AMOS 5:11 - Edisana ñwed Abasi Ibom

¹¹ Mmɔdo, koro mbufo edigide mbon unana, enyuŋ ebɔde mmɔ utomo ibokpot: mbufo ebɔp ufɔk ke ndisɔi itiat, edi ididuŋke ke esit; enyuŋ etɔ edifɔn iŋwaŋ-vine, edi idiŋwɔŋke wine mmɔ.

AMOS 5:11 Referans Kwoze

ZEPHANIAH 1:13

Ndien inyene mmɔ eyeka-bare edi se ebumede, mme ufɔk mmɔ eyenyuŋ ewure: ndien mmɔ eyebɔp ufɔk, edi ididuŋke; eyenyuŋ etɔ iŋwaŋ-vine, ndien idiŋwɔŋke wine mmɔ.

MICAH 6:15

Afo eyesuan, edi udukpeŋeke; eyenuak olive, edi uduyetke aran ke idem, eyenuak mmɔŋ mfri vine, ndien uduŋwɔŋke wine.

DEUTERONOMY 28:30

Afo eyebem ŋwan onim, edi owo efen edida enye ɔdɔ: eyebɔp ufɔk, ndien ududuŋke ke esit: eyetɔ iŋwaŋ vine, ndien udutetke mfri esie.

JAMES 2:6

Edi mbufo ema esuene eyen-ubuene. Nte idige mme enyene-inyene etuk mbufo? Nte mmɔ ke idem mmɔ idudike mbufo ika ke itie-ubiere-ikpe?

HAGGAI 1:6

Mbufo etetɔ ediwak ŋkpɔ ke isɔŋ, ndien ekut esisit; edia ŋkpɔ, edi ikemke: eŋwɔŋ, edi iyuhɔke; esine ŋkpɔ ke idem, edi ikopke ufiop; anam-utom ke utip onyuŋ esin utip ke ekpat eke otibede ndudu.

MICAH 2:2

Mmɔ enyuŋ esin esit mmɔ ke iŋwaŋ, ndien eda mmɔ ke ŋkanubɔk: enyuŋ esin esit ke ufɔk, ndien ebɔ mmɔ: mmɔ enyuŋ etuk owo ye ufɔk esie, etuk owo ye udeme esie.

AMOS 3:15

Ndien nyewuri ufɔk ukwɔ ŋkɔrɔ ye ufɔk nda-eyo; mme ufɔk oduk-enin eyenyuŋ etak, ikpɔ ufɔk eyenyuŋ ebiara. Uyo Jehovah edi emi.

ISAIAH 16:10

Emenyuŋ esio idaresit ye mbre ke eti iŋwaŋ efep; ndien mmɔ idikwɔhɔ ikwɔ, idinyuŋ ifiorike, ke mme iŋwaŋ vine: andidigi ididigike aba wine ke itie udigi: ami nnam mkpo odop.

EZEKIEL 26:12

Ndien mmɔ eyebume inyene fo, enyuŋ eda ŋkpɔ-urua fo ke ŋwo: enyuŋ ewuri ibibene fo, ye ntan fo esin ke ufɔt inyaŋ.

AMOS 2:6

Ntem ke Jehovah ɔdɔhɔ, ete, Idiɔk ido Israel ita ye inaŋ iyakke mi ŋkabare enye (ufen) mfep: koro mmɔ ekenyamde nti owo ke silver, enyam eyen ubuene ke ikpa-ukot iba;

AMOS 3:9

Mbufo ekwɔrɔ ke ikpɔ ufɔk Ashdod, ye ke ikpɔ ufɔk isɔŋ Egypt, enyuŋ edɔhɔ, ete, Mbufo esop idem ke enyɔŋ ikpɔ obot Samaria, enyuŋ ese ikpɔ ndutime ke ufɔt esie, ye nnama emi odude ke esit.

AMOS 4:1

MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

AMOS 6:11

Koro, sese, Jehovah owuk, onyuŋ ɔtɔ akwa ufɔk owuri, onyuŋ ɔtɔ ekpri ufɔk asiak.

AMOS 6:12

Nte horse eyefeŋe ke enyɔŋ akwa itiat? Nte owo eyeda enaŋ ofuŋ enye? Koro mbufo ekabarede ikpe esin ke etidot, ekabare mfri edinen ido esin ke wormwood:

AMOS 8:4

Mbufo emi itɔŋ mme ubuene ɔdɔŋde mbufo, ekop ikɔ emi, man etak mbon unana ke isɔŋ,

MICAH 1:6

Ndien nyenim Samaria nte ibombom ke ikɔt, ye ke ebiet eke etɔde iŋwaŋ-vine: nyenyuŋ ŋŋwaŋa mme itiat esie nsin ke ebedeŋ, nnyuŋ mfuhɔre ebiet emi enye adade ke esit.

MALACHI 1:4

Koro Edom ɔdɔhɔde ete, “Nnyin imesuana, edi iyetɔŋɔ ntak ibɔp ŋwure”; ntem ke Jehovah mme udim ɔdɔhɔ ete, Mmɔ eyebɔp, edi ami nyewuri: ndien eyesio mmɔ enyiŋ “Adaŋa idiɔk,” ye “Mbio emi Jehovah ofutde esit ye mmɔ ke nsinsi.”

LEVITICUS 26:16

ami ŋko nyenam ŋkpɔ emi ye mbufo: nnyuŋ nda nnyek-idem, ye ndiɔkidem, ye ata ufiopidem ndori mbufo, ndien mmɔ eyetibi owo enyin, enyuŋ esin uduk ke esit: ndien mbufo eyetɔ mkpasip mbufo ke ikpikpu; ndien mme asua mbufo eyedia enye.

ŊWED JOB 20:19

Koro enye okotukde onyuŋ ɔkpɔŋde mme ubuene; ada ŋkanubɔk ɔbɔ ufɔk eke midige enye ɔkɔbɔp:

EZEKIEL 34:21

Koro mbufo edade ŋkaŋ ye afara enuk, enyuŋ edade nduk mbufo ekim kpukpru mmɔ emi idem ememde mmɔ, tutu mbufo esuan mmɔ esin ke esien.

HOSEA 9:2

Ɔtɔ ubek-ibokpot ye ɔtɔ unuak-wine idibɔkke mmɔ, obufa wine eyenyuŋ anana ke esit.

AMOS 2:7

itɔŋ ntanisɔŋ ke ibuot mbon-unana ɔdɔŋ mmɔ, mmɔ enyuŋ efimede usuŋ mbon ukut efep; ndien owo ye ete esie etiene eyen-aŋwan kiet, man esabare edisana enyiŋ mi.

AMOS 9:14

Ndien nyeda ikɔt mi Israel emi eketaŋde efep nnyɔŋ ndi: ndien mmɔ eyebɔp mme obio emi enade ikpikpu, ndien eduŋ (ke esit); mmɔ eyenyuŋ etɔ iŋwaŋ-vine, enyuŋ eŋwɔŋ wine mmɔ: enyuŋ enam iŋwaŋ, ndien edia mfri mmɔ.