DANIEL 11:23 - Edisana ñwed Abasi Ibom

²³ Ndien adaŋemi mmɔ emanade iman ye enye ema, enye eyenam abiaŋa: ndien enye eyedɔk, eyenyuŋ akabare ɔsɔŋɔ oto ke ekpri mbio esisit.

DANIEL 11:23 Referans Kwoze

DANIEL 8:25

Ndien oto ke ŋkari esie enye eyenam ŋkari aka iso ke ubɔk esie; eyenyuŋ okok idem ke esit esie, onyuŋ abiat ediwak owo ke ndueidem mmɔ; onyuŋ adaha ke enyɔŋ aŋwana ye ɔbɔŋ mbɔŋ; ndien eyebom enye, idige ke ubɔk.

2 ŊWED THESSALONICA 2:9

Eridi abiat-ibet oro oto ke ubɔk-utom Satan, asaŋa ye kpukpru odudu ye mme idiɔŋɔ ye nsu-nsu mme utibe-ŋkpɔ,

2 ŊWED CORINTH 11:3

Edi mmefehe ndik, mbak ke usuŋ ekededi, nte urukikɔt akabiaŋade Eve ke ŋkari esie, edibiat ekikere mbufo, enam mbufo etre ndinyene esit akpanikɔ ye eti ido ye Christ.

ŊWED MBON ROME 1:29

mmɔ eyɔhɔ ye kpukpru ukwaŋido ye oburobut ido ye idiɔk mbumek ye udu; eyɔhɔ ye ufup, ye obom, ye utɔk, ye ŋkari, ye idiɔk esit;

MME ŊKE 11:18

Idiɔk owo anam utom ikpikpu: edi owo eke ɔtɔde eti ido itreke ndidia utip.

ŊWED MME PSALM 52:2

Edeme fo aduak ibak, ebiet akaraŋ eke ebande efere, ke anam abiaŋa.

GENESIS 34:13

Ndien nditɔ Jacob ebɔrɔ Shechem ye Hamor ete esie abiaŋa-abiaŋa, mmɔ enyuŋ edɔhɔ ntem, koro enye akabiatde Dinah eyen-ete mmɔ aŋwan:

DANIEL 11:22

Ndien ubɔk mmɔŋ ukwɔ emi editode enye ke iso eyefuk, onyuŋ obuŋ mmɔ, ye ɔbɔŋ ediomi ŋko.

DANIEL 11:24

Enye eyesaŋa suŋ oduk ke ata eti ubak esien ŋko; onyuŋ anam se mme ete esie ekenam minamke, ye mme ete ete esie; enye eyeda mbume ye ŋkpɔ ŋwo ye inyene asuan ɔnɔ mmɔ: eyenyuŋ ekere ekikere esie abaŋa mkpɔsɔŋ ebiet mmɔ, tutu osim ndusuk ini.

DANIEL 8:24

Odudu esie eyenyuŋ ɔsɔŋɔ, edi iditoho ke odudu esiemɔ: enye eyenyuŋ abiat ŋkpɔ ndyɔ-ndyɔ, eyenyuŋ okut unen, onyuŋ anam, onyuŋ abiat mkpɔsɔŋ ye edisana mbio.