DANIEL 1:17 - Edisana ñwed Abasi Ibom

¹⁷ Ndien ama edi nditɔwɔŋ mbinaŋ emi, Abasi ɔnɔ mmɔ ifiɔk ye eti ibuot ke kpukpru oruk ŋwed ye ɔniɔŋ; Daniel onyuŋ edi asian ke kpukpru oruk ŋkukut ye ndap.

DANIEL 1:17 Referans Kwoze

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.

1 NDIDEM 3:12

sese, mmanam ke uyo fo: sese, mmɔnɔ fi esit ifiɔk ye ɔniɔŋ; ndien baba owo kiet eke ebietde fi idinyuŋ itieneke fi edem idaha ida.

DANIEL 2:21

enye onyuŋ ɔkpuhɔre ini ye mme isua, ke emen ndidem efep, onyuŋ onim ndidem ke itie: ke ɔnɔ mbon-ɔniɔŋ eti ibuot, onyuŋ ɔnɔ mme asian ifiɔk.

ŊWED JOB 32:8

Edi spirit odu owo ke idem: spirit Abasi Ibom onyuŋ asian mmɔ ŋkpɔ.

DANIEL 2:23

O Abasi mme ete mi, ami mmotoro mmonyuŋ ŋkɔm fi, emi ɔnɔde mi ifiɔk ye odudu, ndien ke emi ke afo asian mi se nnyin ibeŋede fi; koro afo amasian ikɔ edidem ɔnɔ nnyin.

ŊWED MBON COLOSSAE 1:9

Ke ntak emi, toto ke usen emi ikokopde ŋkpɔ emi, nnyin ŋko idopke ndibɔŋ akam mbaŋa mbufo, ndinyuŋ nnam mkpe-ubɔk ite, Abasi akpakam anam mbufo eyɔhɔ ye ifiɔk uduak Esie ke kpukpru eti ibuot ye ikike ke ŋkpɔ Spirit;

MME ŊKE 2:6

Koro Jehovah enyene eti ibuot; ifiɔk ye mbufiɔk eto enye ke inua.

UTOM MME APOSTLE 6:10

Ndien mmɔ ikemeke ndida ke iso ifiɔk ye

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

UTOM MME APOSTLE 7:22

Ndien ekpep Moses ofuri ifiɔk nditɔ Egypt; enye onyuŋ edi ɔkpɔsɔŋ owo ke ikɔ-inua ye ke ubɔk-utom.

DANIEL 10:1

KE ɔyɔhɔ isua Cyrus edidem Persia ita, eyarare ŋkpɔ enɔ Daniel emi enyiŋ esie ekerede Belteshazzar; ndien ikɔ oro edi akpanikɔ, ekɔŋ onyuŋ okpon. Enye onyuŋ otim ɔfiɔk ikɔ oro, onyuŋ ɔwɔrɔ ɔniɔŋ ke ŋkukut oro.

EZEKIEL 28:3

sese, afo emenyene ibuot akan Daniel; baba ndibe ŋkpɔ kiet idibeke fi:

2 CHRONICLES 26:5

Ndien enye etiene Abasi ke eyo Zechariah, emi ekenyenede ifiɔk ŋkukut Abasi: ndien adaŋa ini nte enye etienede Jehovah, Abasi ofori enye.

NUMBERS 12:6

Ndien enye ɔdɔhɔ ete, Mbufo ekop ndien ikɔ mi: edieke prophet ediduŋde ke otu mbufo, ami Jehovah nyeyarare idem mi nnɔ enye ke ŋkukut, nnyuŋ ndɔhɔ ye enye ke ndap.

UTOM MME APOSTLE 7:10

edi Abasi odu ye enye, onyuŋ anyaŋa enye osio ke kpukpru ukut esie, onyuŋ ɔnɔ enye mfɔn-iso ke iso Pharaoh edidem Egypt, onyuŋ anam enye ɔwɔrɔ ɔniɔŋ; Pharaoh onyuŋ onim enye ke andikara Egypt ye ofuri ufɔk esie.

