DANIEL 2:2 - Edisana ñwed Abasi Ibom

² Ndien edidem ɔnɔ uyo, ete ekot mbon-ŋwed ye mbia-idiɔŋ, ye mbia-mfa, ye mme Chaldean edi edisian edidem ndap esie. Ndien mmɔ edi edida ke iso edidem.

DANIEL 2:2 Referans Kwoze

DANIEL 1:20

Ndien ke kpukpru ŋkpɔ ifiɔk ye asian eke edidem obupde mmɔ, enye onyuŋ okut ete ke mmɔ ekan kpukpru mbon-ŋwed ye mbia-idiɔŋ eke edude ke ofuri idut esie utim ikoduop.

DANIEL 4:6

Ndien ami ŋwuk ewuhɔ, nte eda kpukpru mme ɔfiɔk ŋkpɔ owo Babylon edi ke iso mi man mmɔ esian mi nte ndap oro ediwɔrɔde.

EXODUS 7:11

Ndien Pharaoh onyuŋ okot mme ɔfiɔkŋkpɔ owo ye mbiaidiɔŋ edi. Ndien idem mbia-idiɔŋ Egypt ŋko enyuŋ eda idiɔŋ mmɔ enam ntre.

GENESIS 41:8

Ekem ke usenubɔk esit etimere enye; ndien enye ɔdɔŋ ekekot kpukpru mbia-idiɔŋ Egypt, ye kpukpru mme ɔfiɔk-ŋkpɔ owo esie edi; ndien Pharaoh etiŋ ndap esie ɔnɔ mmɔ; edi baba owo kiet eke asiakde mmɔ ɔnɔ Pharaoh iduhe.

DANIEL 5:7

Edidem ofiori ɔkpɔsɔŋ, ete eda mbia-idiɔŋ ye mme Chaldean ye mbia-mfa eduk. Edidem ɔbɔrɔ onyuŋ ɔdɔhɔ mme ɔfiɔkŋkpɔ owo Babylon, ete, Owo ekededi ama okot ŋwed emi, onyuŋ asiak enye ɔnɔ mi, eyesine purple ke idem, onyuŋ ɔkɔŋɔ ŋkpɔkɔbi gold ke itɔŋ, onyuŋ ada ɔyɔhɔ itie ubɔŋ ita ke obio.

DANIEL 2:10

Mme Chaldean ebɔrɔ ke iso edidem enyuŋ edɔhɔ, ete, Baba owo eke ekemede ndisiak ŋkpɔ edidem kiet iduhe ke ererimbot: mmɔdo baba akamba ye ɔkpɔsɔŋ edidem kiet akanam ibupke baba owo ŋwed ye abia-idiɔŋ ye Chaldean kiet utɔ ikɔ emi.

ISAIAH 19:3

Ndien eyeŋwaŋa Egypt spirit esie ke idem efep; nyeyuŋ mmen uduak esie nsin ke idibi: ndien mmɔ eyebine mme ibɔk, ye mbia-inuen, ye mme nsaŋa ekpo, ye mbia-idiɔŋ.

ISAIAH 8:19

Ndien adaŋemi mmɔ edɔhɔde mbufo, ete, Mbufo ebup ndem, ye mbia-idiɔŋ emi ekunide, enyuŋ enunde ikɔ: nte mbio ikpobupke Abasi mmɔ? (Nte ekpebup) mme akpa-mkpa enɔ mme odu-uwem?

ESTHER 1:13

Ekem edidem ɔdɔhɔ mme enyene-ibuot owo oro efiɔkde ini, (koro ntem ke uyo edidem odu ke iso kpukpru mme ɔfiɔk-ewuhɔ ye ikpe:

DANIEL 1:4

nditɔ eke mibiomke baba ndo, eke enyuŋ eyede iso, enyuŋ edide ɔniɔŋ ke kpukpru oruk eti ibuot, enyuŋ efiɔkde ŋkpɔ, enyuŋ edide mme asian ke ifiɔk, eke enyuŋ enyenede ukeme nte edidade ke akwa ufɔk edidem, eke edinyuŋ ekpepde mmɔ ŋwed ye usem mme Chaldean.

DANIEL 2:27

Ndien Daniel ɔbɔrɔ ke iso edidem, onyuŋ ɔdɔhɔ, ete, Mme ɔfiɔk ŋkpɔ owo ye mbia-idiɔŋ, ye mbon-ŋwed, ye mbia-mfa ikemeke ndiyarare ndibe ŋkpɔ emi edidem obupde;

DANIEL 3:8

Mmɔdo ndo-ndo oro ndusuk owo mme Chaldean esaŋa ekpere edibia mme Jew.

1 SAMUEL 6:2

Ekem mme Philistine ekot mme oku ye mbia idiɔŋ edi, ete, Nnyin idinam ekebe Jehovah nso ŋkpɔ? Mbufo eteme nnyin se ididade inɔ enye ɔnyɔŋ aka ke ebiet esie.

DANIEL 4:3

Mme utibe ŋkpɔ esie ewak didie! ŋkpɔ ndyɔ esie enyuŋ esɔŋɔ didie! ubɔŋ esie edi nsinsi ubɔŋ; enye onyuŋ akara ke ofuri emana.