AMOS 6:3 - Edisana ñwed Abasi Ibom

³ Osuk ɔdɔdiɔk ɔnɔ mmɔ eke emende usen idiɔk enim anyan ebiet: edi eda itie afai ekpere;

AMOS 6:3 Referans Kwoze

AMOS 9:10

Kpukpru mme anam-idiɔk ke otu ikɔt mi eyekpaŋa ke ofut, mme mmɔ emi edɔhɔde, ete, Idiɔk-ŋkpɔ emi idisimke nnyin, idinyuŋ isoboke ye nnyin.

ISAIAH 56:12

“Mbufo edi! nyeda wine ndi, ndien nnyin iyeŋwɔŋ mmin ikpa; ndien mkpɔŋ eyetie kpa nte mfin, akamba, awak akaha.”

EZEKIEL 12:27

Eyen owo, sese, ufɔk Israel ke edɔhɔ ete, Ŋkukut emi enye okokutde edi eke ediwak usen; enye onyuŋ etiŋ prophecy ke esit abaŋa anyan ini.

2 PETER 3:4

Eridi eke Enye ɔkɔŋwɔŋɔde ete iyedi enye? koro tɔŋɔ nte mme ete ekede idap, kpukpru ŋkpɔ etie kpasuk nte eketiede toto ke eritɔŋɔ ererimbot.

1 ŊWED THESSALONICA 5:3

Ini mme owo edɔhɔde ete, idu ke emem ye ifure, kpa adaŋoro ke nsobo abuat mmɔ, nte emi uman abuatde ŋwan idibi; ndien mmɔ idikwe usuŋ ubɔhɔ.

MATTHEW 24:48

Edi edieke idiɔk asaŋutom oro edidɔhɔde ke esit esie ete, Ete mi ebigi edidi;

AMOS 3:10

Jehovah ɔdɔhɔ, ete, Mmɔ ifiɔkke ndinam se inende, mmɔ ekɔ afai ye mbume ebon ke ikpɔ ufɔk mmɔ.

EZEKIEL 12:22

Eyen owo, nso ŋke ke mbufo etop emi ebaŋa isɔŋ Israel, ete ke mme usen ebigi, kpukpru ŋkukut enyuŋ etak?

ERIYARARE 18:17

koro ke hour kiet inyene eke ewakde ntem ema ekabare ekpu. Ndien kpukpru etubom ubom ye mmɔ emi eyode ke inyaŋ, ye mbon uwat, ye kpukpru mme ebin mbubine ke inyaŋ,

AMOS 6:12

Nte horse eyefeŋe ke enyɔŋ akwa itiat? Nte owo eyeda enaŋ ofuŋ enye? Koro mbufo ekabarede ikpe esin ke etidot, ekabare mfri edinen ido esin ke wormwood:

AMOS 5:18

Ɔdɔdiɔk ɔnɔ mbufo emi eyomde usen Jehovah ke idem mbufo! mbufo esaŋa nso ye usen Jehovah? Enye edi ekim, idige uŋwana.

AMOS 5:12

Koro mmɔfiɔk ediwak mme idiɔk ido mbufo, ye mkpɔsɔŋ ukwaŋ-ŋkpɔ mbufo: ke etuk nti owo, ke ebɔ utip, enyuŋ enuk mme ubuene efep ke inua-otop.

ISAIAH 47:7

Afo okonyuŋ ɔdɔhɔ, ete iyedi ɔbɔŋ aŋwan ke nsinsi: tutu afo etre ndinim ŋkpɔ emi ke esit fo, utihi akpatre esie.

ECCLESIASTES 8:11

Koro miwarake ndinɔ idiɔk owo ufen, oro esin nditɔ owo esɔŋ esit ke idem mmɔ enam idiɔk.

ŊWED MME PSALM 94:20

Nte afo edisaŋa ŋkpɔ ye ebekpo idiɔk ido, emi obotde ibak ke ewuhɔ?

ŊWED ESEME 4:5

Mmɔ eke ekediade edinem udia esobo ke efak: mmɔ eke ekebɔkde ke ididuot efat ifum.

EZEKIEL 23:42

Ndien uyo ata ediwak owo emi etiede ke ifure odu ke esit; ndien mmɔ eda mbon mmin ke wilderness edi, ekɔrɔ ye mmɔ eke etode ke mbio-obio; ndien esine mmɔ (iban oro) okpoho ubɔk ke ubɔk, enyuŋ eyara mmɔ ediye anyanya ke ibuot.

MICAH 6:12

Koro afai ɔyɔhɔde mbɔŋ esie ke idem, mme andiduŋ enye enyuŋ esu nsu; edeme mmɔ onyuŋ abiaŋa ke inua mmɔ.

AMOS 3:9

Mbufo ekwɔrɔ ke ikpɔ ufɔk Ashdod, ye ke ikpɔ ufɔk isɔŋ Egypt, enyuŋ edɔhɔ, ete, Mbufo esop idem ke enyɔŋ ikpɔ obot Samaria, enyuŋ ese ikpɔ ndutime ke ufɔt esie, ye nnama emi odude ke esit.