AMOS 8:7 - Edisana ñwed Abasi Ibom

⁷ Jehovah otomo iseri Jacob, ete, Ndifreke baba ŋkpɔ kiet eke mmɔ enamde tutu amama.

AMOS 8:7 Referans Kwoze

AMOS 6:8

Ɔbɔŋ Jehovah otomo idem esie, ete, Ntem ke Jehovah Abasi mme udim ɔdɔhɔ, ete, Ami nse iseri Jacob ke mbubiam, nnyuŋ nsua ikpɔ ufɔk esie: ndien nyeda obio ye se iyɔhɔde ke esit nyak nnɔ.

HOSEA 9:9

Mmɔ emebiara ekaha kpa nte ke ini Gibeah: Enye eyeti idiɔk ido mmɔ, eyenɔ mmɔ ufen mme ukwaŋ-ŋkpɔ mmɔ.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

HOSEA 7:2

Ndien mmɔ ikereke ke esit mmɔ ite ke ami nteti kpukpru mme idiɔk ido mmɔ: ke emi ido mmɔ emekan mmɔ ekuk; mmɔ ena mi ke iso.

ŊWED MME PSALM 10:11

Enye ɔdɔhɔ ke esit esie, ete, Abasi emefre: omodip iso esie; idikwe ke nsinsi.

JEREMIAH 31:34

Ndien kiet idikpepke aba mbɔhiduŋ esie, ye kiet eyen-ete esie, ite, Mbufo efiɔk Jehovah: koro kpukpru mmɔ, ŋkpri ye ikpɔ, eyefiɔk mi, Jehovah ɔdɔhɔ: koro nyefen mme idiɔk ido mmɔ, ndinyuŋ ntihi aba mme oburobut ido mmɔ.

JEREMIAH 17:1

EMEDA ntaŋwed ukwak ye iso diamond ewet idiɔk ido Judah: ekap enye esin ke ɔwɔŋ esit mmɔ, ye ke nduk mme itie-uwa mbufo;

ISAIAH 43:25

Ami, ami ndi andisɔhi mme idiɔk ido fo mfep mbaŋa idem mi, ndinyuŋ ntihi mme ukwaŋ-ŋkpɔ fo.

ŊWED MME PSALM 47:4

Enye eyemek udeme nnyin ɔnɔ nnyin, kpa ubɔŋ Jacob emi enye amade. [Selah.]

LUKE 2:32

Ete, edi uŋwana eke ediyararede ŋkpɔ ɔnɔ mme Gentile, onyuŋ edi ubɔŋ ikɔt Fo Israel.

ŊWED MME PSALM 68:34

Mbufo enɔ Abasi odudu: ubom esie odoro Israel; odudu esie onyuŋ odu ke ikpa-enyɔŋ.

EXODUS 17:16

Koro ubɔk odorode ke ebekpo Jehovah, Jehovah aŋwana ekɔŋ ye Amalek ke ofuri emana.

JEREMIAH 44:21

Nte idige ufɔp ŋkpɔ oro mbufo ekefɔpde ke mme obio Judah ye ke mme efak Jerusalem, mbufo, ye mme ete mbufo, ye ndidem mbufo, ye mbɔŋ mbufo, ye mbio-obio, ke Jehovah eketi mmɔ, onyuŋ onim ke esit esie?

AMOS 4:2

Ɔbɔŋ Jehovah otomo edisana ido esie, ete, Sese, mme usen emɔŋ esim mbufo, eke enye edimende mbufo ke usam efep, ye ubon mbufo ke uwam ɔkɔ-iyak.

ŊWED JOB 24:23

Enye (Abasi) ɔnɔ enye ifure, ndien enye eberi edem; Enye onyuŋ etiŋ enyin ke usuŋ mmɔ.

ŊWED MME PSALM 47:5

Abasi ɔmɔdɔk ke mkpo idara, Jehovah, ke uyom ukorowo.

ISAIAH 22:14

Ndien Jehovah mme udim ayarare mi ke utɔŋ, ete, Ididahake do ke idiɔk ido emi inɔ mbufo tutu mbufo ekpaŋa mkpa. Ɔbɔŋ Jehovah mme udim ɔdɔhɔ ntre.