AMOS 9:8 - Edisana ñwed Abasi Ibom

⁸ Sese, Ɔbɔŋ Jehovah etiŋ enyin ke idiɔk idut emi, nyenyuŋ nsobo enye ke iso ererimbot mfep; edi ndisoboke ufɔk Jacob kpukpru;

AMOS 9:8 Referans Kwoze

JEREMIAH 30:11

Koro ami ndude ye afo, nte nnyaŋa fi. Jehovah ɔdɔhɔ: koro nyenam kpukpru mme idut eke ŋkasuande fi do etak, edi ndinamke fi atak: edi nyetunɔ fi nte enende, ndien ndiyakke fi ɔbɔhɔ ikpikpu.

AMOS 9:4

ndien edieke edisaŋade ke otu mbon ntaŋ mfep ke iso mme asua mmɔ, nyeteme ofut mi, nte oto aka okowot mmɔ do: nyenyuŋ ŋwuk enyin mi nse mmɔ ke idiɔk, nsehe ke mfɔn.

JEREMIAH 44:27

Sese, ami nyekpeme mmɔ nnɔ idiɔk, ŋkpemeke nnɔ eti ŋkpɔ: ndien ofut ye biɔŋ eyesobo kpukpru nditɔ Judah, emi edude ke isɔŋ Egypt, tutu mmɔ ekure.

JEREMIAH 5:10

Mbufo edɔk ke ibibene esie ekewuri; edi ekunam ema: ekibi enye nnyɔninyɔ efep: koro mmɔ minyeneke Jehovah.

JOEL 2:32

Ndien ama ekem, kpukpru owo eke esemede ekot enyiŋ Jehovah eyebɔhɔ: ndien mmɔ eke ebɔhɔde eyedu ke obot Zion ye ke Jerusalem, kpa nte Jehovah ɔkɔdɔhɔde, ye ke otu mmɔ eke esukde emi Jehovah okotde.

HOSEA 1:6

Ndien enye ɔtɔŋɔ ntak oyomo, onyuŋ aman eyen-aŋwan. Ndien Abasi ɔdɔhɔ enye, Sio enye enyiŋ Lo-ruhamah (Ituaha enye mbɔm): koro mmendituaha aba ufɔk Israel mbɔm: koro mmenditreke ndimen mmɔ mfep.

MME ŊKE 15:3

Enyin Jehovah edu ke kpukpru ebiet, ese mme idiɔk owo ye nti.

MME ŊKE 5:21

Koro mme usuŋ owo enade iŋwaŋ ke iso Jehovah, enye onyuŋ odomo kpukpru ido owo.

1 NDIDEM 13:34

Ndien edi ŋkpɔ emi ekesin ufɔk Jeroboam ɔdiɔk, man ebiat mmɔ, enyuŋ esobo mmɔ ke iso isɔŋ efep.

DEUTERONOMY 6:15

(koro Jehovah Abasi fo edide Abasi ufup ke otu fo); mbak Jehovah Abasi fo ediyat esit ye afo, ndien osobo fi efep ke iso isɔŋ.

DEUTERONOMY 4:31

koro Jehovah Abasi fo edide Abasi mbɔm; enye idikpɔŋke fi, idinyuŋ isoboke fi, idinyuŋ ifreke ediomi mme usɔ emi enye ɔkɔŋwɔŋɔde ɔnɔ mmɔ.

GENESIS 7:4

Koro osuk kaŋa usen itiaba ami nyenam edim edep ke isɔŋ ke uwemeyo aba ye okoneyo aba; nyenyuŋ nsɔhi kpukpru se idude uwem emi ŋkanamde, ke iso isɔŋ mfep.

GENESIS 6:7

Ndien Jehovah ɔdɔhɔ ete, Nyesɔhi owo emi mbotde ke iso isɔŋ mfep; ntɔŋɔ ye owo nsim ufene, ye ɔnyɔni, ye inuen enyɔŋ: koro mmatua ŋkpɔfiɔk koro ŋkanamde mmɔ.

JEREMIAH 46:28

Jehovah ɔdɔhɔ ete, Afo owo mi Jacob, kufehe: koro ami ndude ye afo: koro nyesobo kpukpru mme idut emi ŋkebinde fi nsin do: edi ndisoboke fi mma, edi nyetunɔ fi ke ufat; ndien ndiyakke fi ɔbɔhɔ ikpikpu.

AMOS 3:12

Ntem ke Jehovah ɔdɔhɔ ete, Kpa nte ekpemerɔŋ osiode lion ukot iba ye ubak utɔŋ ke inua efep; kpasuk ntre ke edisioŋo nditɔ Israel emi eduŋde ke Samaria ke inuk e-bed, ye ke Damascus ke mkpana.

AMOS 7:17

Mmɔdo ntem ke Jehovah ɔdɔhɔ, ete, Ŋwan fo eyedi akpara ke obio, nditɔ-iren fo ye nditɔ fo iban eyenyuŋ eduɔŋɔ ke ofut: ndien eyeda uruk edeme isɔŋ fo; afo eyenyuŋ akpa ke edidehe isɔŋ: eyenyuŋ etaŋ Israel ke idut mmɔ efep.

AMOS 9:10

Kpukpru mme anam-idiɔk ke otu ikɔt mi eyekpaŋa ke ofut, mme mmɔ emi edɔhɔde, ete, Idiɔk-ŋkpɔ emi idisimke nnyin, idinyuŋ isoboke ye nnyin.

HOSEA 1:4

Ndien Jehovah ɔdɔhɔ enye, ete, Sio enye enyiŋ Jezreel (Abasi eyewari): koro osuk esisit, ndien nda iyip Jezreel ndori ufɔk Jehu, nnyuŋ nnam ubɔŋ ufɔk Israel etre.