DANIEL 12:7 - Edisana ñwed Abasi Ibom

⁷ Ndien ŋkop uyo owo oro esinede linen, emi adade ke enyɔŋ mmɔŋ akpa, ndien enye emenere ubɔk nnasia esie ye ubɔk ufien esie ke enyɔŋ, onyuŋ otomo enye emi odude uwem ke nsinsi, ete ke edidi ini, ye ini iba, ye ubak ini; ndien adaŋemi enye edisuande odudu edisana mbio ama, eyema kpukpru ŋkpɔ emi.

DANIEL 12:7 Referans Kwoze

DANIEL 7:25

Ndien enye eyetiŋ ikɔ abaŋa Ata Edikoŋ, onyuŋ osobo edisana ikɔt Ata Edikoŋ; onyuŋ ekere ndikpuhɔre ini ye mme ewuhɔ: ndien eyeda mmɔ esin enye ke ubɔk tutu ekem ke ini ye ini iba ye ubak ini.

ERIYARARE 12:14

Edi enɔ ŋwan oro mba iba eke akamba ntrukpom, man enye efe ɔnyɔŋ ke ebiet iduŋ esie ke desert; do ke ebɔk enye ke ini ye ke mme ini ye ke ubak ini, uruk-ikɔt okunyuŋ okut enye.

DANIEL 8:24

Odudu esie eyenyuŋ ɔsɔŋɔ, edi iditoho ke odudu esiemɔ: enye eyenyuŋ abiat ŋkpɔ ndyɔ-ndyɔ, eyenyuŋ okut unen, onyuŋ anam, onyuŋ abiat mkpɔsɔŋ ye edisana mbio.

ERIYARARE 13:5

Ndien enɔ enye inua eke etiŋde ikpɔ ŋkpɔ ye isuŋi, enyuŋ enɔ enye nsɔŋ-uyo ndinam ntre ɔfiɔŋ aba ye iba.

ERIYARARE 12:6

Edi ŋwan oro efehe ɔnyɔŋ ke desert, ke ebiet eke Abasi okotimde itie onim ɔnɔ enye do, man ebɔk enye do ke thousand usen ye usen ikieiba ye ata.

LUKE 21:24

Ndien mmɔ eyeduɔŋɔ ke iso ofut, eyenyuŋ etaŋ mmɔ nte mbuot-ekɔŋ eka ke kpukpru mme idut; ndien mme Gentile eyedigi Jerusalem ke ikpat, tutu ini mme Gentile ɔyɔhɔ.

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana:

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

JEREMIAH 4:2

Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.

ISAIAH 62:12

Ndien mmɔ eyekere edisana mbio, mmɔ eke Jehovah afakde: eyenyuŋ ekot fi, ete Derushah (emi mmɔ eyomde), Ir-lo-neezabah (obio eke owo midikpɔŋke).

DEUTERONOMY 26:19

ke imɔ iyenyuŋ ifori fi ikan kpukpru mme idut eke imɔ ikanamde, man afo edi itoro, ye enyiŋ, ye ubɔŋ ɔnɔ imɔ man afo onyuŋ edi edisana ikɔt Jehovah Abasi fo, kpa nte enye ɔkɔdɔhɔde.

DEUTERONOMY 7:6

Koro afo edide edisana ikɔt Jehovah Abasi fo: Jehovah Abasi fo ama emek fi ete edi ata ikɔt imɔ akan kpukpru mme idut emi edude ke iso ererimbot.

DANIEL 12:6

Ndien owo kiet obup owo oro esinede linen, emi edade ke enyɔŋ mmɔŋ akpa, ete, Adaŋa ini didie ke utit mme utibe ŋkpɔ emi edidi?

DANIEL 11:13

Ndien edidem edem edere eyefiak okotim akamba otu owo eke okponde akan eke akpa; ndien ke utit ndusuk isua enye iditreke ndida ediwak mbon-ekɔŋ ye ediwak inyene ndi.

DANIEL 8:14

Ndien enye ɔdɔhɔ mi, ete, tutu ekem ke tɔsin mbubreyo ye usenubɔk iba ye ikie ita; ke ini oro eyenam edisana ebiet asana.

DEUTERONOMY 32:40

Koro mmenerede ubɔk mi ke enyɔŋ, nnyuŋ ndɔhɔ nte, Ke ndu uwem ke nsinsi.

LUKE 21:14

Mmɔdo ebiere ke esit mbufo ete mme imɔ idibemke iso ikere nte mme imɔ idibɔrɔde:

ŊWED JOB 27:2

ma Abasi Ibom emi ayatde mi esit;

ERIYARARE 4:9

Ndien ke adaŋemi ŋkpɔ-uwem edimende ubɔŋ ye ukpono ye ekɔm enɔ Anditie ke ebekpo, kpa

ERIYARARE 4:10

Andidu-uwem ke nsinsi-nsinsi, mbiowo edip ye inaŋ oro eyeduɔŋɔ ke isɔŋ ke iso Anditie ke ebekpo, etuak ibuot enɔ Andidu-uwem ke nsinsi-nsinsi, enyuŋ eyak anyanya mmɔ eduɔŋɔ ke iso ebekpo, ete,

EZEKIEL 20:5

nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ, ete, Ke usen oro ŋkemekde Israel, nnyuŋ mmenerede ubɔk mi nnɔ ubon ufɔk Jacob, nnyuŋ nyak mmɔ efiɔk mi ke isɔŋ Egypt, nnyuŋ mmenere ubɔk mi nnɔ mmɔ, nte, “Ami ndi Jehovah Abasi mbufo;”

DANIEL 10:5

ndien mmenere enyin mi nnyuŋ nse, ndien, sese, owo kiet emi esinede linen ke idem, ndien enye ɔbɔbɔ eti gold Uphaz ke isin: idem esie ebiet beryl,

DANIEL 12:8

Ndien ami ŋkop, edi ntimke mfiɔk. Ndien ndɔhɔ nte, Ɔbɔŋ mi, utit ŋkpɔ emi edidi didie? Ndien enye ɔdɔhɔ, ete,

DEUTERONOMY 32:36

Koro Jehovah eyekpe ikpe ikɔt esie, eyenyuŋ ɔkpuhɔre ido ye ifin esie, ke ini enye okutde nte odudu ɔbɔhɔde mmɔ, ye nte ofin ye eyen isɔŋ miduhe aba.

DANIEL 4:31

Adaŋemi uyo emi osuk ododu edidem ke inua, uyo oto ke enyɔŋ ɔduɔ, ete, O edidem Nebuchadnezzar, ke edɔhɔ fi, ete,

DANIEL 7:21

Ntie nse, ndien nduk oro aŋwana ekɔŋ ye ikɔt Abasi, onyuŋ akan mmɔ; tutu Andisɔŋɔ usen edi,