AMOS 4:13 - Edisana ñwed Abasi Ibom

¹³ Koro, sese, ke edi Enye akanam ikpɔ obot, onyuŋ obot spirit, onyuŋ owut owo uduak esie eke edide: anam usiere akabare edi ekim, onyuŋ edigi ŋkokoŋo ebiet isɔŋ, Jehovah Abasi mme udim edi enyiŋ esie.

AMOS 4:13 Referans Kwoze

AMOS 5:8

enye akanam Pleiades ye Orion, onyuŋ akabare mfut mkpa edi usenubɔk, anam uwemeyo ebire nte okoneyo: okot mmɔŋ inyaŋ edi, onyuŋ aŋwaŋa enye ke iso isɔŋ: Jehovah edi enyiŋ esie.

MICAH 1:3

Koro, sese, Jehovah ke oto ke ebiet esie, eyenyuŋ ɔsuhɔre, onyuŋ edigi edikoŋ ebiet isɔŋ.

AMOS 9:6

Edi enye ɔkɔŋ mme ubet enyɔŋ esie ke heaven, onyuŋ odori mme ubet isɔŋ esie ke ererimbot; emi okotde mmɔŋ inyaŋ edi, onyuŋ aŋwaŋade enye ke iso isɔŋ: Jehovah edi enyiŋ esie.

ISAIAH 47:4

Ama edi andifak nnyin, Jehovah mme udim edi enyiŋ esie, Edisana Abasi Israel.

DANIEL 2:28

edi Abasi emi ayararede ndibe ŋkpɔ odu ke enyɔŋ, ndien edi enye asian edidem Nebuchadnezzar se ididide ke ukperedem usen. Ndap fo ye ŋkukut ibuot fo ke bed fo ekedi mme mmɔ emi;

JEREMIAH 13:16

Mbufo enɔ Jehovah Abasi ubɔŋ, ke ebiet mika-ikimke kaŋa, ke ukot mbufo mika-ituahake ke obot okoneyo, ndien mbufo edori enyin ebet uŋwana, edi enye eyenam enye edi mfut mkpa, onyuŋ esin enye okim eti-eti.

ŊWED MME PSALM 65:6

Emi adade nsɔŋ-idem esie ɔsɔŋ owuk ikpɔ obot; ke ɔbɔbɔ odudu:

DEUTERONOMY 33:29

Ɔfɔfɔn ɔnɔ fi, O Israel; anie ebiet fi, mbio emi Jehovah anyaŋade, emi edide otu ekɔŋ eke ekpemede fi, emi onyuŋ edide ofut ubɔŋ fo; mme asua fo eyenyuŋ enem inua enɔ fi; afo eyenyuŋ edigi ŋkokoŋo ebiet mmɔ.

ZECHARIAH 12:1

MBIOMO uyo Jehovah odoro Israel. Jehovah emi ekeneŋerede ikpa-enyɔŋ, onyuŋ onimde ererimbot ke itie esie, onyuŋ obotde spirit owo esin enye ke idem, ke ɔdɔhɔ, ete,

AMOS 8:9

Ɔbɔŋ Jehovah onyuŋ ɔdɔhɔ, ete, ndien ama ekem ke usen oro, ke ndinam utin oduk ikɔt ke ufɔt uwemeyo, nnyuŋ nnam isɔŋ okim ke usen uŋwana:

JEREMIAH 51:19

Udeme Jacob ibietke mmɔ: koro edi enye edi andibot kpukpru, ye mmɔnyɔ udeme esie: Jehovah mme udim edi enyiŋ esie.

JEREMIAH 10:16

koro enye edide andibot kpukpru ŋkpɔ; Israel onyuŋ edi eto udeme esie: Jehovah mme udim edi enyiŋ esie.

ISAIAH 40:12

Anie odomo mmɔŋ ke eka-ubɔk esie, onyuŋ ada eka-ubɔk odomo enyɔŋ, onyuŋ akama ntan isɔŋ ke udomo-ŋkpɔ, onyuŋ odomo udop ikpɔ obot ke scales, ye ekpri obot ke balance?

DEUTERONOMY 32:13

Enye anam enye odoro unam asaŋa ke ŋkokoŋo ebiet, isɔŋ, onyuŋ adia mbuŋwum ŋkpɔ iŋwaŋ; onyuŋ osio aran-ɔkwɔk ke itiat ɔnɔ enye awap, ye aran ke itiat flint;

EXODUS 14:20

Ndien enye ediduk ke ufɔt nna nditɔ Egypt ye nna Israel; ndien akabare edi idiɔk enyɔŋ ye ekim ɔnɔ mmɔ, edi aŋwaŋa okoneyo ɔnɔ mmɔ eken: kiet inyuŋ isaŋake ikpere kiet ke ofuri okoneyo oro.

