AMOS 6:1 - Edisana ñwed Abasi Ibom

¹ OSUK ɔdɔdiɔk ɔnɔ mmɔ emi etiede ke ifure ke Zion, enyuŋ ebuɔtde idem mmɔ ke obot Samaria, akpan owo ke otu mme etubom mme idut, emi ufɔk Israel etienede mmɔ!

AMOS 6:1 Referans Kwoze

JAMES 5:5

Mbufo edu uwem, edia nti ŋkpɔ ke isɔŋ, enyuŋ ebine mbre; emebɔk esit mbufo ke usen afai.

AMOS 4:1

MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

ZEPHANIAH 1:12

Ndien ama ekem ke ini oro, nyeda utuenikaŋ nduŋɔre Jerusalem, nnyuŋ nda ufen nnɔ mmɔ eke esɔrɔde ke ntak mmɔ: eke edɔhɔde ke esit mmɔ, ete, Jehovah idinamke eti ŋkpɔ, idinyuŋ inamke idiɔk.

JUDGES 18:7

Ndien owo ition oro eto eka ekesim ke Laish, enyuŋ ekut mmɔ eke edude ke esit, nte eduŋde ke ndue-idem, nte mme Zidonian ekam enamde, ke ifure ye ke ndue-idem; ndien baba owo kiet eke akadade ubɔŋ ke idem esie, onyuŋ anamde mmɔ idiɔk-ŋkpɔ ekededi, iduhe ke isɔŋ oro; mmɔ enyuŋ eyom usuŋ ye mme Zidonian, ndien isaŋake ŋkpɔ ye baba owo kiet.

JAMES 1:18

Oto ke uduak Esie ke Enye akada ikɔ akpanikɔ aman nnyin, man nnyin ikpetie nte akpa mbuŋwum ke otu mmɔ emi Enye okobotde.

JEREMIAH 49:31

Jehovah ɔdɔhɔ, ete, Mbufo edaha ke enyɔŋ edɔk ke ɔtɔ idut ndue idem, emi eduŋde ke mfre idem, mmɔ inyeneke itim ye eto usin usuŋ, mmɔ eduŋ ke idem mmɔ ikpɔŋ.

ISAIAH 33:14

Mme idiɔk owo ke Zion ke edikhe; unyek-idem omum mme oburobut owo: “Anie ke otu nnyin ekeme ndiduŋ ke ikaŋ eke atade? Anie ke otu nnyin ekeme ndiduŋ ke nsinsi erisak?”

1 PETER 5:7

Etop kpukpru ɔkpɔsɔŋ ekikere eke otimerede mbufo esit eduɔk edori Enye, koro Enye ke ekere mbufo.

AMOS 8:14

emi etomode isop Samaria, enyuŋ edɔhɔde, ete, Ma uwem Abasi fo, O Dan! edɔhɔ ete, Ma uwem usuŋ Beer-sheba; ndien mmɔ eyeduɔŋɔ ke isɔŋ, ndien ididahake aba ke enyɔŋ.

JEREMIAH 7:4

Mbufo ekubuɔt idem ke ikɔ nsu, ete, temple Jehovah, temple Jehovah, temple Jehovah edi mme mmɔ emi.

1 NDIDEM 16:24

Ndien enye edep obot Samaria ye Shemer ke talent silver iba, onyuŋ ɔbɔp (obio) ke obot oro, onyuŋ ada enyiŋ Shemer, andinyene obot, osio obio oro enye ɔkɔbɔpde, okot ete Samaria.

ŊWED ESEME 1:1

OBIO emi akawakde owo anam didie etie ikpɔŋ! Enye emi okokponde ke otu mme idut akabare edi ebe-akpa! Ɔbɔŋ-aŋwan ke otu mme esien akabare otomo utomo!

JEREMIAH 48:11

Moab ama oduŋ ke ifure toto ke ini uyen esie, enye ama onyuŋ etie ke ntak esie, ika-inyuŋ ikaŋake enye ke abaŋ kiet isin ke abaŋ eken, ika-inyuŋ itaŋke enye ifep: oro esin inem esie ebigi enye ke esit, ufuɔŋ esie inyuŋ ikpuhɔkede.

ŊWED MME PSALM 123:4

Esuene mmɔ eke eduŋde ke ifure, ye but mbon iseri, eyuhɔ ukpɔŋ nnyin eti-eti.

AMOS 3:2

Ŋkɔfiɔk mbufo ikpɔŋ-ikpɔŋ ke otu kpukpru oruk ererimbot: mmɔdo nyenɔ mbufo ufen kpukpru mme idiɔk ido mbufo.

AMOS 3:9

Mbufo ekwɔrɔ ke ikpɔ ufɔk Ashdod, ye ke ikpɔ ufɔk isɔŋ Egypt, enyuŋ edɔhɔ, ete, Mbufo esop idem ke enyɔŋ ikpɔ obot Samaria, enyuŋ ese ikpɔ ndutime ke ufɔt esie, ye nnama emi odude ke esit.

AMOS 5:27

Ndien nyetaŋ mbufo mfep nnim ke edem Damascus oko; Jehovah, emi enyiŋ esie edide Abasi mme udim, ɔdɔhɔ ntre.

MME ŊKE 1:32

Koro ukabare mme ɔkɔi eyewot mmɔ, mfre-idem ndisime owo eyenyuŋ osobo mmɔ.

JEREMIAH 2:3

Israel ekedi edisana ikɔt Jehovah, akpa mfri ŋkɔri esie: kpukpru mmɔ eke ediade enye ekedue isop; idiɔk-ŋkpɔ okosim mmɔ; Jehovah ɔdɔhɔ.

JEREMIAH 5:5

Yak mbine ikpɔ owo, nnyuŋ ndɔhɔ ye mmɔ; koro mmɔ efiɔkde usuŋ Jehovah, ikpe Abasi mmɔ. Edi mmɔ emebuŋ ɔkpɔnɔ ubɔk kiet, ekibi ubɔp-ŋkpɔ.

AMOS 9:10

Kpukpru mme anam-idiɔk ke otu ikɔt mi eyekpaŋa ke ofut, mme mmɔ emi edɔhɔde, ete, Idiɔk-ŋkpɔ emi idisimke nnyin, idinyuŋ isoboke ye nnyin.

MICAH 3:1

NDIEN ami ndɔhɔ, nte, Mbɔk mbufo mme etubom Jacob, ye mbon ufɔk Israel, ekop; nte idotke mbufo ndifiɔk ikpe?