DANIEL 3:1 - Edisana ñwed Abasi Ibom

¹ NEBUCHADNEZZAR edidem akanam akamba owo o-gold: idaha esie edi ibio-idomo-okuk ata: ubom esie edi ibio-idomo-okuk itiokiet: ndien onim enye ke una-isɔŋ Dura ke esien Babylon.

DANIEL 3:1 Referans Kwoze

HABAKKUK 2:19

Osuk ɔdɔdiɔk ɔnɔ owo eke ɔdɔhɔde eto, ete, Demere! men Idem! ɔdɔhɔ imum itiat, ete, Enye eyeteme! Sese, mmɔ ekubi enye gold ye silver;

JEREMIAH 16:20

Nte owo edinam abasi ɔnɔ idem esie, ndien mmɔ idige abasi?

ISAIAH 46:6

Mme ɔduɔŋɔ-ŋkpɔ eyesio gold ye silver ke ekpat, edomo ke balance, eyekpe owo-usɔ inyene: ndien enye ada enye anam abasi: mmɔ enuhɔ, enyuŋ etuak ibuot.

HOSEA 8:4

Mmɔ enim owo ke ndidem, edi itoho mi: enim owo ke mbɔŋ, ndien ami mfiɔkke: mmɔ eda silver mmɔ ye gold mmɔ enam mbiet ŋkpɔ enɔ idem mmɔ, man esibe mmɔ efep.

UTOM MME APOSTLE 19:26

Mbufo emenyuŋ ekut enyuŋ ekop ete, idige ke Ephesus ikpɔŋ-ikpɔŋ, edi ayak esisit ke ofuri Asia nde, Paul emi ama ada ndutiŋ esie oduri ediwak owo ada, ekpep ete mme abasi, eke owo anamde ke ubɔk, idige Abasi.

UTOM MME APOSTLE 17:29

Sia nnyin idide nditɔ Abasi ndien, nnyin ikpesehe ite Abasi ebiet gold, mme silver, mme itiat, eke edade usɔ ye ekikere owo esɔi.

ISAIAH 2:20

Ke usen oro owo eyeda ibɔk silver esie, ye ibɔk gold esie, eke ekenamde enɔ enye, ete okpono, ɔduɔk ɔnɔ oyit ye emiaŋ;

ŊWED MME PSALM 135:15

Mme ibɔk mme idut edi silver ye gold, kpa ŋkpɔ eke ubɔk owo enamde.

1 NDIDEM 12:28

Ndien edidem ekere, onyuŋ ada gold anam nditɔ enaŋ iba, onyuŋ ɔdɔhɔ mmɔ ete, Akan mbufo ndidɔk ke Jerusalem: O Israel, se mme abasi emi ekedade mbufo ke isɔŋ Egypt edɔk edi.

DANIEL 5:23

Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

DANIEL 2:48

Ndien edidem ofori Daniel, onyuŋ ɔnɔ enye ediwak ikpɔ enɔ, onyuŋ onim enye ke etubom ofuri esien Babylon, ye etubom kpukpru mme ɔfiɔk ŋkpɔ owo Babylon.

JEREMIAH 10:9

Eda silver eke edomde efere ke Tarshish edi, eda gold ke Uphaz, utom owo usɔ, ye eke ubɔk anditara, edi: edisine-ŋkpɔ mmɔ awawa ye purple: kpukpru mmɔ edi se mme ɔfiɔkŋkpɔ owo enamde.

ISAIAH 30:22

Ndien mbufo eyebat se edade efuk mbiet a silver fo, ye edisine-ŋkpɔ mbiet o-gold fo ke mbubiam: afo eyemen mmɔ ɔduɔk nte ŋkpɔ ndek; eyedɔhɔ enye, ete, Wɔrɔ.

DEUTERONOMY 7:25

Mbufo eda edisɔi ŋkpɔ mbiet mme abasi mmɔ efɔp ke ikaŋ: kuyom silver ye gold eke ɔfuhɔde mmɔ ke idem, kunyuŋ uda enye ke idem fo, mbak enye edisin afia amia fi: koro Jehovah Abasi fo esede enye ke ŋkpɔ mbubiam.

EXODUS 32:31

Ndien Moses afiak etiene Jehovah, ɔkɔdɔhɔ ete, Mbɔk, mbɔk! mbio emi emenam ata idiɔk ido, emenyuŋ enam abasi gold ke idem mmɔ.

EXODUS 20:23

Mbufo ekuda silver enam abasi edian ye ami, ekunyuŋ eda gold enam abasi enɔ idem mbufo.

ERIYARARE 9:20

Ndien owo eke esuhɔde, eke miwotke mmɔ ke ufen emi, ikabakere esit ikpɔŋ ubɔk-utom mmɔ; mmɔ inyuŋ itreke ndituak ibuot nnɔ mme demon, ye ndem o-gold ye silver ye okpoho ye itiat ye eto, eke mikemeke ndikut usuŋ, ndinyuŋ ŋkop ikɔ, ndinyuŋ nsaŋa.

DANIEL 3:30

Ndien edidem ofori Shadrach ye Meshach ye Abednego ke esien Babylon.

ESTHER 1:1

EDIKEM ke eyo Ahasuerus (enye Ahasuerus edi edidem province ikie ye edip ye itiaba, ɔtɔŋɔde ke India tutu osim ke Ethiopia:)

DANIEL 3:14

Ndien mmɔ edida ke iso edidem. Nebuchadnezzar ɔbɔrɔ onyuŋ ɔdɔhɔ mmɔ, ete, Shadrach, Meshach, Abednego, nte mbufo ekekoi enam? Nte mbufo inamke ŋkpɔ inɔ abasi mi, inyuŋ ituakke ibuot inɔ owo o-gold emi ŋkonimde?

DANIEL 5:4

Mmɔ eŋwɔŋ wine, enyuŋ ekɔm mme abasi gold, ye eke silver ye eke okpoho, ye eke ukwak, ye eke eto, ye eke itiat.

HOSEA 2:8

Ndien enye ikɔfiɔkke, ite ke edi ami ŋkɔnɔ enye ibokpot oro, ye obufa wine, ye aran, ndien mmɔ eda silver oro ŋkanamde awak ɔnɔ enye, ye gold, enam ŋkpɔ enɔ Baal.

DANIEL 2:49

Ndien Daniel ekpe edidem ubɔk, ndien enye onim Shadrach ye Meshach ye Abednego, ete esaŋa ŋkpɔ esien Babylon. Ndien Daniel etie ke inua-otop edidem.