DANIEL 2:18 - Edisana ñwed Abasi Ibom

¹⁸ Yak mmɔ ebeŋe Abasi enyɔŋ mbɔm ebaŋa ndibe ŋkpɔ emi, man ekusobo Daniel ye mme nsaŋa esie ke otu mme ɔfiɔk ŋkpɔ owo Babylon efen.

DANIEL 2:18 Referans Kwoze

JEREMIAH 33:3

Seme kot mi, ndien nyeyere fi, nnyuŋ ŋwut fi ikpɔ ye ata mkpɔsɔŋ ŋkpɔ eke afo mufiɔkke mmɔ.

MATTHEW 18:19

Mmonyuŋ ntɔŋɔ ntak ndɔhɔ mbufo nte, owo iba ke otu mbufo ema eduk ediomi ebaŋa ŋkpɔ ekededi eke mmɔ edibeŋede, Ete Mi emi odude ke heaven eyenam ŋkpɔ oro ɔnɔ mmɔ.

MATTHEW 18:12

Mbufo ese didie? Edieke owo enyenede erɔŋ ikie, ndien kiet osop, nte enye idikpɔŋke anaŋ ye efurenaŋ oro, ika ke mme obot ikoyom kiet oro osopde?

ŊWED MME PSALM 91:15

Enye eyeseme ɔnɔ mi, ndien nyeyere enye. Nda ye enye ke itie ukut; nyenyaŋa enye, nnyuŋ ŋkpono enye.

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

MALACHI 3:18

Ndien mbufo eyetɔŋɔ ntak ekut nte eti ye idiɔk esaŋade isio, ye nte anam ŋkpɔ Abasi ye owo eke minamke ŋkpɔ esie esaŋade isio.

ISAIAH 37:4

Mme Jehovah Abasi fo eyekop ikɔ Rabshakeh emi ete esie edidem Assyria ɔkɔdɔŋde ndisuene Abasi uwem; onyuŋ asua ɔnɔ ikɔ emi Jehovah Abasi fo okopde: menere ndien mkpeubɔk baŋa nsuhɔ emi edude mi.

1 SAMUEL 17:37

David onyuŋ ɔdɔhɔ ete, Jehovah emi okosiode mi ke ubɔk lion, ye ke ubɔk bear, eyesio mi ke ubɔk Philistine emi. Ndien Saul ɔdɔhɔ David, ete, Ka; Jehovah onyuŋ osuk odu ye afo.

GENESIS 18:28

mme edisuhɔ ition ke edinen owo aba ye duop oro; nte afo eyebiat ofuri obio abaŋa ition oro? Ndien enye ɔdɔhɔ, ete, Ndibiatke, ke mma ŋkut aba ye ition do.

2 PETER 2:9

Ɔbɔŋ ɔmɔfiɔk ndinyaŋa mmɔ emi eteŋede Enye nsio ke idomo, ndinyuŋ mmum mme idiɔk owo nnim ke itie ufen, tutu osim usen ikpe;

ŊWED MBON ROME 15:30

Edi mmekpe mbufo ubɔk, nditɔ-ete, ke enyiŋ Ɔbɔŋ nnyin Jesus Christ ye ke ima emi Spirit esinde nnyin ke esit, nte mbufo etiene mi eŋwana ebɔŋ akam enɔ Abasi ebaŋa mi;

UTOM MME APOSTLE 12:4

Ndien ke ama okomum enye, esin enye ke ufɔk-ŋkpɔkɔbi, onyuŋ ayak ɔnɔ mbon-ekɔŋ efurekiet, eke ebaharede ke itie inaŋ, ete ekpeme enye: onyuŋ aduak ete, Passover ama ebe, iyeda enye iwɔrɔ ikayak inɔ mbio-obio.

DANIEL 3:17

Sese, Abasi nnyin emi nnyin inamde ŋkpɔ esie emekeme ndinyaŋa nnyin nsio ke akwa ikaŋ emi asakde: ndien enye eyenyaŋa nnyin osio fi ke ubɔk, O edidem.

EZEKIEL 36:37

Ntem ke Ɔbɔŋ Jehovah ɔdɔhɔ ete, Eyesuk ebeŋe mi ŋkpɔ emi enɔ ufɔk Israel, ete nnam nnɔ mmɔ. Nyenam mmɔ ewak owo nte otu ufene.

DANIEL 2:23

O Abasi mme ete mi, ami mmotoro mmonyuŋ ŋkɔm fi, emi ɔnɔde mi ifiɔk ye odudu, ndien ke emi ke afo asian mi se nnyin ibeŋede fi; koro afo amasian ikɔ edidem ɔnɔ nnyin.

DANIEL 4:26

Ndien emi mmɔ ekedɔhɔde, ete ekpɔŋ etak oruŋ eto oro, ubɔŋ fo eyena ɔnɔ fi, adaŋemi afo edifiɔkde ete ke heaven ada ubɔŋ.

JONAH 1:9

Ndien enye ɔbɔrɔ mmɔ, ete, Ami ndi eyen Hebrew; ami nnyuŋ mbak Jehovah Abasi enyɔŋ, emi akanamde inyaŋ ye obot.

ŊWED MME PSALM 136:26

Oh mbufo ekɔm Abasi enyɔŋ: koro ima esie odude ke nsinsi.