DANIEL 2:11 - Edisana ñwed Abasi Ibom

¹¹ Ndien ikɔ emi edidem obupde ɔsɔŋ, owo eŋwen baba kiet eke ekemede ndisiak enye nnɔ edidem inyuŋ iduhe, ke mibɔhɔke mme abasi emi iduŋ mmɔ miduhe ye obukidem.

DANIEL 2:11 Referans Kwoze

DANIEL 5:11

owo kiet odu ke obio fo emi spirit edisana Abasi odude enye ke idem; ndien ke eyo usɔ ke ekekut ete ke ɔniɔŋ ye eti ibuot ye ifiɔk emi ebietde ifiɔk Abasi, edu enye ke idem: ndien edidem Nebuchadnezzar usɔ, kpa usɔ edidem okonim ndien enye ke etubom mbon-ŋwed, ye mbia-idiɔŋ, ye mme Chaldean, ye mbia-mfa:

2 ŊWED CORINTH 6:16

Nso ediomi ke temple Abasi odiomi ye ndem? Koro nnyin idi temple Abasi uwem; kpa nte Abasi ɔdɔhɔde ete, Nyeduŋ, nyenyuŋ nsaŋa ke otu mmɔ, Ndien nyedi Abasi mmɔ, mmɔ eyenyuŋ edi ikɔt Mi.

JOHN 14:23

Jesus ɔbɔrɔ enye ete, Edieke owo amade Mi, eyenim uyo Mi: ndien Ete Mi eyema enye, nnyin iyenyuŋ idi ididuŋ ye enye.

JOHN 14:17

kpa Spirit akpanikɔ, emi ererimbot mikemeke ndida, koro mmɔ mikwe enye minyuŋ idiɔŋɔke Enye: edi mbufo emediɔŋɔ Enye, koro Enye ododuŋ ye mbufo, eyeyuŋ odu mbufo ke esit.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

MATTHEW 19:26

Edi Jesus owuk enyin ese mmɔ, onyuŋ ɔdɔhɔ mmɔ ete, Emi edi se owo mikemeke ndinam edi Abasi emekeme ndinam kpukpru ŋkpɔ.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

EXODUS 29:45

Nyenyuŋ nduŋ ke otu nditɔ Israel, nnyuŋ ndi Abasi mmɔ.

GENESIS 41:39

Ndien Pharaoh ete Joseph, Sia Abasi ama akanam fi ɔfiɔk emi kpukpru, owo ndomo kiet eke enyenede ikike ye ifiɔk nte afo iduhe.

ERIYARARE 21:3

Ndien ŋkop ɔkpɔsɔŋ uyo nte otode ke ebekpo ɔwɔrɔ ete, Sese, ebiet iduŋ Abasi omodu ye owo. Enye eyenyuŋ oduŋ ye mmɔ; ndien mmɔ eyedi ikɔt Esie, Abasi ke Idem Esie eyenyuŋ odu ye mmɔ, onyuŋ edi Abasi mmɔ.

JOEL 3:21

Ndien nyedahado ke iyip mmɔ emi mmeŋkedahakedo ke esit: koro Jehovah oduŋde ke Zion.

ISAIAH 8:18

Sese ami ye nditɔ emi Jehovah ɔnɔde mi, idi mme idiɔŋɔ ye ŋkpɔ ndyɔ ke Israel, ito Jehovah mme udim emi oduŋde ke obot Zion.

ŊWED MME PSALM 132:14

“Emi edi nduɔk-odudu mi ke nsinsi; mi ke ndiduŋ; koro nyoyom enye.

ŊWED MME PSALM 68:18

Ɔbɔŋ odu ke otu mmɔ; Sinai odu ke edisanan ebiet. Afo ɔkɔdɔk ke enyɔŋ, ataŋ mbuot ekɔŋ ɔnyɔŋ: ɔbɔ enɔ ke otu owo; ye ke otu mbon nsɔŋ-ibot ŋko-ŋko, man afo oduŋ do, O Jehovah Abasi.

2 CHRONICLES 6:18

Nte Abasi edidu ye owo ke isɔŋ ke akpanikɔ? Sese, enyɔŋ ye ata enyɔŋ ikemke fi; ŋwaŋwa ediso ufɔk emi mbɔpde!

1 NDIDEM 8:27

Nte Abasi eyeduŋ ke isɔŋ ndien ke akpanikɔ? Sese, enyɔŋ ye ata enyɔŋ ikemke fi, kpaŋ ɔfiɔk ufɔk emi ŋkɔbɔpde.

NUMBERS 35:34

Ekunyuŋ esabare isɔŋ emi mbufo eduŋde ke esit, emi ami ntiede enye ke ufɔt: koro ami Jehovah nduŋde ke otu nditɔ Israel.

EXODUS 8:19

Ndien mbia-idiɔŋ edɔhɔ Pharaoh ete, Nnuenubɔk Abasi edi emi; edi esit Pharaoh osuk ɔsɔsɔŋ, enye inyuŋ ikopke inɔ mmɔ; kpa suk nte emi Jehovah ɔkɔdɔhɔde.

GENESIS 41:8

Ekem ke usenubɔk esit etimere enye; ndien enye ɔdɔŋ ekekot kpukpru mbia-idiɔŋ Egypt, ye kpukpru mme ɔfiɔk-ŋkpɔ owo esie edi; ndien Pharaoh etiŋ ndap esie ɔnɔ mmɔ; edi baba owo kiet eke asiakde mmɔ ɔnɔ Pharaoh iduhe.

ISAIAH 47:12

Kɔbɔ ndien ke uŋwaŋ fo, ye ke uwak idiɔŋ fo, emi afo anamde ɔkpɔsɔŋ utom ke esit toto ke uyen fo; mme afo eyekeme ndikut udori, mme afo eyekan.

DANIEL 4:4

Ami Nebuchadnezzar ŋkodu ke ufɔk mi, nnyuŋ mforo ke akwa ufɔk mi: