DANIEL 4:19 - Edisana ñwed Abasi Ibom

¹⁹ Ndien idem akpa Daniel emi ekerede Belteshazzar idaha kiet, ekikere enyuŋ etimere enye. Edidem ɔbɔrɔ onyuŋ ɔdɔhɔ, ete, Belteshazzar, kuyak ndap emi ye se enye ediwɔrɔde akpa fi idem. Belteshazzar ɔbɔrɔ, ete, Ɔbɔŋ mi, yak ndap emi enyene mmɔ eke esuade fi, yak ŋkpɔ emi enye ediwɔrɔde onyuŋ osim mbon-utɔk fo.

DANIEL 4:19 Referans Kwoze

DANIEL 8:27

Ndien idem akpa mi Daniel, udɔŋɔ onyuŋ anam mi ndusuk ini: edikem ŋkop idem, nnyuŋ nam utom edidem; ŋkukut oro onyuŋ enyene mi ndyɔ: edi baba owo kiet ifiɔkke enye.

DANIEL 7:28

Utit ikɔ osim emi. Ama edi ami Daniel, ekikere mi etimere mi eti-eti, iso onyuŋ ɔkpuhɔre mi, edi nnim ŋkpɔ oro ke esit mi.

DANIEL 4:24

ntem ke enye ediwɔrɔ. O edidem, enye onyuŋ edi uduak Ata Edikoŋ Abasi emi osimde ɔbɔŋ mi edidem:

JEREMIAH 4:19

Nsia mi! nsia mi! ɔwɔŋ esit mi abiak mi; esit mi eseme ɔnɔ mi; ndidopke uyo, koro, O ukpɔŋ mi, ŋkopke uyo ukorowo ye mkpo ekɔŋ.

1 SAMUEL 3:17

Ndien enye ɔbɔrɔ ete, Se mi mi. Ndien enye obup enye ete, Enye eketiŋ nso ikɔ ye afo? Mbɔk, kudip mi. Abasi osuk anam ntre ye afo, onyuŋ ɔdɔdiɔŋ anam, edieke afo odipde mi ikɔ ekededi ke kpukpru ŋkpɔ oro enye ɔkɔdɔhɔde fi.

HABAKKUK 3:10

Ikpɔ obot ekut fi, emiaŋa; akwa edim mmɔŋ asaŋa ebe: inyaŋ ibom osioro uyo esie, emenere ubɔk esie ke enyɔŋ.

DANIEL 7:15

Ndien esit ayat mi Daniel ke esit idem mi, ŋkukut ibuot mi enyuŋ etimere mi.

DANIEL 5:12

koro ekutde ete ke ata eti spirit, ye eti ibuot ke eriyarare ndap, ye ke erisiak ŋke, ye ke eritat mkpɔsɔŋ ikɔ, edu enye ke idem, kpa ke Daniel emi edidem okosiode enye enyiŋ Belteshazzar. Yak ekot Daniel edi, ndien enye eyesiak nte ŋwed emi asaŋade.

DANIEL 2:26

Edidem ɔbɔrɔ onyuŋ ɔdɔhɔ Daniel emi enyiŋ esie ekerede Belteshazzar, ete, Nte afo emekeme ndisian mi ndap oro ŋkokutde, ndinyuŋ nsiak nte enye asaŋade?

DANIEL 1:7

ndien etubom mme eunuch osio mmɔ enyiŋ: osio Daniel Belteshazzar; onyuŋ osio Hananiah Shadrach; onyuŋ osio Mishael Meshach; onyuŋ osio Azariah Abed-nego.

JEREMIAH 29:7

Mbufo enyuŋ eyom ifure obio emi ŋkataŋde mbufo mfep nsin do, enyuŋ ekpe Jehovah ubɔk enɔ enye: koro mbufo edikutde ifure ke ifure esie.

1 NDIDEM 18:7

Ekem ke ini Obadiah asaŋade ke usuŋ, sese, Elijah ɔbiɔŋɔre enye ke iso: ndien enye ɔdiɔŋɔ enye, onyuŋ ɔduɔ ke isɔŋ okubi iso esie, ete, Nte afo emi edi ɔbɔŋ mi Elijah?

1 SAMUEL 26:15

Ndien David ɔdɔhɔ Abner, ete, Nte afo udige eren-owo? Anie owo onyuŋ ebiet fi ke Israel? Nsinam ndien mukpemeke usɔ, edidem? koro owo kiet okodukde ete iwot edidem ɔbɔŋ fo.

1 SAMUEL 24:8

Ndien David onyuŋ etiene enye adaha ke enyɔŋ, oto ke aba ɔwɔrɔ, onyuŋ ofiori okot Saul, ete, Ete mi edidem! Ndien ke ini Saul akabarade ese edem, David otuk iso esie ese isɔŋ, onyuŋ ɔnuhɔ.

1 SAMUEL 1:15

Ndien Hannah ɔbɔrɔ ete, Ih ih ɔbɔŋ mi; ami ndi ŋwan emi esit ɔdiɔkde mi: ŋŋwɔŋke wine, nnyuŋ ŋŋwɔŋke mmin, edi mmaŋwaŋa esit mi ke iso Jehovah.

EXODUS 32:32

Afo akpakam efen idiɔk ido mmɔ ndien mmunyimeke, mbɔk, sɔhi mi fep ke ŋwed fo emi afo ewetde.

GENESIS 32:18

iso enyuŋ enyene anie? Ndien dɔhɔ ete, Eke owo fo Jacob; enɔ emi ke enye ɔnɔ isɔk Esau ɔbɔŋ esie: sese, enye ŋko ke edi nnyin

GENESIS 31:35

Ndien Rachel ɔdɔhɔ ete esie, ete, Esit okuyat ɔbɔŋ mi koro mmeŋkwe nte ndidahade ke enyɔŋ; koro ami ndude ke ido iban. Enye ɔduŋɔ ntre, edi ikwe ibɔk esie.

GENESIS 40:12

Ndien Joseph ete enye, Ntem ke esiak enye: ubɔk ita oro edi usen ita:

DANIEL 2:37

Afo, O edidem, edi edidem ndidem: koro Abasi enyɔŋ ɔmɔnɔ fi ubɔŋ, ye odudu, ye nsɔŋidem, ye ukpono.

DANIEL 5:18

Afo, O edidem, Abasi Ibom ama ɔnɔ Nebuchadnezzar usɔ ubɔŋ ye ubom ye ukpono ye uyai:

DANIEL 5:19

ndien ubom oro Enye ɔkɔnɔde enye esin kpukpru mme idut ye obio ye usem edikhe enye, enyuŋ enyek ke iso esie; enye owot owo eke enye amade, onyuŋ ada owo eke enye amade onim ke uwem; ofori mmɔ eke enye amade, onyuŋ ɔsuhɔre mmɔ eke enye amade.