AMOS 1:8 - Edisana ñwed Abasi Ibom

⁸ Nyenyuŋ nsibe andiduŋ Ashdod, ye andikama mmɔnyɔ ke Ashkelon mfep, nnyuŋ ndori ubɔk mi ke Ekron: ndien mme Philistine emi esuhɔde eyetak. Ntem ke Ɔbɔŋ Jehovah ɔdɔhɔ.

AMOS 1:8 Referans Kwoze

EZEKIEL 25:16

mmɔdo ntem ke Ɔbɔŋ Jehovah ɔdɔhɔ ete, Sese, ami mmɔŋ nnyanare ubɔk mi nnam mme Philistine, nnyuŋ nsibe mme Cherethite mfep, nnyuŋ nsobo se isuhɔde ke mben-inyaŋ.

ZECHARIAH 9:6

Ndien isen owo eyeduŋ ke Ashdod: nyenyuŋ nsibe ubɔŋ mme Philistine mfep.

ISAIAH 20:1

KE isua oro Tartan edide ke Ashdod, ke ini Sargon edidem Assyria ɔdɔŋde enye utom enye onyuŋ aŋwana ekɔŋ ye Ashdod, onyuŋ ada enye;

ŊWED MME PSALM 81:14

Ŋkpawara ndinam mme asua mmɔ esuhɔre idem mmɔ, ŋkponyuŋ ŋkabare ubɔk mi nnam mme asua mmɔ.

2 CHRONICLES 26:6

Ndien enye ɔwɔrɔ aka akaŋwana ekɔŋ ye mme Philistine, onyuŋ owuri ibibene Gath, ye ibibene Jabneh, ye ibibene Ashdod, onyuŋ ɔbɔp obio ke Ash-dod, ye ke otu mme Philistine.

ZECHARIAH 13:7

Jehovah mme udim ɔdɔhɔ, ete, Ofut, demere yom ekpemerɔŋ mi, yom owo emi edide nsaŋa mi: kpi ekpemerɔŋ, ndien erɔŋ eyesuana: ndien nyekabare ubɔk mi nnam ŋkpri nditɔwɔŋ.

AMOS 3:9

Mbufo ekwɔrɔ ke ikpɔ ufɔk Ashdod, ye ke ikpɔ ufɔk isɔŋ Egypt, enyuŋ edɔhɔ, ete, Mbufo esop idem ke enyɔŋ ikpɔ obot Samaria, enyuŋ ese ikpɔ ndutime ke ufɔt esie, ye nnama emi odude ke esit.

ISAIAH 1:25

ndien nyeda ubɔk mi mfiak ntiene fi, nnyuŋ nuk ifuɔ fo mfep nnam asana, nnyuŋ ndianare kpukpru ŋket fo mfep:

JEREMIAH 47:1

UYO Jehovah emi okosim Jeremiah prophet abaŋa mme Philistine, ke Pharaoh mika isuanke Gaza.

JOEL 3:4

Ndien ŋko mbufo esaŋa nso ŋkpɔ ye ami Tyre, ye Zidon, ye ofuri edem Philistia? Nte mbufo esio usiene ye ami? Ndien edieke mbufo esiode usiene ye ami, nyesɔp nda usiene mbufo iwiwa ndori mbufo ke ibuot.

AMOS 1:7

Ndien nyekim ikaŋ ke ibibene Gaza, ndien enye eyeta ikpɔ ufɔk esie.

OBADIAH 1:18

Ndien ufɔk Jacob eyedi ikaŋ, ufɔk Joseph eyenyuŋ edi edeme-ikaŋ, ufɔk Esau eyenyuŋ edi mbio, ndien mmɔ eyesak ke esit, enyuŋ eta mmɔ; ndien baba ŋkpɔ kiet idisuhɔke inɔ ufɔk Esau; koro Jehovah ɔdɔhɔ.

ZECHARIAH 9:5

Ashkelon eyekut, onyuŋ efehe ndik; Gaza ŋko eyekut, onyuŋ ɔfuhɔ eti-eti, ye Ekron; koro mbuɔtidem esie enamde enye but; ndien edidem eyetak ke Gaza: owo idinyuŋ iduŋke ke Ashkelon.

1 SAMUEL 6:17

Ndien mme mmɔ emi edi mme akpasak o gold oro mme Philistine ekenɔde esɔk Jehovah, ke ŋkpɔ usio-isop; kiet eke Ashdod, kiet eke Gaza, kiet eke Ashkelon, kiet eke Gath, kiet eke Ekron;