DANIEL 10:6 - Edisana ñwed Abasi Ibom

⁶ iso esie onyuŋ ebiet mineŋ-mineŋ, enyin esie enyuŋ ebiet utuenikaŋ eke esakde, ubɔk esie ye ukot esie enyuŋ ebiet iso edisem okpoho ŋko: ndien uyo esie ebiet uyom akwa otu owo.

DANIEL 10:6 Referans Kwoze

ERIYARARE 19:12

Enyin Esie ebiet edeme-ikaŋ, Enye onyuŋ ayara ediwak anyanya ke ibuot; enyuŋ ewet enyiŋ esin Enye ke idem, eke baba owo kiet mifiɔkke, ke mibɔhɔke Enye ke Idem Esie.

MATTHEW 17:2

ndien mbiet Esie ɔkpuhɔre ke iso mmɔ; iso Esie asiaha nte utin, edisine-ŋkpɔ Esie onyuŋ akabare afia nte uŋwana.

EZEKIEL 10:9

Ndien ŋkut, ndien, sese, wheel inaŋ edu ke ŋkaŋ mme cherubim, wheel kiet ke ŋkaŋ cherub kiet, wheel kiet ke ŋkaŋ cherub kiet, ndien mme wheel ebiet enyin itiat Tarshish.

EZEKIEL 1:24

Ndien ŋkop uyo mba mmɔ nte uyom ediwak mmɔŋ, nte uyom Ata Ɔkpɔsɔŋ, ke ini mmɔ esaŋade, uyom mkpo ofut nte uyom nna-ekɔŋ; ke ini mmɔ etuakde eda, mmɔ esuhɔre mba mmɔ.

EZEKIEL 1:16

Mme wheel ye ubɔk-usɔ mmɔ ebiet itiat Tarshish: mmɔ mbinaŋ enyuŋ enyene iso kiet, iso mmɔ ye ubɔk-usɔ mmɔ enyuŋ etie nte wheel odude ke ufɔt wheel.

EZEKIEL 1:14

Ndien ŋkpɔ uwem oro efehe ndien efiak edem, ebiet mineŋ-mineŋ.

ERIYARARE 21:20

ɔyɔhɔ itiokiet edi sardius; ɔyɔhɔ itiaba edi chrysolite; ɔyɔhɔ itiaita edi beryl; ɔyɔhɔ usukkiet edi topaz; ɔyɔhɔ duop edi chrysoprase; ɔyɔhɔ duopekiet edi jacinth; ɔyɔhɔ duopeba edi amethyst.

ERIYARARE 10:1

NDIEN ŋkut ɔkpɔsɔŋ angel efen otode ke enyɔŋ osuhɔre; enye esine obubit enyɔŋ ke idem; akpara onyuŋ odoro enye ke ibuot, iso esie onyuŋ ebiet utin, ukot esie enyuŋ ebiet mme adaha ikaŋ;

LUKE 9:29

Ekem nte Enye ɔbɔŋde akam, iso Esie ɔkpuhɔre, edisine-ŋkpɔ Esie onyuŋ akabare afia, esem oduk owo ke enyin.

EZEKIEL 1:7

Ukot mmɔ enyuŋ edi edinen ukot; ikpat ukot mmɔ onyuŋ ebiet ikpat ukot eyen enaŋ: ndien mmɔ esem nte enyin okpoho eke etukde.

EXODUS 28:20

Ye ɔyɔhɔ udim inaŋ, beryl, ye onyx, ye jasper: esine ke socket o-gold ke ɔtɔ eke esinde mmɔ.

MATTHEW 28:3

Iso esie ebiet emireŋ-mireŋ, edisine-ŋkpɔ esie onyuŋ afia nte snow:

ERIYARARE 2:18

Nyuŋ nɔ ŋwed esɔk angel ufɔk Abasi emi odude ke Thyatira, ete: Ntem ke eyen Abasi, emi enyin Esie ebietde edeme-ikaŋ, ukot Esie enyuŋ ebietde nsak-nsak okpohɔ, ɔdɔhɔ ete,

IKWƆ SOLOMON 5:14

Ubɔk esie edi gold, etie ofuri-ofuri, enyuŋ eyɔhɔ topaz: ekpat idem esie edi edisem oduk enin eke efukde sapphire.

EZEKIEL 40:3

Ndien enye ada mi edi ken, ndien, sese, owo emi idem esie ebietde idem okpoho, ye uruk linen ke ubɔk, ye eto-okuk; ndien enye ada ke inua-otop.

EZEKIEL 8:2

Ndien ami nse, ndien, sese, ŋkut mbiet kiet emi etiede nte ikaŋ: ikaŋ ɔtɔŋɔ ke se ibietde isin esie ɔsuhɔre: uyama ebiet edisem okpoho onyuŋ ɔtɔŋɔ ke isin esie ɔdɔk.