AMOS 4:6 - Edisana ñwed Abasi Ibom

⁶ Jehovah ɔdɔhɔ, ete, Ami nnyuŋ nnɔ mbufo edisana edet ke kpukpru mme obio mbufo, ye unana uyo ke kpukpru mme ebiet mbufo: edi mbufo ifiakke edem itiene mi.

AMOS 4:6 Referans Kwoze

HAGGAI 2:17

Ŋkada nda-eyo ye mfut ye edim-itiat mmia mbufo, kpa kpukpru se ubɔk mbufo enamde; edi mbufo isehe mi, ke edi uyo Jehovah.

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

ISAIAH 9:13

Edi mbio emi ikabakede ibine enye emi akamiade mmɔ, inyuŋ itieneke Jehovah mme udim.

ERIYARARE 2:21

Ndien mmɔnɔ enye ifet ndikabare esit, ndien enye inyimeke ndikabare ŋkpɔŋ use esie.

HOSEA 5:15

Nyenyɔŋ ŋka ebiet mi tutu mmɔ eda ufen, enyuŋ eyom iso mi: ke ini ukut mmɔ, mmɔ eyebak eyom mi.

LEVITICUS 26:26

Ke adaŋemi ami mbuŋde esaŋ uyo nnɔ mbufo, iban duop eyesaŋ uyo mbufo ke usaŋ-uyo kiet, enyuŋ edomo uyo enɔ mbufo: ndien mbufo eyeta, edi idiyuhɔke.

EZEKIEL 16:27

Ndien, sese, mmanyan ubɔk mi ndori fi ke idem; nnyuŋ nsuhɔre udeme fo, nnyuŋ nda fi nyak nnɔ esit mmɔ emi esuade fi, kpa nditɔ-iban mme Philistine emi enyenede but ke mme oburobut ido fo.

ISAIAH 26:11

Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

ISAIAH 3:1

KORO, sese, Ɔbɔŋ Jehovah mme udim Ɔmɔŋ emen iberesit ye iberedem ke Jerusalem ye ke Judah efep, ofuri iberesit ke uyo, ye ofuri iberesit ke mmɔŋ,

2 CHRONICLES 28:22

Ekem ke ini emi efikde enye, enye ɔdɔdiɔŋ edue Jehovah, enye edidem Ahaz.

2 NDIDEM 8:1

NDIEN Elisha ama ɔkɔdɔhɔ ŋwan oro enye akanamde eyen esie eset, ete, Daha ke enyɔŋ, afo, ye ufɔk fo, nyuŋ ka koduŋ ke ebiet eke afo edikemede ndiduŋ: koro Jehovah okotde akaŋ edi; ndien ŋko akaŋ eyedu ke edem emi ke isua itiaba.

2 NDIDEM 4:38

Ekem Elisha afiak aka ke Gilgal; akaŋ onyuŋ odu ke isɔŋ; nditɔ mme prophet enyuŋ etie enye ke iso: ndien enye ɔdɔhɔ owo esie, ete, Tem akamba eso ke ikaŋ, nyuŋ tem udia nɔ nditɔ mme prophet.

1 NDIDEM 18:2

Ndien Elijah aka ndiwut Ahab idemesie. Akaŋ onyuŋ ɔsɔŋ ubɔk eti-eti ke Samaria.

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

DEUTERONOMY 28:38

Afo eyesio ediwak mkpasip aka iŋwaŋ, edi editaŋ esisit: koro ŋkukuŋkpɔyɔriyɔ editade enye.

JEREMIAH 14:18

Edieke ŋwɔrɔde ke iŋwaŋ, sese, mmɔ emi ekpaŋade ke ofut! ndien edieke ndukde ke obio, sese, mmɔ emi edɔŋɔde biɔŋ! koro mme prophet ye mme oku ŋko ediyode eka idut eke mmɔ mifiɔkke.

EZEKIEL 14:21

Koro ntem ke Ɔbɔŋ Jehovah ɔdɔhɔ, ete, Edidi ntem ke akpan-ikɔ, adaŋemi ndidade idiɔk ufen mi mbinaŋ, ofut, ye biɔŋ, ye idiɔk unam, ye idiɔk udɔŋɔ, ndɔŋ mmɔ utom ke Jerusalem, man nsibe owo ye unam ke esit mfep.

JOEL 1:16

Nte isibeke udia ke enyin nnyin ifep? Nte ifepke idaresit ye mbre ke ufɔk Abasi nnyin?

LEVITICUS 26:23

Ndien edieke ŋkpɔ emi midisinke mbufo ekabare etiene mi, edi esaŋa ke ndusuara ye ami;

RUTH 1:1

EDIKEM ke eyo oro mme ebierikpe ekamade obio, akaŋ odu ke isɔŋ. Ndien owo kiet oto ke Beth-lehem-judah aka okoduŋ ke idut Moab, enye, ye ŋwan esie, ye nditɔ-iren esie iba.

ISAIAH 9:12

Syria ke iso, ye mme Philistine ke edem; ndien mmɔ eyeŋwaŋade inua eta Israel. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

HOSEA 11:5

Ndien enye idifiakke ke Egypt, edi Assyrian eyedi edidem esie, koro mmɔ minyimeke ndikabare.