AMOS 3:2 - Edisana ñwed Abasi Ibom

² Ŋkɔfiɔk mbufo ikpɔŋ-ikpɔŋ ke otu kpukpru oruk ererimbot: mmɔdo nyenɔ mbufo ufen kpukpru mme idiɔk ido mbufo.

AMOS 3:2 Referans Kwoze

DEUTERONOMY 7:6

Koro afo edide edisana ikɔt Jehovah Abasi fo: Jehovah Abasi fo ama emek fi ete edi ata ikɔt imɔ akan kpukpru mme idut emi edude ke iso ererimbot.

1 PETER 4:17

Koro ekem ini nte ikpe editɔŋɔde ke ufɔk Abasi; ndien edieke ikpe ɔtɔŋɔde ye nnyin, nso ididi utit mmɔ emi misukke ibuot inɔ gospel Abasi?

DEUTERONOMY 10:15

Edi mme usɔ ema enem Jehovah esit, enye onyuŋ ama mmɔ, ama onyuŋ emek mbufo ubon mmɔ emi etienede mmɔ edem, ke otu kpukpru obio, kpa nte edide mfin emi.

ŊWED MBON ROME 2:9

Ukut ye ɔkpɔsɔŋ ndutuhɔ eyedoro kpukpru ukpɔŋ owo eke enamde idiɔk-ŋkpɔ, odoro Jew ke akpa-itie, onyuŋ odoro Greek ŋko;

DANIEL 9:12

Enye omonyuŋ anam uyo esie oro enye ɔkɔdɔhɔde abaŋa nnyin ye mme ebierikpe nnyin emi ekekpede ikpe nnyin, ɔsɔŋɔ ada: onyuŋ ada akwa idiɔk ŋkpɔ etiene nnyin: koro owo akanam minamke baba ke idak ofuri ikpa enyɔŋ, nte emi ekenamde ke Jerusalem:

EZEKIEL 9:6

Mbufo ewot ebiowo ye akparawa ye eyen-aŋwan ye iban, esobo; edi ekusaŋa ekpere baba owo kiet eke idiɔŋɔ oro odude enye ke idem; mbufo enyuŋ etɔŋɔ ke edisana ebiet mi.

JEREMIAH 14:10

Ntem ke Jehovah ɔdɔhɔ ye mbio emi, ete, Ntre ke mmɔ ema ndiyɔrɔ imumke ukot mmɔ ikama, ndien mmɔ inemke Jehovah esit; kemi ke enye editi mme idiɔk ido mmɔ, onyuŋ ɔnɔ mmɔ ufen abaŋa oburubut ido mmɔ.

JEREMIAH 13:21

Afo edidɔhɔ didie ke ini eke enye edinɔde fi ufen? (Ŋkɔm afo amayak mmɔ emehe ndida ata ubɔŋ fo:) nte ubiak idimumke fi nte omumde ŋwan uman?

JEREMIAH 11:22

mmɔdo ntem ke Jehovah mme udim ɔdɔhɔ, ete, Sese, ami nyenɔ mmɔ ufen; mkparawa mmɔ eyekpaŋa ke ofut: nditɔ-iren mmɔ ye nditɔ-iban mmɔ eyekpaŋa ke akaŋ:

JEREMIAH 10:25

Ŋwaŋa iyaresit fo ke idem mme idut eke mifiɔkke fi, ye ke mme ufɔk eke mikotke fi enyiŋ: koro emedia Jacob, mmɔ esuk eta enye, enyuŋ etak enye, enyuŋ esobo iduŋ esie.

JEREMIAH 9:25

Jehovah ɔdɔhɔ ete, Sese, mme usen ke edi eke ndinɔde kpukpru mbon mbobi ufen ŋkɔrɔ ye mbon edut:

JEREMIAH 1:15

Koro, sese, ami mmɔŋ ŋkot kpukpru mme ubon mme idut edem edere, Jehovah ɔdɔhɔ; ndien mmɔ eyedi, kpukpru mmɔ eyenyuŋ ediɔk ebekpo mmɔ ke inua-otop Jerusalem, ye ke enyɔŋ kpukpru ibibene esie ekan ekuk, ye ke kpukpru mme obio Judah.

ISAIAH 63:19

Nnyin ikodu ke eyo oko; afo ukakarake mmɔ; mmɔ ikekereke enyiŋ fo.

ŊWED MME PSALM 147:19

Emi etiŋde ikɔ esie ɔnɔ Jacob; etiŋ mme ewuhɔ esie ɔnɔ Israel.