DANIEL 7:1

KE akpa isua Belshazzar edidem Babylon, Daniel okut ndap kiet ye ŋkukut ibuot esie ke bed esie. Ndien enye ewet ndap oro, onyuŋ obuk ofuri ikɔ oro.

DANIEL 2:19

Ndien eyarade ndibe ŋkpɔ emi enɔ Daniel ke ndap ke okoneyo.

LUKE 21:15

koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

ISAIAH 28:26

Ntem ke Abasi esie eteme enye nte otimde anam, onyuŋ ekpep enye.

ECCLESIASTES 2:26

Koro enye (Abasi) adade eti-ibuot, ye ifiɔk, ye idaresit, ɔnɔ owo eke ɔfɔnde enye ke iso: edi ama edi idiɔk owo, Enye ɔnɔ enye utom ete ɔkɔ, onyuŋ obon, man ada ɔnɔ owo eke ɔfɔnde Abasi ke iso. Emi onyuŋ edi ikpikpu ye idomo eke miwɔrɔke usuŋ.

2 CHRONICLES 1:10

Kam nɔ mi eti ibuot ye ifiɔk, man ŋwɔrɔ ke iso mbio emi, nnyuŋ nduk: koro anie edikpe akwa ikɔt fo emi?

1 NDIDEM 3:28

Ekem ofuri Israel ekop ikpe oro edidem ekekpede; ndien mmɔ eteŋe edidem; koro ekutde ete ke ifiɔk Abasi odu enye ke esit, ke erikpe ikpe.

DANIEL 8:1

KE ɔyɔhɔ isua ubɔŋ Belshazzar edidem ita, ami kpa ami Daniel ŋkut ŋkukut, etiene oro ŋkukutde ke eritɔŋɔ.

DANIEL 5:14

Mmokop ebaŋa fi ŋko, ete ke spirit Abasi odu fi ke idem, ete ke enyuŋ ekut ete ke ɔniɔŋ, ye eti ibuot, ye eti ifiɔk edu fi ke idem.

2 CHRONICLES 1:12

emenɔ fi eti ibuot ye ifiɔk oro: ami nyenyuŋ nnɔ fi okuk, ye inyene, ye ubɔŋ eke akanam ndidem eke ekebemde fi iso minyeneke ntre, baba kiet eke editienede fi edem idinyuŋ inyeneke ntre.

DANIEL 1:4

nditɔ eke mibiomke baba ndo, eke enyuŋ eyede iso, enyuŋ edide ɔniɔŋ ke kpukpru oruk eti ibuot, enyuŋ efiɔkde ŋkpɔ, enyuŋ edide mme asian ke ifiɔk, eke enyuŋ enyenede ukeme nte edidade ke akwa ufɔk edidem, eke edinyuŋ ekpepde mmɔ ŋwed ye usem mme Chaldean.

DANIEL 1:18

Edikem ke utit ini emi edidem ɔkɔdɔhɔde, ete eda mmɔ edi, ndien etubom mme eunuch ada mmɔ edi ke iso Nebuchadnezzar.

DANIEL 1:20

Ndien ke kpukpru ŋkpɔ ifiɔk ye asian eke edidem obupde mmɔ, enye onyuŋ okut ete ke mmɔ ekan kpukpru mbon-ŋwed ye mbia-idiɔŋ eke edude ke ofuri idut esie utim ikoduop.

DANIEL 2:30

Ndien ama edi ami, idige ɔniɔŋ eke odude mi ke idem akan kpukpru mme odu-uwem, esin eyarare ndibe ŋkpɔ emi enɔ mi, edi man esian edidem nte asaŋade, man afo onyuŋ ɔfiɔk ekikere esit fo.

DANIEL 4:6

Ndien ami ŋwuk ewuhɔ, nte eda kpukpru mme ɔfiɔk ŋkpɔ owo Babylon edi ke iso mi man mmɔ esian mi nte ndap oro ediwɔrɔde.