DANIEL 10:13 - Edisana ñwed Abasi Ibom

¹³ Ndien ɔbɔŋ idut Persia akada ke iso mi ke usen edip ye kiet: ndien, sese, Michael akpan mbɔŋ kiet edi ediŋwam mi: ndien ami nsuk ntie do ye ndidem Persia.

DANIEL 10:13 Referans Kwoze

JUDE 1:9

Edi Michael, akwa angel oro, ke eriŋwana emi enye aŋwanade ye Satan, ke adaŋemi enye enenide abaŋa okpo Moses, ikedehede isuŋi enye ke ikpe, edi ɔdɔhɔ ete, Ɔbɔŋ akpakam asua ɔnɔ fi.

DANIEL 12:1

NDIEN ke ini oro Michael akwa ɔbɔŋ emi adade abaŋa nditɔ oruk fo, eyedaha ada: ndien ini oro eyedi ini ukut emi oruk esie akanam miduhe toto nte idut okodu, tutu osim ini oro: ndien ke ini oro oruk fo eyebɔhɔ, kpukpru mmɔ emi ewetde esin ke ŋwed oro.

ERIYARARE 12:7

Ekem ekɔŋ otibe ke heaven; Michael ye me angel esie eŋwana ekɔŋ ye dragon; dragon ye mme angel esie enyuŋ eŋwana ekɔŋ, edi mmɔ ikanke.

1 PETER 3:22

emi ama ɔnyɔŋ ke heaven eketie ke ubɔk nnasia Abasi, ke ema ekosuk mme angel ye mme andikara ye mme odudu esin ke idak Esie.

1 ŊWED THESSALONICA 2:18

mmɔdo nnyin ikoyom ndidi ke ɔtɔ mbufo, ami Paul mmaŋwana ndidi nnyuŋ ntɔŋɔ ntak ŋŋwana, edi Satan ɔbiɔŋɔ nnyin.

ŊWED MBON COLOSSAE 2:10

Enye onyuŋ edi Ibuot ɔnɔ kpukpru mme andikara ye mme enyene-odudu.

ŊWED MBON EPHESUS 6:12

Koro nnyin miŋwanake eŋwan nnyin ye obuk ye iyip, edi iŋwana ye mbɔŋ, ye mme enyene-odudu ye mme andikara ekim ererimbot, ye udim mme idiɔk spirit eke edude ke enyɔŋ.

EZRA 4:24

Ntre ke utom ufɔk Abasi ke Jerusalem odop, onyuŋ ana tutu osim ke udiana-akpa isua ubɔŋ Darius, edidem Persia.