DANIEL 10:14 - Edisana ñwed Abasi Ibom

¹⁴ Mmedi ndien ndisian fi se iditibede inɔ oruk fo ke ukperedem usen: koro ŋkukut emi eyena kaŋa ɔnɔ ini iso.

DANIEL 10:14 Referans Kwoze

DANIEL 8:26

Ndien ŋkukut uwemeyo ye usenubɔk emi eketiŋde edi akpanikɔ; afo ndien da seal nim ŋkukut emi: koro eyedu ediwak usen.

DANIEL 2:28

edi Abasi emi ayararede ndibe ŋkpɔ odu ke enyɔŋ, ndien edi enye asian edidem Nebuchadnezzar se ididide ke ukperedem usen. Ndap fo ye ŋkukut ibuot fo ke bed fo ekedi mme mmɔ emi;

HABAKKUK 2:3

Koro ŋkukut anade kaŋa ɔnɔ ini emi enimde; ndien enye eyesioro uyo ke utit, idinyuŋ isuhɔ nsu: enye ama ebigi, bet enye; koro enye miditreke ndidi, midinyuŋ ibehe ini.

DANIEL 12:9

Ka okuomɔ, Daniel: koro edipde ikɔ emi, enyuŋ enim mmɔ seal ke esit tutu osim ke utit ini.

DANIEL 12:4

Ndien afo, Daniel, dip ikɔ emi, nyuŋ nim seal ke ŋwed, tutu osim ke utit ini. Ediwak owo eyeyɔrɔ edi, eyɔrɔ eka, ndien ifiɔk eyekpon aka iso.

MICAH 4:1

NDIEN ama ekem ke akpatre ini oro, obot ufɔk Jehovah eyewuhɔ ke ibuot ikpɔ obot, eyenyuŋ emenere enye ekan ŋkpri obot: ndien mme idut eyebuŋɔ eka do.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

ISAIAH 2:2

Ndien ama ekem ke utit eyo, obot ufɔk Jehovah eyewuhɔ ke enyɔŋ ikpɔ obot, onyuŋ okoŋ akan ŋkpri obot; ndien kpukpru mme idut eyebuŋɔ eduk ke esit.

DEUTERONOMY 4:30

Ke adaŋemi afo etiede ke itie ukut, kpukpru ŋkpɔ emi enyuŋ etienede fi, ke ini iso, ndien afo ama afiak etiene Jehovah Abasi fo, onyuŋ okop uyo;

GENESIS 49:1

EKEM Jacob okot nditɔ esie, ete, Mbufo ebono, ndien nyemen se idiwɔrɔde mbufo

MME HEBREW 2:3

Nnyin idinam didie ibɔhɔ edieke nnyin isinde erinyaŋa eke okponde ntem? eke Ɔbɔŋ ekebemde iso etiŋ, mmɔ emi ekekopde Enye enyuŋ esɔŋɔ ikɔ oro enɔ nnyin;

2 ŊWED TIMOTHY 3:1

EDI fiɔk emi, ete ndiɔk eyo eyedu ke ukperedem ini.

DANIEL 10:1

KE ɔyɔhɔ isua Cyrus edidem Persia ita, eyarare ŋkpɔ enɔ Daniel emi enyiŋ esie ekerede Belteshazzar; ndien ikɔ oro edi akpanikɔ, ekɔŋ onyuŋ okpon. Enye onyuŋ otim ɔfiɔk ikɔ oro, onyuŋ ɔwɔrɔ ɔniɔŋ ke ŋkukut oro.

DANIEL 9:22

Ndien enye asian mi, onyuŋ eneme nneme ye ami, onyuŋ ɔdɔhɔ ete, O Daniel, ke emi ke ŋwɔrɔ ndi ndinam fi otim ɔfiɔk ŋkpɔ.

DEUTERONOMY 31:21

Ndien ama ekem, ke ediwak mkpɔsɔŋ mme idiɔk-ŋkpɔ eke edisimde mmɔ, ikwɔ emi eyebɔrɔ ke iso mmɔ nte ntiense; koro enye midisopkde ke inua nditɔ mmɔ: koro mmɔfiɔk ekikere mmɔ emi mmɔ ekerede mfin emi, ke mmeŋka-ndaha mmɔ kaŋa nduk ke isɔŋ emi ŋkɔŋwɔŋɔke.

DEUTERONOMY 31:29

Koro mmɔfiɔk, adaŋemi ndikpade mbufo eyekabare edi ata idiɔk, enyuŋ ewɔŋɔre ekpɔŋ usuŋ emi ŋtemede mbufo; ndien idiɔk ŋkpɔ eyesim mbufo ke ini iso: koro mbufo edinamde idiɔk ido ke iso Jehovah, ke eyat enye esit ke utom ubɔk fo.

EZEKIEL 12:27

Eyen owo, sese, ufɔk Israel ke edɔhɔ ete, Ŋkukut emi enye okokutde edi eke ediwak usen; enye onyuŋ etiŋ prophecy ke esit abaŋa anyan ini.

DANIEL 8:16

Ndien ŋkop uyo owo ke ufɔt Ulai: ndien enye ofiori onyuŋ ɔdɔhɔ, ete, Gabriel, siak ŋkukut emi nɔ owo emi.

NUMBERS 24:14

Ndien, sese, ami mmɔŋ nnyɔŋ ntiene oruk mi: yak nsian fi ndien se mbon emi edinamde mbon fo ke ini iso.

EZEKIEL 38:16

afo eyenyuŋ ɔdɔk edi ekɔŋ ye ikɔt mi Israel, ebiet obubit enyɔŋ edifuk isɔŋ: edidi ke ini iso, nyenyuŋ nda fi nduk ke isɔŋ mi, man mme idut efiɔk mi, ke ini ndade fi Gog ŋwut nte nsanade ke enyin mmɔ.