3 Ndien Joab ɔdɔhɔ edidem, ete, Mbio-obio edi se ededi, yak Jehovah Abasi fo akam ada efen ɔkɔrɔ utim ikoduop, yak enyin ɔbɔŋ mi edidem enyuŋ ekut: edi ɔbɔŋ mi edidem anam didie ama ŋkpɔ emi?
Jehovah Abasi mme ete mbufo akpakam ɔkɔrɔ mbufo utim ikotɔsin ewak ekan adaŋa nte mbufo edide, onyuŋ ɔdiɔŋ mbufo, kpa nte enye ɔkɔdɔhɔde mbufo.
Yak Jehovah anam mbufo etɔt, kpa mbufo ye nditɔ mbufo.
Ndien afo eyekut, onyuŋ atara idem, esit eyenyuŋ ebre, onyuŋ aŋwaŋa fi: koro inyene inyaŋ eyekabare etiene fi, odudu mme idut eyedi ke ɔtɔ fo.
Uwak owo edi ubɔŋ edidem: edi unana owo edi nsobo ɔbɔŋ.
ami nyedi ndinyaŋa fi. Sɔŋ esit, yak nnyin inyuŋ inam nte iren-owo inɔ oruk nnyin, ye mme obio Abasi nnyin: yak Jehovah onyuŋ anam nte enye amade.
Edi uyo edidem ɔsɔŋ akan eke Joab, ye eke mme etubom mbon-ekɔŋ. Ndien Joab ye mme etubom mbon-ekɔŋ eto ke iso edidem ndika ŋkabat mbio Israel.