DANIEL 11:12 - Edisana ñwed Abasi Ibom

¹² Ndien otu owo oro eyemenere idem mmɔ ke enyɔŋ, enye eyenyuŋ emenere esit esiemɔ onyuŋ ɔduɔk tɔsin duop, tɔsin duop, edi idisɔŋɔke.

DANIEL 11:12 Referans Kwoze

1 PETER 5:5

Kpasuk ntre, mbufo mkparawa, esuk idem enɔ mbiowo. Kpukpru mbufo enyuŋ ebɔbɔ nsukidem ke idem nte mbɔbɔ, enam ŋkpɔ enɔ kiet eken: koro Abasi aŋwaŋwana ye mbon iseri, edi ɔfɔn ido ye mbon nsukidem.

1ŊWED TIMOTHY 3:6

Enye okudi obufa owo ke ido Abasi, mbak enye edikohore idem, ɔduɔ oduk ke ubiom-ikpe Satan.

DANIEL 8:25

Ndien oto ke ŋkari esie enye eyenam ŋkari aka iso ke ubɔk esie; eyenyuŋ okok idem ke esit esie, onyuŋ abiat ediwak owo ke ndueidem mmɔ; onyuŋ adaha ke enyɔŋ aŋwana ye ɔbɔŋ mbɔŋ; ndien eyebom enye, idige ke ubɔk.

DANIEL 5:23

Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

EZEKIEL 28:17

Uyai fo emenere fi esit ke enyɔŋ, afo amabiat ifiɔk fo abaŋa ubɔŋ fo: mmɔŋ nduɔk fi ke isɔŋ, mmɔŋ nda fi nnim ke iso ndidem, man ese fi.

EZEKIEL 28:5

ata eti ibuot fo ke urua fo esin inyene fo ewak, ndien inyene fo emenere fi esit ke enyɔŋ:

EZEKIEL 28:2

Ntem ke Ɔbɔŋ Jehovah ɔdɔhɔ ete, Koro esit fo okoŋde, afo onyuŋ ɔdɔhɔ, ete, Ami ndi abasi kiet; ntie ke itie Abasi ke ufɔt inyaŋ; ndien afo edi owo, udige Abasi; onyuŋ onim esit fo nte esit Abasi:

MME ŊKE 16:18

Iseri ebem nsobo iso: mkpon-esit onyuŋ ebem iduɔ iso.

2 CHRONICLES 32:25

Edi Hezekiah inamke usiene ke ufɔŋ emi efɔnde enye; koro esit esie emenerede ke enyɔŋ: mmɔdo iyaresit odorode enye ke idem, ye ke idem Judah ye Jerusalem.

2 CHRONICLES 26:16

Ekem adaŋemi enye ɔsɔŋɔde ntre, esit esie akabare okpon, esin enye ɔdiɔk, ndien enye edue Jehovah Abasi esie, onyuŋ oduk ke temple Jehovah ndifɔp incense ke itie ufɔp incense.

2 CHRONICLES 25:19

Afo ke ɔdɔhɔ, ete, Sese, imɔ imakan Edom; nsinam afo oyomde nditibi eŋwan ye idiɔk-ŋkpɔ nnɔ idem fo? ndien afo ye Judah ŋko eduɔ?

2 NDIDEM 14:10

Afo amakan Edom, ndien akabare ataŋ idem: taŋ ese, nyuŋ tie ke ufɔk fo: afo edinam didie otibi ekɔŋ ye idiɔk-ŋkpɔ, ndien ɔduɔ, kpa afo, ye Judah ŋko?

DEUTERONOMY 8:14

ndien esit fo edikpon, afo onyuŋ efre Jehovah Abasi fo, emi okosiode fi ke isɔŋ Egypt, ye ke ufɔk ufin;

DANIEL 11:11

Ndien edidem usuk eyekpaha esit eti-eti, onyuŋ ɔwɔrɔ aka ekɔŋ ye enye, kpa ye edidem edem edere: eyenyuŋ onim akwa otu owo; ndien eyeda otu owo oro esin enye ke ubɔk.

DANIEL 11:13

Ndien edidem edem edere eyefiak okotim akamba otu owo eke okponde akan eke akpa; ndien ke utit ndusuk isua enye iditreke ndida ediwak mbon-ekɔŋ ye ediwak inyene ndi.