DANIEL 12:4 - Edisana ñwed Abasi Ibom

⁴ Ndien afo, Daniel, dip ikɔ emi, nyuŋ nim seal ke ŋwed, tutu osim ke utit ini. Ediwak owo eyeyɔrɔ edi, eyɔrɔ eka, ndien ifiɔk eyekpon aka iso.

DANIEL 12:4 Referans Kwoze

DANIEL 12:9

Ka okuomɔ, Daniel: koro edipde ikɔ emi, enyuŋ enim mmɔ seal ke esit tutu osim ke utit ini.

ERIYARARE 22:10

Enye onyuŋ ɔdɔhɔ mi ete, Kudian ikɔ prophecy ŋwed emi, udip, umen, unim; koro ini ke ekpere.

DANIEL 8:26

Ndien ŋkukut uwemeyo ye usenubɔk emi eketiŋde edi akpanikɔ; afo ndien da seal nim ŋkukut emi: koro eyedu ediwak usen.

DANIEL 8:17

Ndien enye edi ke ɔtɔ ami ndade: ndien ke ini enye edide, ami ndikhe, nnyuŋ nduɔ ke isɔŋ ŋkubi iso mi; ndien enye ɔdɔhɔ mi, ete, Eyen owo, tim fiɔk ete ke ŋkukut emi aka ekperedem ini.

ERIYARARE 10:4

Ke adaŋemi mme obuma itiaba esiorode uyo, mmɔŋ ŋwewet: ndien ŋkop uyo emi otode ke heaven, ɔdɔhɔ ete, Da ufik-ŋkpɔ fik se obuma mbitiaba etiŋde, men, nim, kunyuŋ uwet.

DANIEL 12:13

Edi afo ka okuo tutu osim ke utit: ndien afo eyeduɔk odudu, onyuŋ ada ke udeme fo ke utit mme usen.

ISAIAH 32:3

Ndien enyin idikimke mmɔ eke ekutde, utɔŋ mmɔ eke ekopde eyenyuŋ ebiɔŋɔ.

ISAIAH 8:16

Bɔp ŋwed ntiense, fik seal ke ewuhɔ ke otu mmɔ emi ntemede.

MATTHEW 24:14

Eyenyuŋ ekwɔrɔ gospel Ubɔŋ Abasi emi ke ofuri ekondo nte ntiense enɔ kpukpru mme idut, ndien adaŋoro ke utit eyedi.

ISAIAH 11:9

Mmɔ idinamke idiɔk, idinyuŋ ibiatke ŋkpɔ ke ofuri edisana obot mi: koro ifiɔk Jehovah eyeyɔhɔ ke ererimbot, kpa nte mmɔŋ ofukde inyaŋ.

DANIEL 11:40

Ama ekem ke utit ini, edidem usuk eyenuk enye: edidem edere eyenyuŋ ada chariot, ye mbon horse, ye ubom mbakara ediwak, obumere anam enye nte oyobio; ndien enye eyeduk ke mme idut oro, onyuŋ ofuk mmɔ, onyuŋ asaŋa ebe.

DANIEL 11:33

Ndien mbon ɔniɔŋ ke otu mbio-obio eyeteme ediwak owo: ndien mmɔ eyeduɔŋɔ ke ofut, ye ke edem-ikaŋ, ye ke ntaŋ-mfep, ye ke mbume, ediwak usen.

ŊWED MBON ROME 10:18

Edi mmɔdɔhɔ nte, Nte mmɔ ikokopke? Ke akpanikɔ mmɔ ema ekop. Uyom mmɔ ɔmɔwɔrɔ ke ofuri isɔŋ, Ikɔ mmɔ enyuŋ esim utit ererimbot.

DANIEL 10:1

KE ɔyɔhɔ isua Cyrus edidem Persia ita, eyarare ŋkpɔ enɔ Daniel emi enyiŋ esie ekerede Belteshazzar; ndien ikɔ oro edi akpanikɔ, ekɔŋ onyuŋ okpon. Enye onyuŋ otim ɔfiɔk ikɔ oro, onyuŋ ɔwɔrɔ ɔniɔŋ ke ŋkukut oro.

ISAIAH 30:26

Ndien uŋwana ɔfiɔŋ eyebiet uŋwana utin, uŋwana utin eyenyuŋ aka iso utim ikatiaba, ebiet uwemeyo itiaba, ke usen eke Jehovah edibɔpde unan ikɔt esiemɔ, edinyuŋ ɔkɔkde ufen eke emiade mmɔ.

ERIYARARE 5:1

NDIEN ŋkut ŋwed ke ubɔk nnasia Anditie ke ebekpo, emi ewetde ŋkpɔ ke esit-esit ye ke edem-edem; ema enyuŋ eda ufik-ŋkpɔ itiaba esɔŋɔ edian enye.

ISAIAH 29:11

Ndien ofuri ŋkukut amakabare ɔnɔ mbufo, etie nte ikɔ ŋwed eke esirede, eke edade enɔ ɔfiɔk-ŋwed, ete, Mbɔk, kot emi: edi enye ɔdɔhɔ, ete Ŋkemeke, koro enye esirede.

JEREMIAH 5:1

MBUFO ekanare mme efak Jerusalem, enyuŋ ese, enyuŋ efiɔk, enyuŋ eyom ke mme aŋwa esie, Mbufo ema ekut owo, owo eke anamde edinen ido, onyuŋ oyomde akpanikɔ, ama odu, ndien nyedahado nnɔ enye.

DANIEL 10:14

Mmedi ndien ndisian fi se iditibede inɔ oruk fo ke ukperedem usen: koro ŋkukut emi eyena kaŋa ɔnɔ ini iso.

DANIEL 10:21

Nyenyuŋ ŋwut fi se ekewetde ke ŋwed akpanikɔ. Ndien baba owo kiet eke ɔsɔŋde ada ye ami ke ŋkpɔ emi iduhe, ke mibɔhɔke Michael ɔbɔŋ mbufo.

DANIEL 12:5

Ndien ami Daniel nse, ndien, sese, owo iba eŋwen ke eda, kiet ke mben akpa ke edem emi, kiet ke mben akpa ke edem oko.

DANIEL 8:19

Enye onyuŋ ɔdɔhɔ mi, ete, Sese, ami nyesian fi se idiwɔrɔde ke ukperedem ifuresit: koro utit eyedu ke ini emi edoride.