2 SAMUEL 3:3 - Edisana ñwed Abasi Ibom

³ ndien udɔ esie edi Chileab eyen Abigail ŋwan Nabal Carmelite; ndien udɔ-udɔ edi Absalom eyen Maacab, eyen-aŋwan Talmai edidem Geshur;

2 SAMUEL 3:3 Referans Kwoze

1 SAMUEL 27:8

Ekem David ɔdɔk ye ikɔt esie, aka akaŋwana ekɔŋ ye mme Geshurite, ye mme Girzite, ye mme Amalekite: koro mmɔ oro ekeduŋde ke edem oro ke ini eset, nte afo akade Shur, tutu osim ke isɔŋ Egypt.

1 CHRONICLES 3:1

NDIEN mme mmɔ emi edi nditɔ iren David emi emanade enɔ enye ke Hebron; Amnon, akpan eyen Ahinoam ŋwan a Jezreel: udɔ, Daniel eyen Abigail ŋwan a Carmel:

2 SAMUEL 2:2

Ndien David ɔdɔk aka do, ye iban esie iba ŋko, Ahinoam aŋwan a Jezreel, ye Abigail, ŋwan Nabal, Carmelite.

1 SAMUEL 25:42

Ndien Abigail awara adaha ke enyɔŋ odoro ke ass, ifin iban esie ition enyuŋ etiene enye eka; ndien enye etiene mme isuŋutom David ke edem, onyuŋ akabare edi ŋwan esie.

1 SAMUEL 25:3

Ndien enyiŋ owo oro ekere Nabal; enyiŋ ŋwan esie onyuŋ ekere Abigail: ndien ŋwan oro enyene eti ibuot, onyuŋ eye iso: edi eren oro ɔsɔŋ ido, onyuŋ ɔdiɔk ido; enye onyuŋ oto ke oruk Caleb.

JOSHUA 13:13

Edi nditɔ Israel ibɔhɔ isɔŋ mme Gehsurite, ye eke mme Maacathite: edi mme Geshurite ye mme Maacathite eduŋ ke otu Israel tutu osim mfin emi.

DEUTERONOMY 3:14

Jair eyen Manasseh ada ofuri edem Argob, tutu osim ke adaŋa mme Geshurite, ye mme Maacathite; onyuŋ ada enyiŋ esiemɔ osio mmɔ Bashan-havvoth-jair, tutu osim mfin emi.

2 SAMUEL 18:33

Ndien esit ayat edidem, enye onyuŋ ɔdɔk ke ubet ke enyɔŋ inua-otop, ke atua eyet: onyuŋ ɔdɔhɔ ntem, nte enye ɔdɔkde, ete, Eyen mi Absalom! eyen mi, eyen mi, Absalom! ami ŋkpakam ŋkpa ke ibuot fo, O Absalom, eyen mi, eyen mi.

2 SAMUEL 14:24

Ndien edidem ɔdɔhɔ ete, Yak enye ɔwɔŋɔre aka ke ufɔk esie, okunyuŋ okut mi iso. Ntre ke Absalom ɔwɔŋɔre aka ke ufɔk esiemɔ: inyuŋ ikwe edidem iso.

2 SAMUEL 13:1

EDIKEM ke ŋkpɔ emi ema ekebe, Absalom eyen David enyene ediye eyeneka aŋwan ekere Tamar; ndien Amnon eyen David ama enye.

2 SAMUEL 14:32

Ndien Absalom ɔdɔhɔ Joab, ete, Sese, ŋkɔdɔŋ ekedɔhɔ fi ete, Di ken, man ndɔŋ fi utom ke ɔtɔ edidem, ɔkɔdɔhɔ ete, Ŋkanam didie nto ke Geshur ndi? Ɔkpɔfɔn mi ndikam ndu do ke emi: kam yak ŋkut edidem iso; ndien edieke idiɔk ŋkpɔ odude mi ke ubɔk, yak enye owot mi.

2 SAMUEL 15:7

Edikem ke utit isua aba, Absalom ɔdɔhɔ edidem, ete, mbɔk, yak ŋka ke Hebron ŋkanam akaŋa mi emi ŋkakaŋake nnɔ Jehovah.

2 SAMUEL 15:8

Koro owo fo akakaŋade akaŋa ke ini oro ŋkoduŋde ke Geshur ke Syria, nte, Edieke Jehovah edidade mi afiak ke Jerusalem, nyenam ŋkpɔ Jehovah.

1 NDIDEM 1:6

Ndien ete esie akanam iyatke enye esit, ete, Anam didie afo anam ntem? enye onyuŋ edi ata ediye owo; ndien eka esie aman enye adian Absalom.

1 NDIDEM 2:15

Ndien enye ete, Ŋkɔm afo ɔmɔfiɔk ete ke itie edidem ekenyene mi, ofuri Israel ekenyuŋ ewuk enyin ese mi, ete nda ubɔŋ: edi ubɔŋ ama akabare edi eke eyen-ete mi:

1 CHRONICLES 3:2

ududɔ, Absalom eyen Maacah eyen Talmai ɔbɔŋ Geshur: ɔyɔhɔ inaŋ, Adonijah eyen Haggith:

2 SAMUEL 14:23

Ekem, Joab adaha ke enyɔŋ aka Geshur, akada Absalom edi ke Jerusalem.