2 SAMUEL 5:7 - Edisana ñwed Abasi Ibom

⁷ Edi David ada ɔkpɔsɔŋ ebiet Zion: oro edi obio David.

2 SAMUEL 5:7 Referans Kwoze

1 NDIDEM 2:10

Ekem David edide idap ye mme ete esie, onyuŋ ɔbuhɔ ke obio David.

2 SAMUEL 6:16

Ekem nte ekebe Jehovah odukde ke obio David, Michal eyen Saul aŋwan etie ke window ese, ndien enye okut David edidem nte ɔyɔrɔde enek ke iso Jehovah: ndien ese enye ke ndek ke esit esie.

2 SAMUEL 6:12

Ekem esian David, ete, Jehovah ɔmɔdiɔŋ ufɔk Obed-edom, ye kpukpru se inyenede enye, abaŋa ekebe Abasi. Ndien David aka akada ekebe Abasi ke ufɔk Obededom ɔdɔk ke obio David ke idaresit.

ERIYARARE 14:1

EKEM ŋkut, ndien sese, Eyen-erɔŋ ke adada ke Obot Zion, thousand owo ikie ye aba ye inaŋ enyuŋ eda ye Enye, kpa mmɔ emi ekewetde enyiŋ Esie ye enyiŋ Ete Esie ke ɔkpɔ-iso mmɔ.

MME HEBREW 12:22

Edi mbufo ekesaŋa ekpere Obot Zion, ye Obio Abasi uwem kpa Jerusalem enyɔŋ, ye ata ediwak angel, ye akwa esop ye ufɔk Abasi eke mmɔ emi edide ikpan,

ŊWED MBON ROME 9:33

Mmɔ etuak ukot eduɔ ke itiat iduɔ; kpa nte ewetde ete, Sese mmonim itiat iduɔ ke Zion, Ye akwa itiat emi anamde owo ɔduɔ; Owo eke ɔbuɔtde idem ye Enye idinyuŋ ikwe but.

MICAH 4:2

Ndien ediwak mme idut eyeka ekedɔhɔ, ete, Edi, nnyin idɔk ke obot Jehovah, ye ke ufɔk Abasi Jacob; ndien Enye eyeda usuŋ esie ekpep nnyin, nnyin iyenyuŋ isaŋa ke ɔkpɔ-usuŋ esie: koro ewuhɔ eyeto ke Zion, uyo Jehovah eyenyuŋ oto ke Jerusalem.

ISAIAH 59:20

Ndien andifak eyedi ke Zion, onyuŋ etiene mmɔ eke ekabarede ekpɔŋ mme idiɔk ido ke Jacob: emi edi uyo Jehovah.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

ŊWED MME PSALM 132:13

Koro Jehovah emekde Zion; onyuŋ oyom enye ke iduŋ ke idem esie.

ŊWED MME PSALM 87:2

Jehovah ama mme inua-otop Zion akan kpukpru mme iduŋ Jacob.

ŊWED MME PSALM 51:18

Fɔn ido ye Zion ke ima fo: diɔŋ ibibene Jerusalem.

ŊWED MME PSALM 48:12

Mbufo ekanare Zion, esaŋa ekan enye ekuk: ebat mme tower esie.

ŊWED MME PSALM 9:11

Mbufo ekwɔ enɔ Jehovah emi oduŋde ke Zion: etaŋa ese esie ke otu mme idut.

ŊWED MME PSALM 2:6

Ndien edi ami mmonim edidem mi ke enyɔŋ Zion edisana obot mi.

2 CHRONICLES 24:16

Ndien mmɔ ebuk enye ke obio David ke otu ndidem, koro enye akanamde Israel eti ŋkpɔ, ke ŋkpɔ Abasi, ye ke ŋkpɔ ufɔk esie.

2 CHRONICLES 5:2

Ekem Solomon owuk mme ebio-owo Israel, ye kpukpru mbuot mme esien, kpa mbɔŋ mme ete nditɔ Israel, ete ebono ke Jerusalem, man ekemen ekebe ediomi Jehovah ke obio David, emi edide Zion, edɔk.

1 CHRONICLES 11:7

Ndien David oduŋ ke ɔkpɔsɔŋ ebiet oro; mmɔdo esiode enye enyiŋ obio David.

1 NDIDEM 8:1

EKEM Solomon obon kpukpru mbiowo Israel, ye kpukpru mme etubom mme esien, kpa ikpɔ owo mme ete nditɔ Israel, ke ɔtɔ Solomon edidem ke Jerusalem, man eda ekebe ediomi Jehovah ke obio David, emi edide Zion, edɔk.

1 NDIDEM 3:1

EKEM Solomon okoro ukot ye Pharaoh edidem Egypt, onyuŋ ada eyen Pharaoh ɔdɔ, ada enye edi ke obio David, tutu enye edibɔp ufɔk esiemɔ, ye ufɔk Jehovah, ye ibibene Jerusalem akan okuk.

2 SAMUEL 6:10

David inyuŋ inyimeke ndida ekebe Jehovah ŋka ŋkonim ke ebiet esiemɔ ke obio David: edi David ada enye awaha onim ke ufɔk Obed-edom Gittite.

2 SAMUEL 5:9

Ndien David oduŋ ke ɔkpɔsɔŋ ufɔk oro: onyuŋ osio enye enyiŋ Obio David. David onyuŋ anam ibibene akan okuk, ɔtɔŋɔde ke Millo oduk ke esit.

2 SAMUEL 5:8

David onyuŋ ɔdɔhɔ ke usen oro, ete, Yak kpukpru owo eke ewotde mme Jebusite, eda mmɔ ŋko eduɔk ke udiɔŋ mmɔŋ, ye mme mbuŋɔ ye nnan emi esit David asuade. Mmɔdo edɔhɔde ete, Mbuŋɔ ye nnan ididukke ke ufɔk.

1 NDIDEM 9:24

Edi eyen Pharaoh aŋwan oto ke obio David ɔdɔk ke ufɔk esie emi enye (Solomon) ɔkɔbɔpde ɔnɔ enye. Ndien enye ɔbɔp Millo ŋko.

JEREMIAH 21:13

Sese, ami mmɔŋ nnam ikɔ ye afo, O andiduŋ ebedeŋ, ye akwa itiat una-isɔŋ, Jehovah ɔdɔhɔ; mbufo emi edɔhɔde ete, Anie edisuhɔre ke ɔtɔ nnyin? Anie edinyuŋ oduk ke ebiet iduŋ nnyin?

NEHEMIAH 3:15

Edi Shallun eyen Col-hozeh, etubom ubak Mizpah, ɔdiɔŋ inua-otop idim; enye ɔbɔp enye, onyuŋ okubi enye, onyuŋ ɔkɔŋ itim esie, ye locks esie, ye usin-usuŋ esie, ye ibibene mkpɔdiɔhɔ-mmɔŋ Shelah tutu osim iŋwaŋ-esa edidem, udigukot emi otode ke obio David ɔsuhɔre.

ŊWED MME PSALM 48:3

Emefiɔk Abasi ke ikpɔ ufɔk esie, ete ke enye edi ebiet-ubɔhɔ.