edidem, Abasi Ibom ama ɔnɔ Nebuchadnezzar usɔ ubɔŋ ye ubom ye ukpono ye uyai:

ISAIAH 26:10

Ɔkpɔfɔn ido ye idiɔk owo, enye idikpepke se inende; enye eyenam ukwaŋ-ŋkpɔ ke isɔŋ mmɔ eke enende, idinyuŋ ikwe ubom Jehovah.

ŊWED MME PSALM 119:46

Nyenyuŋ ntiŋ mbaŋa uyo fo ke iso ndidem, but idinyuŋ inamke mi.

ISAIAH 13:11

Ndien nyeda ufen ntiene ererimbot mbaŋa idiɔk ido mmɔ, ntiene mme idiɔk owo mbaŋa mme ukwaŋ-ŋkpɔ mmɔ; ndien nyenam iseri mme ɔsɔŋ-enyin etre, nnyuŋ nsuhɔre mme ntaŋidem mbon afai.

ISAIAH 14:13

Ndien afo ɔkɔdɔhɔ ke esit fo, ete, “Nyedɔk ke enyɔŋ, nyemenere ebekpo mi nnim ke enyɔŋ ŋkan ntantafiɔŋ Abasi: nnyuŋ ntie ke obot emi mmɔ esopde esop, ke edem edere-edere: