AMOS 8:9 - Edisana ñwed Abasi Ibom

⁹ Ɔbɔŋ Jehovah onyuŋ ɔdɔhɔ, ete, ndien ama ekem ke usen oro, ke ndinam utin oduk ikɔt ke ufɔt uwemeyo, nnyuŋ nnam isɔŋ okim ke usen uŋwana:

AMOS 8:9 Referans Kwoze

MARK 15:33

Ndien ke ini osimde ufɔt uwemeyo, ekim ofuk ofuri isɔŋ tutu osim ɔyɔhɔ hour ita ke uwemeyo.

MATTHEW 27:45

Edi ɔtɔŋɔde ke ufɔt uwemeyo tutu osim hour ita ke uwemeyo, ekim ofuk ɔfuri isɔŋ.

LUKE 23:44

Ekpere ufɔt uwemeyo ke emi, ndien ekim ofuk ofuri isɔŋ tutu osim ɔyɔhɔ hour ita ke uwemeyo; koro uŋwana utin onimede:

JEREMIAH 15:9

Ŋwan eke amande itiaba akpa mba; ɔduɔk ukpɔŋ esie; utin esie omosop ke uwemeyo osuk odude: but ye ndutime enam enye: ndien nyeda mmɔ eke esuhɔde nnɔ ofut ke iso mme asua mmɔ. Emi edi uyo Jehovah.

MATTHEW 24:29

Edi ukut mme usen oro ama ekebe, idaha oro utin eyekabare okim, ɔfiɔŋ idinyuŋ inɔŋɔ uŋwana esie, mme ntantafiɔŋ eyeyuŋ eto ke ikpa-enyɔŋ eduɔŋɔ, eyenuŋ enyeŋe mme odudu ikpa-enyɔŋ.

MICAH 3:6

mmɔdo mbufo eyenyene okoneyo eke ŋkukut mididuhe; eyenyuŋ okim ye mbufo, ndien idiɔŋ ididuhe; utin eyenyuŋ oduk ikɔt ɔkpɔŋ mme prophet, uwemeyo eyenyuŋ ebire ye mmɔ.

AMOS 5:8

enye akanam Pleiades ye Orion, onyuŋ akabare mfut mkpa edi usenubɔk, anam uwemeyo ebire nte okoneyo: okot mmɔŋ inyaŋ edi, onyuŋ aŋwaŋa enye ke iso isɔŋ: Jehovah edi enyiŋ esie.

ISAIAH 13:10

Koro mme ntantafiɔŋ enyɔŋ ye mme constellation midiyamake: utin eyekim ke ini enye ɔwɔrɔde, ɔfiɔŋ idinyuŋ iyakke uŋwana esie ayama.

ŊWED JOB 5:14

Ndien uduak mbon abiaŋa ɔduɔ ibuot-ibuot. Mmɔ etuak ukot ke ekim ke uwemeyo, ke ufɔt uwemeyo ke mmɔ enyuŋ efiɔŋɔ kpa nte ke okoneyo.

AMOS 4:13

Koro, sese, ke edi Enye akanam ikpɔ obot, onyuŋ obot spirit, onyuŋ owut owo uduak esie eke edide: anam usiere akabare edi ekim, onyuŋ edigi ŋkokoŋo ebiet isɔŋ, Jehovah Abasi mme udim edi enyiŋ esie.

ERIYARARE 8:12

Ekem ɔyɔhɔ angel inaŋ ofri; ndien emia ubak utin kiet ke itie ita, ye ubak ɔfiɔŋ kiet ke itie ita, ye ubak ntantafiɔŋ kiet ke itie ita; ete mmɔ ekabare ebire ke ubak mmɔ kiet ke itie ita, uwemeyo okunyene uŋwana ke ubak kiet ke itie ita, onyuŋ edi kpa ntre ye okoneyo.

ERIYARARE 6:12

Ndien ŋkut, ke adaŋemi Enye ama akadianare ɔyɔhɔ ufik-ŋkpɔ itiokiet, nte akwa unyek-isɔŋ otibede, utin onyuŋ akabare ebire nte ɔfɔŋ-ikpo eke edade idet edɔk, ofuri ɔfiɔŋ onyuŋ akabare oyibe nte iyip;

JEREMIAH 13:16

Mbufo enɔ Jehovah Abasi ubɔŋ, ke ebiet mika-ikimke kaŋa, ke ukot mbufo mika-ituahake ke obot okoneyo, ndien mbufo edori enyin ebet uŋwana, edi enye eyenam enye edi mfut mkpa, onyuŋ esin enye okim eti-eti.

EZEKIEL 32:7

Ndien ke ini nnimede fi nyefuk ikpa-enyɔŋ, nnyuŋ nnam ntanta-ɔfiɔŋ mmɔ ebire; nyenyuŋ nda obubit enyɔŋ mfuk utin, ɔfiɔŋ idinyuŋ iyamake uyama esie.

ZECHARIAH 14:7

Ndien usen kiet eyedu, Jehovah ɔmɔfiɔk enye, idige uwemeyo, inyuŋ idige okoneyo: ndien ama ekem ke ini mbubreyo uŋwana eyedu.