AMOS 5:8 - Edisana ñwed Abasi Ibom

⁸ enye akanam Pleiades ye Orion, onyuŋ akabare mfut mkpa edi usenubɔk, anam uwemeyo ebire nte okoneyo: okot mmɔŋ inyaŋ edi, onyuŋ aŋwaŋa enye ke iso isɔŋ: Jehovah edi enyiŋ esie.

AMOS 5:8 Referans Kwoze

AMOS 4:13

Koro, sese, ke edi Enye akanam ikpɔ obot, onyuŋ obot spirit, onyuŋ owut owo uduak esie eke edide: anam usiere akabare edi ekim, onyuŋ edigi ŋkokoŋo ebiet isɔŋ, Jehovah Abasi mme udim edi enyiŋ esie.

ŊWED JOB 9:9

Emi akanamde Arcturus, ye Orion, ye mme Pleiades, ye mme ubet edem usuk.

AMOS 9:6

Edi enye ɔkɔŋ mme ubet enyɔŋ esie ke heaven, onyuŋ odori mme ubet isɔŋ esie ke ererimbot; emi okotde mmɔŋ inyaŋ edi, onyuŋ aŋwaŋade enye ke iso isɔŋ: Jehovah edi enyiŋ esie.

AMOS 8:9

Ɔbɔŋ Jehovah onyuŋ ɔdɔhɔ, ete, ndien ama ekem ke usen oro, ke ndinam utin oduk ikɔt ke ufɔt uwemeyo, nnyuŋ nnam isɔŋ okim ke usen uŋwana:

ŊWED MME PSALM 104:20

Afo onim ekim, ndien okoneyo edi: kpukpru mme unam ikɔt esaŋa ndien.

ŊWED MME PSALM 105:28

Enye ɔdɔŋ ekim utom, onyuŋ anam okim; ndien mmɔ isɔŋke ibuot ke ikɔ esie.

ŊWED JOB 12:22

Enye osio ndituŋɔ ŋkpɔ ke ekim ayarare, onyuŋ osio mfut mkpa onim ke uŋwana.

LUKE 1:79

Ndiyama nnɔ mmɔ eke etiede ke ekim ye mfut mkpa; Nditeme ukot nnyin ndiduk ke usuŋ emem.

MATTHEW 4:16

Mbio oro eketiede ke ekim Ekut akwa uŋwana, Ama edi mmɔ eketiede ke isɔŋ mfut mkpa, Uŋwana ayama ɔnɔ mmɔ.

ISAIAH 59:10

Nnyin ifefiɔŋɔ ibibene nte nnan, ifiɔŋɔ nte mme anana enyin: ituak ukot iduɔ ke ufɔt uwemeyo, kpa nte ke mfuŋ-mfuŋ mbubreyo; ke ata ekim kpa nte mme akpaŋa mkpa.

ISAIAH 42:16

Ndien nyenam mme nnan esaŋa ke usuŋ eke mmɔ mifiɔkke; nnyuŋ nnam mmɔ edigi ke ɔkpɔ-usuŋ eke mmɔ mifiɔkke: nnyuŋ nnim ekim ke uŋwana, ye mme ŋkwaŋa ŋkpɔ ke se inende. Mmɔ emi edi ŋkpɔ eke ndinamde nnɔ mmɔ nnyuŋ ŋkpɔŋke mmɔ.

ŊWED JOB 38:34

Nte emekeme ndimenere uyo fo ke enyɔŋ, man ata ediwak mmɔŋ ofuk fi?

ŊWED JOB 37:13

Enye anam enye edi, edide ke ufen, onyuŋ edide abaŋa isɔŋ esiemɔ, onyuŋ edide ke ima.

JEREMIAH 16:21

Mmɔdo sese, nyenam mmɔ efiɔk ke ini kiet emi, nyenam mmɔ efiɔk ubɔk mi ye odudu mi; ndien mmɔ eyefiɔk ete ke enyiŋ mi edi Jehovah.

JEREMIAH 33:2

Ntem ke Jehovah emi akanamde enye, Jehovah emi okobotde enye man ɔsɔŋɔ owuk enye, Jehovah edi enyiŋ esie, ɔdɔhɔ, ete,