DANIEL 5:17 - Edisana ñwed Abasi Ibom

¹⁷ Ndien Daniel ɔbɔrɔ onyuŋ ɔdɔhɔ ke iso edidem, ete, Nim enɔ fo ke idem fo, nyuŋ da utip fo nɔ owo eŋwen: edi nyekot ŋwed emi nnɔ edidem, nnyuŋ nsian enye nte ŋkpɔ emi asaŋade.

DANIEL 5:17 Referans Kwoze

2 NDIDEM 5:16

Edi enye ɔdɔhɔ ete, Ma uwem Jehovah emi ami ndade enye ke iso, mbɔhɔ. Ndien Naaman eyire enye, ete, ɔbɔ; edi enye esin.

GENESIS 14:23

enyɔŋ ye isɔŋ, nte ke mbɔhɔ baba ndidi ye idem uruk ikpa-ukot ke kpukpru se inyenede fi, mbak afo edidɔhɔ ete, Edi ami mfori Abram:

UTOM MME APOSTLE 8:20

Edi Peter ɔbɔrɔ enye ete, Okuk fo etiene fi atak, koro afo ekerede ete iyeda okuk idep enɔ Abasi.

DANIEL 5:29

Ndien Belshazzar ɔnɔ uyo, ete esine Daniel purple ke idem, enyuŋ ekɔŋɔ enye ŋkpɔkɔbi gold ke itɔŋ, enyuŋ ekwɔrɔ ebaŋa enye, ete ke enye edi ɔbɔŋ ke ɔyɔhɔ itie ita ke obio.

DANIEL 2:6

Edi mbufo ema ewut ndap oro, enyuŋ esiak enye, mbufo eyebɔ mi enɔ, ye utip, ye akwa ukpono eke otode mi: mbufo etiŋ ndien ndap, enyuŋ esiak enye.

ŊWED MME PSALM 119:46

Nyenyuŋ ntiŋ mbaŋa uyo fo ke iso ndidem, but idinyuŋ inamke mi.

2 NDIDEM 5:26

Ndien enye ɔdɔhɔ enye, ete, Nte esit mi ikakaha, ke ini owo oro otode ke chariot esie afiak edisobo ye afo? Nte emi edi ini nte owo ɔkpɔbɔde okuk, okponyuŋ ɔbɔde ɔfɔŋ-idem, ye iŋwaŋ olive, ye iŋwaŋ vine, ye erɔŋ, ye enaŋ, ye ifin iren, ye ifin iban?

2 NDIDEM 3:13

Ndien Elisha ɔdɔhɔ edidem Israel, ete, Nsaŋa nso ye afo? Tiene mme prophet usɔ, ye mme prophet uka. Ndien edidem Israel ɔdɔhɔ enye, ete, Ih ih: koro Jehovah ama okot ndidem ita emi edi, ete ida mmɔ isin ke ubɔk Moab.