3 JOHN 1:12 - Edisana ñwed Abasi Ibom

¹² Kpukpru owo edi ntiense enɔ Demetrius. Akpanikɔ onyuŋ edi ntiense ɔnɔ enye. Nnyin inyuŋ idi ntiense inɔ enye ŋko-ŋko: ndien afo ɔmɔfiɔk ete ikɔ-ntiense nnyin edi akpanikɔ.

3 JOHN 1:12 Referans Kwoze

1ŊWED TIMOTHY 3:7

Akan oro, ana nte enye enyene eti etop ke otu mmɔ emi edude ke esien; mbak enye ediduɔ oduk ke esuene ye ke afia Satan.

JOHN 21:24

Emi edi mbet emi etiede ntiense abaŋa mme ŋkpɔ emi, onyuŋ ewetde mme ŋkpɔ emi, nnyin imonyuŋ ifiɔk ite ikɔ ntiense esie edi akpanikɔ.

UTOM MME APOSTLE 22:12

Ndien Ananias, owo kiet emi anamde ŋkpɔ ɔnɔ Abasi nte ibet etemede, onyuŋ ɔwɔrɔde eti etop ke otu kpukpru mme Jew emi eduŋde do, etiene mi, ada ekpere, ɔdɔhɔ mi ete, Saul, eyen-ete mi, kut usuŋ.

UTOM MME APOSTLE 10:22

Ndien mmɔ ete, Edisana angel eteme Cornelius centurion, emi edide eti owo onyuŋ abakde Abasi, emi onyuŋ ɔwɔrɔde eti etop ke ofuri oruk mme Jew, ete, enye ɔdɔŋ edikot fi edi ke ufɔk esie, onyuŋ okop ikɔ ke inua fo.

JOHN 19:35

Ndien owo emi okokutde ŋkpɔ emi edi ntiense, ndien ikɔ-ntiense esie edi se owo ekpenimde ke akpanikɔ: enye onyuŋ ɔfiɔk ete imɔ itiŋ akpanikɔ, man mbufo ŋko enim ke akpanikɔ.

1 ŊWED THESSALONICA 4:12

man mbufo edu uwem nte eyede ke iso mbon ererimbot, ekunyuŋ enana baba ŋkpɔ kiet.

UTOM MME APOSTLE 6:3

Edi, nditɔ-ete, emek owo itiaba, emi enyenede eti enyiŋ, enyuŋ eyɔhɔde ye Edisana Spirit ye ifiɔk, esio ke otu idem mbufo, man nnyin inim mmɔ ndise mbaŋa utom emi.

1 SAMUEL 12:4

Ndien mmɔ edɔhɔ ete, Afo ukotukke nnyin, ukonyuŋ ufikke nnyin, unyuŋ ubɔhɔ baba owo nnyin kiet ŋkpɔ ke ubɔk.