DANIEL 11:27 - Edisana ñwed Abasi Ibom

²⁷ Ndien esit edidem mbiba emi eyeyom ndinam idiɔk; ndien mmɔ etiŋ ikɔ nsu ke okpokoro kiet; edi idikwe unen: koro utit eyesuk odu ke ini emi ekedoride.

DANIEL 11:27 Referans Kwoze

ŊWED MME PSALM 12:2

Mmɔ esu nsu enɔ mbɔhiduŋ mmɔ; eda nnem-inua ke esit iba etiŋ ikɔ.

HABAKKUK 2:3

Koro ŋkukut anade kaŋa ɔnɔ ini emi enimde; ndien enye eyesioro uyo ke utit, idinyuŋ isuhɔ nsu: enye ama ebigi, bet enye; koro enye miditreke ndidi, midinyuŋ ibehe ini.

DANIEL 11:35

Ndien ndusuk mmɔ emi edide ɔniɔŋ eyeduɔŋɔ, man edomo mmɔ, enyuŋ esio mmɔ ndek ke idem efep, enyuŋ enam mmɔ esana, tutu osim ke utit ini: koro osuk ebetde ini emi ekedoride.

ŊWED MME PSALM 64:6

Esin ubɔk eyom ibak; emenam uduak emi mmɔ eduakde ema; ŋkpɔ esit owo ye ekikere esie enyuŋ etuŋɔ.

DANIEL 11:40

Ama ekem ke utit ini, edidem usuk eyenuk enye: edidem edere eyenyuŋ ada chariot, ye mbon horse, ye ubom mbakara ediwak, obumere anam enye nte oyobio; ndien enye eyeduk ke mme idut oro, onyuŋ ofuk mmɔ, onyuŋ asaŋa ebe.

DANIEL 8:19

Enye onyuŋ ɔdɔhɔ mi, ete, Sese, ami nyesian fi se idiwɔrɔde ke ukperedem ifuresit: koro utit eyedu ke ini emi edoride.

MME ŊKE 26:23

Mkpɔk-inua eke efiopke, ye esit eke ɔdiɔkde, ebiet eso mbat eke ebanade ke mbuk silver.

MME ŊKE 12:20

Abiaŋa odu ke esit mmɔ eke eduakde idiɔk: edi idaresit odu ye mmɔ eke ekpede emem.

ŊWED MME PSALM 58:2

Ŋkɔm mbufo enam idiɔk ŋkpɔ ke esit; mbufo ke edomo udop ŋkanubɔk mbufo ke isɔŋ.

ŊWED MME PSALM 52:1

OWO uko, afo edinam didie obure mbure ke idiɔk? Ima Abasi odu ke ofuri usen.

1 ŊWED THESSALONICA 5:1

NDITƆ-ETE, inaŋa nte ewet baba ŋkpɔ kiet enɔ mbufo ebaŋa mme ini ye mme eyo.

UTOM MME APOSTLE 17:31

koro Enye omonim usen eke Enye edikpede ikpe ɔnɔ ererimbot ke edinen ido, ke ubɔk Owo emi Enye ekemekde; Enye onyuŋ ada erinam emi Enye anamde Owo oro eset ke mkpa ayarare owut kpukpru owo ete edidi ntem.

UTOM MME APOSTLE 1:7

Enye ɔbɔrɔ mmɔ ete, Inaŋa inɔ mbufo ndifiɔk ini me eyo, eke Ete okonimde akama ke ubɔk Esiemɔ.

DANIEL 11:29

Ke ini emi ekedoride enye eyefiak aka edem usuk: edi ukperedem idibietke mbemiso.

DANIEL 10:1

KE ɔyɔhɔ isua Cyrus edidem Persia ita, eyarare ŋkpɔ enɔ Daniel emi enyiŋ esie ekerede Belteshazzar; ndien ikɔ oro edi akpanikɔ, ekɔŋ onyuŋ okpon. Enye onyuŋ otim ɔfiɔk ikɔ oro, onyuŋ ɔwɔrɔ ɔniɔŋ ke ŋkukut oro.

EZEKIEL 17:9

Dɔhɔ, ete, Ntem ke Ɔbɔŋ Jehovah ɔdɔhɔ, ete, Nte enye edikut unen? Nte owo ididibekede enye oruŋ, idinyuŋ isibeke mfri esie ifep, man enye asat? Ofuri nsehe ikɔŋ esie eyesat, idinyuŋ idige akamba ubɔk ye ediwak owo edidibere enye ke oruŋ esie efep.

MME ŊKE 19:21

Ediwak ekikere edu owo ke esit: edi edi uduak Jehovah edisu.

ŊWED MME PSALM 62:9

Mbon ubuene edi kpasuk ikpikpu: mbon inyene edi nsu: esine ke balance, eyedɔk: mmɔ edi ata ikpikpu ŋkpɔ.

2 SAMUEL 13:26

Ndien Absalom ɔdɔhɔ ete, Midige ntre, mbɔk, yak Amnon eyenete mi asaŋa ye nnyin aka. Ndien edidem ɔdɔhɔ enye, ete, Enye edinam didie asaŋa ye afo aka?

DANIEL 11:28

Ndien enye eyeda ediwak inyene afiak ke isɔŋ esie; esit esie eyenyuŋ asua edisana ediomi: ndien enye eyenam (nte aduakde); eyenyuŋ afiak ke isɔŋ esiemɔ.

DANIEL 8:17

Ndien enye edi ke ɔtɔ ami ndade: ndien ke ini enye edide, ami ndikhe, nnyuŋ nduɔ ke isɔŋ ŋkubi iso mi; ndien enye ɔdɔhɔ mi, ete, Eyen owo, tim fiɔk ete ke ŋkukut emi aka ekperedem ini.