AMOS 5:7 - Edisana ñwed Abasi Ibom

⁷ Mbufo emi ekabarede ikpe edi etidot, enyuŋ emen se inende eduɔk ke isɔŋ;

AMOS 5:7 Referans Kwoze

AMOS 6:12

Nte horse eyefeŋe ke enyɔŋ akwa itiat? Nte owo eyeda enaŋ ofuŋ enye? Koro mbufo ekabarede ikpe esin ke etidot, ekabare mfri edinen ido esin ke wormwood:

ZEPHANIAH 1:6

ye mmɔ eke ekpɔŋde Jehovah efiak edem; eke miyomke Jehovah ŋko, minyuŋ ibineke enye.

HOSEA 10:4

Mmɔ ke etiŋ ikɔ-ikɔ; ke etomo nsu, ke ediomi ediomi: ndien ufen asiaha ikɔŋ nte poppy ke ibombom iŋwaŋ.

EZEKIEL 3:20

Ndien ke adaŋemi eti owo akabarede ɔkpɔŋ eti ido esie, onyuŋ anamde ukwaŋ-ŋkpɔ, ndien ami nda ŋkpɔ iduɔ nnim enye ke iso, enye eyekpa: koro afo munɔŋɔ enye item, enye eyekpa ke idiɔk ido esie, ndien iditihi edinen ido eke enye akanamde; ndien nyekpak iyip esie ke ubɔk fo.

DEUTERONOMY 29:18

mbak eren-owo, mme ŋwan, mme ufɔk, mme esien edidu ke otu mbufo, emi esit esie akabarede mfin emi ɔkpɔŋ Jehovah Abasi nnyin, onyuŋ aka akanam ŋkpɔ mme abasi mme idut emi; mbak oruŋ eke oŋwumde ibɔk ubio ye ndot-ndot ŋkpɔ, edidu ke otu mbufo;

EZEKIEL 33:18

Ke ini edinen owo ɔkpɔŋde edinen ido esie onyuŋ anamde ukwaŋ-ŋkpɔ, enye eyekpa ke esit.

EZEKIEL 18:24

Ndien ke adaŋemi edinen owo ɔkpɔŋde edinen ido esie afiak edem, onyuŋ anam mme ukwaŋ-ŋkpɔ, onyuŋ anam nte asaŋade ye kpukpru mbubiam ido emi idiɔk owo anamde, nte enye eyedu uwem? Iditihi edinen ido esie eke enye anamde baba kiet: enye eyekpa ke ndudue esie eke enye eduede, ye ke idiɔk ido eke enye anamde.

ISAIAH 10:1

IFƆNKE fɔn inɔ mmɔ eke ewukde ukwaŋ ewuhɔ, ye mme ewet-ŋwed ukut;

ISAIAH 5:7

koro ufɔk Israel edide iŋwaŋ-vine Jehovah mme udim, mbio Judah enyuŋ edi mkpuk ŋkpɔ emi enemde enye: ndien enye onim enyin ke ikpe, edi, sese, afai; onim enyin ke se inende, edi, sese, eseme.

ISAIAH 1:23

Mbɔŋ fo edi mbon nsɔŋ-ibuot, ye nsaŋa inɔ: kpukpru mmɔ esuk emama enɔ, enyuŋ ebine utip: mmɔ ikpehe ikpe eyen akpa, ikɔ ebe-akpa inyuŋ isimke mmɔ.

ŊWED MME PSALM 125:5

Ndien ama edi mmɔ eke ewahade eduk ke ŋkwaŋa usuŋ mmɔ, Jehovah eyeyak mmɔ eka ye mme anam-idiɔk. Yak emem odu ye Israel.

ŊWED MME PSALM 36:3

Ikɔ inua esie edi abiaŋa ye nsu: enye emetre ndidi ɔniɔŋ nnyuŋ nnam eti.

MME ŊKE 21:7

Nsɔŋido mme idiɔk owo eyekpɔri mmɔ efep: koro mmɔ minyimeke ndinam se inende.

ISAIAH 5:20

Ifɔnke fɔn inɔ mmɔ eke edɔhɔde ebaŋa idiɔk, ete, Eti, ebaŋa eti, ete, Idiɔk: eke, enimde ekim ke uŋwana, enim uŋwana ke ekim; eke enimde idot ke iniŋe, enim iniŋe ke idot!

AMOS 2:3

Ndien nyesibe enye ebierikpe ke ufɔt mfep, nnyuŋ ŋwot kpukpru mbɔŋ esie ŋko. Uyo Jehovah edi emi.

AMOS 3:10

Jehovah ɔdɔhɔ, ete, Mmɔ ifiɔkke ndinam se inende, mmɔ ekɔ afai ye mbume ebon ke ikpɔ ufɔk mmɔ.

ISAIAH 46:12

Mbufo mme ɔsɔŋ-esit, emi ekpɔŋde edisana ido anyan usuŋ, ekop uyo mi:

MICAH 3:9

Mbɔk, mbufo mme etubom ufɔk Jacob, ye mbɔŋ ufɔk Israel, ekop uyo emi, mbufo emi item etekde mbufo esit, mbufo enyuŋ ekwaŋa kpukpru se inende.

HABAKKUK 1:4

Oro esin ibet okpu, ikpe inyuŋ iwɔrɔke nte asaŋade ye akpanikɔ: koro mme idiɔk owo ekande nti owo ekuk; mmɔdo edikwaŋa ikpe ɔwɔrɔde.