AMOS 4:8 - Edisana ñwed Abasi Ibom

⁸ Ndien obio iba mme obio ita eyɔrɔ ke obio kiet, man eŋwɔŋ mmɔŋ, edi iyuhɔke; edi mbufo ifiakke edem itiene mi. Uyo Jehovah edi emi.

AMOS 4:8 Referans Kwoze

AMOS 4:6

Jehovah ɔdɔhɔ, ete, Ami nnyuŋ nnɔ mbufo edisana edet ke kpukpru mme obio mbufo, ye unana uyo ke kpukpru mme ebiet mbufo: edi mbufo ifiakke edem itiene mi.

HAGGAI 1:6

Mbufo etetɔ ediwak ŋkpɔ ke isɔŋ, ndien ekut esisit; edia ŋkpɔ, edi ikemke: eŋwɔŋ, edi iyuhɔke; esine ŋkpɔ ke idem, edi ikopke ufiop; anam-utom ke utip onyuŋ esin utip ke ekpat eke otibede ndudu.

1 NDIDEM 18:5

Ndien Ahab ɔdɔhɔ Obadiah, ete, Saŋa ke isɔŋ, ka ke kpukpru obube mmɔŋ, kpukpru idim: mme nnyin iyekut mbiet, inyuŋ inim mme horse ye mme mule ke uwem, man ufene nnyin okusobo ama.

MICAH 6:14

Afo eyedia ŋkpɔ, edi uyuhɔke; esit eyenyuŋ ɔduɔ fi: afo ekpemen ŋkpɔ efep, udunimke mmɔ ke ifure; ndien nyeda se afo anyaŋade nyak nnɔ ofut.

HOSEA 7:10

Iseri Israel onyuŋ etiŋ abaŋa enye ke iso esie: ndien mmɔ ifiakke itiene Jehovah Abasi mmɔ, ofuri ŋkpɔ emi inyuŋ isinke mmɔ eyom enye.

JEREMIAH 23:14

ndien ŋkut ata ŋkpɔ ndidien ke mme prophet Jerusalem; ke esin efibe, ke esaŋa ke nsu; mmɔ enyuŋ esɔŋɔ mme idiɔk owo ubɔk, ndien owo ndomo kiet ikabakede ikpɔŋ idiɔk ido esie; kpukpru mmɔ etie ye ami nte Sodom, mme andiduŋ enye enyuŋ ebiet Gomorrah.

JEREMIAH 3:7

Ndien adaŋemi enye ama akanam kpukpru ŋkpɔ emi, ndɔhɔ, nte, Fiak tiene mi; edi enye ifiakke.

ISAIAH 9:12

Syria ke iso, ye mme Philistine ke edem; ndien mmɔ eyeŋwaŋade inua eta Israel. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

JEREMIAH 3:3

Mmɔdo ekekpande ukwɔ, ukperedem edim mikonyuŋ idige; ndien afo emenyene ɔkpɔ-iso akpara, unyimeke ndikut but.

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

HOSEA 11:5

Ndien enye idifiakke ke Egypt, edi Assyrian eyedi edidem esie, koro mmɔ minyimeke ndikabare.

HAGGAI 2:17

Ŋkada nda-eyo ye mfut ye edim-itiat mmia mbufo, kpa kpukpru se ubɔk mbufo enamde; edi mbufo isehe mi, ke edi uyo Jehovah.