AMOS 5:4 - Edisana ñwed Abasi Ibom

⁴ Koro ntem ke Jehovah ɔdɔhɔ ufɔk Israel, ete, Mbufo etiene mi, enyuŋ edu uwem:

AMOS 5:4 Referans Kwoze

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

ZEPHANIAH 2:3

Mbufo kpukpru suŋ-suŋ mbio isɔŋ emi enamde ikpe esie, eyom Jehovah; mbufo eyom edinen ido, eyom suŋ-suŋ ido: mme mbufo eyedibe ke usen iyaresit Jehovah.

ŊWED MME PSALM 14:2

Jehovah etie ke enyɔŋ, osuk iso ese nditɔ owo, ete ise mme enyene owo eti-ibuot, owo eke ebinede Abasi.

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

MATTHEW 7:8

koro kpukpru owo eke ebeŋede ebɔde; owo eke oyomde okutde; edinyuŋ esiode usuŋ enɔ owo eke atuakde.

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

2 CHRONICLES 20:3

Ndien Jehoshaphat edikhe, onyuŋ akabare iso oyom Jehovah, onyuŋ ɔkwɔrɔ utre-udia ke ofuri Judah.

AMOS 5:6

Mbufo eyom Jehovah, enyuŋ edu uwem, mbak enye edibumere nte ikaŋ ke ufɔk Joseph, onyuŋ ata enye, ndien baba owo kiet eke onimede enye iduhe ke Bethel.

ŊWED MME PSALM 69:32

Mbon nsukidem ekut enyuŋ edaresit: ndien yak esit mbufo emi eyomde Abasi, akam odu uwem.

ŊWED MME PSALM 27:8

(Ke ini afo ɔdɔhɔde, ete) “Mbufo eyom iso mi,” esit mi ɔdɔhɔ fi ete, “Nyeyom iso fo, O Jehovah.”

ŊWED MME PSALM 22:26

Mbon nsukidem eyedia eyuhɔ: mmɔ eke eyomde Jehovah eyetoro Enye: yak esit mbufo odu uwem ke nsinsi.

2 CHRONICLES 34:3

Ekem ke ɔyɔhɔ isua ubɔŋ esie itiaita, ke edide kaŋa eyenɔwɔŋ, enye ɔtɔŋɔ nditiene Abasi David ete esie: ndien osim ke ɔyɔhɔ isua duopeba, enye ɔtɔŋɔ ndisioŋo mme edikoŋ ebiet, ye mme eto-mkpe, ye mme edisɔi mbiet, ye mme editara mbiet infep, onyuŋ anam Judah ye Jerusalem esana.

DEUTERONOMY 4:29

Ndien afo ama etie do oyom Jehovah Abasi fo, afo eyekut enye, edieke oyomde enye ke ofuri esit fo, ye ke ofuri ukpɔŋ fo.

DEUTERONOMY 32:46

ndien enye ɔdɔhɔ mmɔ, ete, Mbufo esin esit mbufo ke kpukpru ikɔ emi ami ntiŋde ke otu mbufo mfin emi, emi mbufo editemede nditɔ mbufo, man ekpeme ndinam kpukpru ikɔ mbet emi.

DEUTERONOMY 32:47

Koro enye midige ŋkpɔ mbubru ye mbufo: koro edide uwem mbufo: ndien mbufo eda ŋkpɔ emi edinam mme usen mbufo ebigi ke isɔŋ emi mbufo ebede Jordan eka do ndida enye nnyene.

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

EZEKIEL 18:9

eke asaŋade ke mme ewuhɔ mi, onyuŋ onimde mme item mi, onyuŋ anamde akpanikɔ; enye edi edinen, iditreke ndidu uwem. Uyo Ɔbɔŋ Jehovah edi emi.

2 NDIDEM 20:3

O Jehovah mbɔk, ti nte nsaŋade ke iso fo ke akpanikɔ, ye ke ofuri esit, mma nnyuŋ nnam se ifɔnde ke iso fo. Hezekiah onyuŋ atua eyet eti-eti.

2 CHRONICLES 20:4

Ndien Judah ebono ekpe Jehovah ubɔk: mmɔ enyuŋ eto ke kpukpru obio Judah, edi ndiyom Jehovah.

ŊWED MME PSALM 69:33

Koro Jehovah okopde ɔnɔ mme ubuene, ndien isinke mbon ŋkpɔkɔbi esie ke ndek.

JEREMIAH 38:20

Ndien Jeremiah ɔdɔhɔ ete, Mmɔ idisinke. Mbɔk, kop uyo Jehovah ke se ami ndɔhɔde fi; ndien eyefɔn fi, ukpɔŋ fo eyenyuŋ odu uwem.

HOSEA 10:12

Mbufo ewari mkpasip ke idem mbufo ke nti ido, ndien mbufo eyekpeŋe nte ekemde ke ima (Abasi); mbufo ediɔŋ adaŋdaŋ ke idem mbufo: ndien ekem ke ini eke ekpeyomde Jehovah, tutu enye edikpep mbufo eti ido.