DEUTERONOMY 26:18

Jehovah ama onyuŋ ɔdɔhɔ fi mfin emi, ete, Ke iyenim fi ke ata ikɔt imɔ, kpa nte enye ɔkɔdɔhɔde fi, ke afo eyenyuŋ onim kpukpru mbet esie;

GENESIS 10:32

Mme mmɔ emi edi mme oruk nditɔ-iren Noah, ke emana mmɔ ye ke idut mmɔ: ndien mme mmɔ emi ebahare mme idut ke ererimbot ke mmɔŋ ukwɔ ama ekekebe.

UTOM MME APOSTLE 17:26

Enye anam kpukpru mme idut eto ke ekpuk kiet ewɔrɔ ediduŋ ke ofuri iso isɔŋ: onyuŋ edi Enye onim iduɔk ini uwem mmɔ ye adaŋa ebiet iduŋ mmɔ;

NAHUM 3:4

Emi oto ke uwak use ata ediye akpara, eka idiɔŋ, emi anyamde mme idut ke use esie, onyuŋ anyamde mme ufɔk ke idiɔŋ esie.

HOSEA 9:9

Mmɔ emebiara ekaha kpa nte ke ini Gibeah: Enye eyeti idiɔk ido mmɔ, eyenɔ mmɔ ufen mme ukwaŋ-ŋkpɔ mmɔ.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

HOSEA 2:13

Nyenyuŋ nnɔ enye ufen, mbaŋa mme usen Baal emi enye ɔkɔfɔpde ŋkpɔ ɔnɔ mmɔ, okonyuŋ abanade idem esie ke mkpanuen ibuo esie, ye ŋkwa itɔŋ esie, ndien ebine mmɔ eke emade enye, onyuŋ efre mi. Uyo Jehovah edi emi.

DEUTERONOMY 32:9

Koro udeme Jehovah edi ikɔt esie: Jacob edi ubak emi enye odomode ada.

1 ŊWED CORINTH 8:3

edi edieke owo amade Abasi, Abasi ɔmɔfiɔk enye.

GENESIS 18:19

enye ke idem? Koro mmemek enye, kpaŋ enye ekpeteme nditɔ esie ye ufɔk esie eke editienede enye, ete ekpeme usuŋ Jehovah, ndinam se ifɔnde inyuŋ inende; kpaŋ Jehovah akpada kpukpru se ɔkɔdɔhɔde abaŋa Abraham ɔsɔk enye.

DEUTERONOMY 4:32

Mbɔk, kam bup ini eset, emi ekebemde fi iso, tɔtɔŋɔ ke usen oro Abasi okobotde owo ke ererimbot, nyuŋ tɔŋɔ ke utit enyɔŋ kiet, tutu osim ke utit eken, mme oruk akamba ŋkpɔ emi ama osu, mme ekam esikokop ebaŋa oruk ŋkpɔ emi?

EZEKIEL 5:9

Ndien nyenam ke otu mbufo se mme-ŋkanam nnamke, ye se mmendi-namke aba ntre, mbaŋa kpukpru mbubiam mbufo.

HOSEA 5:3

Ami mmɔfiɔk Ephraim, Israel inyuŋ idibeke mi: koro ke emi ke afo anam use, O Ephraim, Israel onyuŋ edehe ŋko.

AMOS 2:4

Ntem ke Jehovah ɔdɔhɔ ete, Idiɔk ido Judah ita ye inaŋ iyakke mi ŋkabare enye (ufen) mfep: koro mmɔ esinde mbet Jehovah ke ndek, ndien minimke mme ewuhɔ esie; nsu mmɔ eke mme ete mmɔ eketienede esin mmɔ ediyo.

AMOS 3:3

Nte iba eyesaŋa kiet ye kiet ke mmɔ midige esit kiet?

AMOS 6:1

OSUK ɔdɔdiɔk ɔnɔ mmɔ emi etiede ke ifure ke Zion, enyuŋ ebuɔtde idem mmɔ ke obot Samaria, akpan owo ke otu mme etubom mme idut, emi ufɔk Israel etienede mmɔ!

MICAH 2:3

Mmɔdo ntem ke Jehovah ɔdɔhɔ, ete, Sese, ami mmɔŋ ŋkere idiɔk-ŋkpɔ kiet mbaŋa idiɔk ufɔk emi, ŋkpɔ eke mbufo mikemeke ndisio itɔŋ mbufo ke esit mfep: midinyuŋ isaŋake iseri-iseri: koro enye edide idiɔk ini.

EXODUS 32:34

Ka, ndien, kada mbon oro, ka ebiet emi ŋkɔdɔhɔde fi: sese, angel mi ɔmɔŋ ebem fi iso: ndien ke usen emi ndinɔde ufen, nyenɔ mmɔ ufen idiɔk ido mmɔ.