EXODUS 10:22

Ndien Moses emenere ubɔk esie ke enyɔŋ; ndien ɔkpɔsɔŋ ekim ofuk ofuri isɔŋ Egypt ke usen ita:

JOHN 3:8

Ofim ofime ɔtɔ nte amama, ndien afo okop uyom esie, edi ufiɔkke ebiet enye oto, ye ebiet enye aka:

HABAKKUK 3:19

Jehovah Ɔbɔŋ edi odudu mi, enye eyenam ukot mi ebiet eke edop, onyuŋ anam mi nsaŋa ke edikoŋ ebiet mi. Eke etubom mme ebre ndido mi.

AMOS 6:8

Ɔbɔŋ Jehovah otomo idem esie, ete, Ntem ke Jehovah Abasi mme udim ɔdɔhɔ, ete, Ami nse iseri Jacob ke mbubiam, nnyuŋ nsua ikpɔ ufɔk esie: ndien nyeda obio ye se iyɔhɔde ke esit nyak nnɔ.

AMOS 5:27

Ndien nyetaŋ mbufo mfep nnim ke edem Damascus oko; Jehovah, emi enyiŋ esie edide Abasi mme udim, ɔdɔhɔ ntre.

AMOS 3:13

Ɔbɔŋ Jehovah, Abasi mme udim, ɔdɔhɔ ete, Mbufo ekop, enyuŋ etiŋ ke ufɔk Jacob, ete,

JEREMIAH 51:16

Ke ini enye osiorode uyo esie uwak mmɔŋ odu ke enyɔŋ: enye onyuŋ anam uye oto ke utit ererimbot ɔdɔk: anam obuma ye edim, onyuŋ osio ofum ke ebiet unim ŋkpɔ esie.

JEREMIAH 10:13

Uyo esie ke ini enye osiorode enye anam ediwak mmɔŋ odu ke ikpa-enyɔŋ, enye anam mbubit enyɔŋ oto ke utit isɔŋ ɔdɔk, anam obuma ɔnɔ edim, onyuŋ osio ofum ke ebiet unim-ŋkpɔ esie.

ISAIAH 48:2

Koro edade edisana obio esio idem mmɔ enyiŋ, enyuŋ ebuɔtde idem mmɔ ye Abasi Israel; Jehovah mme udim edi enyiŋ esie.

ISAIAH 5:30

Ndien enye eyekuni enye ke usen oro, kpa nte inyaŋ ibom oyomode: enye eyenyuŋ ese obot, ndien, sese, ekim! nnanenyin, ye uŋwana! ke okim ke mbubit enyɔŋ esie.

ŊWED MME PSALM 147:18

Emi ɔdɔŋde ikɔ esie utom, onyuŋ anam mmɔ etara; anam ofum esie abara, ndien mmɔŋ asaŋa.

ŊWED MME PSALM 139:2

Afo ɔmɔfiɔk nte nsuhɔrede ntie, ye nte ndahade nda; afo omotim ɔfiɔk ekikere mi nsan-nsan.

ŊWED MME PSALM 135:7

Enye anam ntuhube adaha ke mme utit ererimbot ɔdɔk; anam obuma ɔnɔ edim; osio ofum ke ŋkpɔ-uto esie ada edi.

JOHN 2:25

koro Enye ɔfiɔkde kpukpru owo, minyuŋ iyomke baba owo kiet etiŋ ɔnɔ Enye abaŋa owo; koro Enye ke Idem Esie ɔfiɔkde se idude owo ke esit.

MATTHEW 9:4

Edi Jesus ɔfiɔk ekikere mmɔ, onyuŋ ete mmɔ, Nsinam mbufo ekerede idiɔk ekikere ke esit mbufo?

DANIEL 2:30

Ndien ama edi ami, idige ɔniɔŋ eke odude mi ke idem akan kpukpru mme odu-uwem, esin eyarare ndibe ŋkpɔ emi enɔ mi, edi man esian edidem nte asaŋade, man afo onyuŋ ɔfiɔk ekikere esit fo.

JOEL 2:2

kpa ata ɔkpɔsɔŋ ekim, usen obubit enyɔŋ, kpa ata idiɔk enyɔŋ eti-eti: ebiet usiere eke asuanade ke ikpɔ obot: idut emi awakde, onyuŋ ɔsɔŋɔde; oruk oro akananam iduhe totoko idinyuŋ itieneke enye idi, tutu osim isua ediwak emana.

ŊWED JOB 9:7

Emi owukde utin, ndien enye isiahake: enye onyuŋ ofuk ntantafiɔŋ.

ISAIAH 45:7

Mbot uŋwana, nnyuŋ mbot ekim: nnam emem, nnyuŋ mbot idiɔk: ami Jehovah nnam kpukpru ŋkpɔ emi.

JEREMIAH 46:18

Edidem emi enyiŋ esie edide Jehovah mme udim ɔdɔhɔ, ete, Ma uwem mi, nte Tabor ke otu ikpɔ obot, ye nte Carmel ke mben inyaŋ, enye eyedi.

HOSEA 12:6

Afo ndien fiak tiene Abasi fo: nim ima ye ikpe, nyuŋ dori enyin ye Abasi fo kpukpru ini.